Sɛ Wɔ Sikanzɛm Sɛkye A, Nzu Yeɛ Ɛkɔyɛ Ɔ?

Kyɛbɔ nningyein ngɔyé, na esikanzɛm koso ayɛ basaa wɔ ewiase he anu ne, ɔnyɛ yɛ nwanwa. Nzuati yeɛ yɛkã sɔ ɔ? Waha kãa bie maa Yehowa sɛkye ewiase he. Yeti Bible ne bɔ yɛ kɔkɔ kyɛ, nnɛmaa yɛfa yɛnwo yɛto anwonyadeɛ so. Ofikyɛ ɔngɔhyɛ biala ɔkɔpɛnu. (1Ti 6:17; 2Ti 3:1) Ewiase sikanzɛm sɛkye alaa yeɛ ɔsɛkye ɔ. Yede, yɛkɔyɛ sɛɛ né yasiesie yɛnwo yato berɛ, kyɛbɔ Ɔhene Yehosafate yɛle ne?

Yehosafate fale yenwo tole Yehowa so, mmerɛ bɔ ye pɔfoɛ nemɔ nwũnanwũnane ye ne. (2Abe 20:9-12) Kora bɔ ye pɔfoɛ nemɔ ba ye so ne, ɔyɛle nikyeebie fa bɔle mmenia nemɔ nwo waen. Ɔtole fasue fale nguro nemɔ nwo, na ɔmaa sogyafoɛ wɛne berɛ. (2Abe 17:1, 2, 12, 13) Ɛmɔma yesuesũa Yehosafate, na yɛfa yɛnwo yɛto Yehowa so. Afei koso, odikyɛ yɛsiesie yɛnwo yɛto berɛ ɛnnɛ, kora né nningyein alé asaa nu.

NEA VIDIO BƆ YEƐ OLE, ASO ASIESIE WƆNWO AMA ATOYERƐNGYƐM ANAA? NA YE NZƐMMISA HEMƆ NOA:

• Kora bɔ atoyerɛngyɛm bie kosi ne, nzu yeɛ odikyɛ yɛnu biala yɛ fa siesie yenwo ɔ?

  Your answer

• Yɛkɔyɛ sɛɛ né y’aboka bɛbɔ atoyerɛngyɛm ato bɛ ne?

  Your answer