Aphale na Atsikana Akubvundza—Kodi Ndinaphatisira Tani Umaso Wanga? (Khundu 1)

Mu ndzidzi unakula aphale na atsikana toera kukhala akulu, iwo asafunika kucita pisankhulo pyakufunika kakamwe. Toera kuaphedza, yakhunganywa vidyu yakuti Os Jovens Perguntam—O que Fazer da Minha Vida?. Pa menu principal, pakumala kusankhula cilongero, sankhulani Iniciar o Drama, buluka penepo, onani khala munakwanisa kutawira mibvundzo inagumanika pa ndima 2. Mungamala, sankhulani Entrevistas pa menu principal, buluka penepo sankhulani Relem-brando, buluka penepo yeserani kutawira mibvundzo inagumanika pa ndima 3.

Drama: (1) Kodi makhaliro a Timoti akhali akulandana tani na a aphale na atsikana azinji Acikristu lero? (2) Kodi Andrea akhakulumizwa tani toera kupembera m’mapika? (3) Kodi M’bale Fleissig alonganji kuna Andrea (a) thangwi ya kukhala wakuperekeka kwa Yahova na kukhala wakuperekeka ku mapika? (Mat. 6:24) (b) kuti kutsandzaya kwandimomwene kusabuluka kupi? (c) kuti phande [peno tijela] yace ikhankumbusanji thangwi ya ku mbuto ya anyankaidi idaendeswa iye? (d) thangwi ya anthu ali pa foto na iye pabodzi na nkazace? (e) khala iye akhatsumbikika thangwi yakucinja pifuno pyace? (Afil. 3:8) (4) Kodi mbuya wankazi wa Andrea atawira tani mbvundzo udacita Andrea, “Ndi pyakuipa kwa ine kufuna kukhala nyakuthamanga wambiri?” (Luka 4:5-7) (5) Kodi kuwina mapika kwabweresa kutsandzaya kwandimomwene kuna Andrea? (6) Ninji cidakutundusani pa tsamba yakumalisa idalemba M’bale Fleissig kuna Andrea? (Mis. 10:22) (7) Kodi M’bale Fleissig aphedza Andrea toera kudzindikiranji?

Kukumbuka Pya Nduli (Relembrando): (8) Kodi abale na alongo akhasaka kucita mabasa api mu umaso wawo, na thangwi yanji? (9) Kodi iwo apembera mpaka papi? (10) Ninji pidacitisa m’bodzi na m’bodzi wa iwo kucinja pikhafuna iwo kucita mu umaso wawo? (2 Akor. 5:15) (11) Kodi ndi mabasa api Acikristu adapitira mbuto mabasa awo akale, na thangwi yanji iwo aona kuti nee mbadakwanisa kucita mabasa mawiri ene? (12) Kodi iwo atsumbikika thangwi yakucinja pinthu pikhaikha iwo pa mbuto yakutoma mu umaso wawo? (13) Kodi ninji pidalonga iwo pyakuti pyakucitisani kunyerezera pinafuna imwe kucita na umaso wanu?

Taphata miyendo, onani makhundu anango a entrevistas na matéria adicional, na khunganyikani toera kutawira mibvundzo ya makhundu anewa ingadzadigwa pa Nsonkhano Wa Basa sumana inafuna kudza.