Fa Edwirɛ Bɔ Osisi Ɛlɛsãe Ne Di Dwumaa Wɔ Asɛnga Nu

Edwirɛ bɔ osisili wɔ Yesu mmerɛ so ne, ɔfale enu asuadeɛ ne hyirehyirele mmenia. (Luk 13:1-5) Wɔ kɔso, ɛkɔhora kɔfa edwirɛ bɔ osisi ɛlɛsãe ne kɔkanyaen mmenia anigye wɔ asɛnga nu. Mmerɛ bɔ abobɔ edwirɛ biemɔ tekyɛ, sikanzɛm nu anwokyere, atorɛngyɛm, kõɛ bɔ ɔkɔso, ayire tɛ́ bɔ bɛfa bedi dwumaa, anaa nningyein bɔ ɔtete sɔ nemɔ aso ayie ne, bisa edwirɛ bie fa kanyaen b’adwene. Ɛkɔhora kobisa kyɛ: “Aso edé di kyɛ . . .  kɔwa ayieleɛ anaa?” anaa “Esusu kyɛ, nzu yeɛ ɔkɔmaa . . .  kofi berɛ ɔ?” Afei, kenga tworɔnzɛm bie bɔ ɔfa sɔ dwirɛ nanwo kyire ye. Sɛ sona ne kyire yenwo anigye a, twẽ ye adwene kɔ vidio anaa nwomaa bie bɔ ɔwɔ Nwinadeɛ Bɔ Yɛfa Yekyirekyire nanu naso. Mmerɛ bɔ yɛbɔ mmɔden kyɛ yekodwu mmenia bɔ bɛwɔ y’aseɛsĩi nanu ne ahõne nu ne, ɛmɔma “yɛyɛ nningyein mukoraati ɔnate edwirɛ pá nati.”—1Ko 9:22, 23.

Edwirɛ benimɔ yeɛ mmenia bɔ bɛwɔ w’aseɛsĩi nanu ne nye kɔgye yenwo ɔ?