Pena Bible Nu Afutue Bɔ Ɛkɔfa Kɔbɔ Wɔbra Wɔ JW.ORG So

Nyameɛpiri Dwirɛ ne boka yɛ maa yɛkora yegyina nzɔhwɛ ahoroɛ noa wɔ ayieleɛ mmerɛ he anu. (2Ti 3:1, 16, 17) Nakoso, ɔtɔ mmerɛ bie a, yekohia mmokalɛ kyɛbɔ ɔkɔyɛ a, yekonwu Bible nu nnyinasoɛdwirɛ bɔ yɛkɔfa yɛkɔyɛ adwuma wɔ tebea pɔtẽe bie nu ɔ. Kyɛ nneasoɛ ne, ɛpena afutue bɔ ɛkɔfa kɔtete wɔ mmaamɔ anaa? Anaakyɛ eyia wɔ gyidie nwo nzɔhwɛ kyɛ abrandeɛ anaa taluwa hɔ? Ɛte kũnaniɛ bɔ edi wɔ nwokãfoɛ wue nwo yalɛ anaa? Ekonya Bible nu nnyinasoɛdwirɛ pɔtẽe bie bɔ ɔkɔboka wɔ maa ekogyina tebea ahoroɛ bɔ ɔte sɔ ne noa wɔ jw.org so.—An 2:3-6.

Sɛ ɛkɔ jw.org so a, Kɔ BIBLE TEACHINGS bue berɛ. (Nea foto 1 ne.) Sɛ obukye a, bɔ ekuro anaa bɔ wɔnye gye yenwo ne, bɔ so. Anaa kɔ AKORAEƐ > EDWIRƐ BƆ ƆBA NDOƆTOASOƐ, afei bɔ ekuro anaa bɔ wɔnye gye yenwo ne, bɔ so. (Nea foto 2 ne.) Ɛkɔhora konwu edwirɛ bɔ ɔte sɔ nala wɔ JW Library^® a so. Na wɔnye kɔhora kɔgye edwirɛ bɔ ekonwui wɔ nekaa ahoroɛ bɔ ɔte sɔ nanwo. Afei koso, ɛkɔhora kɔbɔ nikye bɔ ɛpena ne kowura search bue berɛ wɔ jw.org so.

Bɔ edwirɛti bɔ olili so hemɔ wura search bue berɛ, na nea edwirɛ ahoroɛ bɔ ɔwɔ berɛ nanu bɔ ɛpena kyɛ ɛkenga ɔ.

• Mmaa tetelɛ

• Bɔ ɔfa adwenedwene bato mmabunu so ɔ

• Wɔ nwokãfoɛ wue