Y’ABRABƆ KYƐ KRISTOFOƐ

Má ‘Wɔnye Sɔ Bɔ Ele Ye Ɔ’

Sɛ yedi hĩaa, na yannea yé a, ɔkɔmaa yɛkɔyɛ nikyeebie bɔ ɔkɔhora kɔsɛkye adamvoa bɔ yɛne Yehowa le ye ne. Atẽe beni aso? Ebia yekonya adwuma bie bɔ ɔkɔmaa yekonya esikaa pẽe, nakoso sɛ yɛkɔyɛ sɔ adwuma ne a, ebia yengonya mmerɛ ngɔsõ Yehowa yé. Sɛ ɔba sɔ a, yɛkɔhora yɛkɔdwenedwene edwirɛ bɔ ɔwɔ Hebrifoɛ 13:5 nanwo.

‘Ɛmɔye sikaa anyeborolɛ befi ɛmɔ abrabɔ nu’

Bisa wɔnwo kyɛ, aso nde ebie bɔ menye boro esikaa anaa? Ɛyɛ a, fa mbaeɛ susu sɔ nzɛmmisa nanwo. Kae kyɛ, sɛ wɔnye boro esikaa a, wɔ mmaamɔ kosuesũa wɔ.—g-TW 9/15 6.

“Ná ɛmɔma ɛmɔ nye sɔ bɔ ɛmɔanya ɔ”

Bɔ mmɔden kyɛ ekonwu nningyein bɔ ehia ye paa wɔ w’asetena nu ɔ.—w16.07-TW 7 ¶1-2.

“Mengoli wɔ ngasi, yeɛ mengɔye me sa wɔ wɔ́ bo llé”

Nya gyidie kyɛ, sɛ ɛfa Ahennie ne dimoa wɔ w’asetena nu a, Yehowa kɔboka wɔ maa wɔsa kɔhã nningyein bɔ ehia ɔ.—w14-TW 4/15 21 ¶17.

Mvoni Ahoroɛ: Ekonwu sɔ foto hemɔ wɔ vidio bɔ yeɛ ole, “Nea Kyɛbɔ Yeliemamɔ Le Asomdwee Ɔ, Ɔmva Yenwo Ne Esikaanzɛm Nu Anwokyerɛ” nanu. 1. Miguel fete esiam wɔ aluo berɛ. 2. Miguel to ndaadeɛ. 3. Wanya adwuma wɔ stɔɔ bie bɔ bɛtɔne sua nwo nningyein nu, osiesie yenwo kɔ adwuma na ɔnea ye nyunu wɔ aneanu nu, ɛkora nwu kyɛ yenye agye.

NEA VIDIO BƆ YEƐ OLE, NEA KYƐBƆ YELIEMAMƆ LE ASOMDWEE Ɔ, ƆMVA YENWO NE ESIKAANZƐM NU ANWOKYERƐ, NA YE NZƐMMISA HE NOA:

Nzu yeɛ asũa afi Miguel ne Novoa dwirɛ nanu ɔ?

Tworɔ wɔ mmuayɛɛ ne wura wa