FEBRUARY 19-25

EDWEIN 8-10

Dwein 2 Ɔne Mbaeɛ | Kã Bɔ Ɔkɔhɔso Nanwo Dwirɛ (Min. 1)

NYAMEƐ DWIRƐ NANU ASUADEƐ

1. “AWURADE, Ngɔfa M’ahone Amukoraa Ngɔla Wɔ Ase”

(Min. 10)

Bɔ Yehowa ayɛ ama yɛ ne, yɛnwa yɛkã yenwo dwirɛ a, ahãa yengoyie llé (Edw 8:3-6; mwbr24.01 11 ¶1)

Sɛ yɛkã nningyein bɔ Yehowa ayɛ nanwo dwirɛ yekyire mmenia a, okyire kyɛ yefi y’ahõne nu yɛye ye ayɛ (Edw 9:1; mwbr24.01 11 ¶2)

Sɛ yefi y’ahõne nu yɛto dwein yɛma Yehowa a, ɛhẽne koso kyire kyɛ yɛye ye ayɛ (Edw 9:2; mwbr24.01 11 ¶3)

Mvoni Ahoroɛ: Atẽe bɔ yɛkɔhora yɛkɔfa so yɛkɔye Yehowa ayɛ ɔ. 1. Aworowaa bie di nɛɛseniɛ bie adanzeɛ. 2. Aliemaamɔ to dwein wɔ adesũa bo. 3. Akwalaa bie ama yesa so wɔ adesũa bo, ɔpena kyɛ ɔma mmuayɛɛ. 4. Abrandeɛ bie siesie Ahennie Asa so. 5. Taluwa bie di ye mangõ sukuuniɛ bie adanzeɛ.

BISA WƆNWO KYƐ, ‘Atẽe foforɛ beni aso yeɛ ngɔhora ngɔye Yehowa ayɛ ɔ?’

2. Bible Nu Dwirɛ Titire

(Min. 10)

Edw 8:3—Nyameɛ sa noa, anaa yesa mmɛseka bɔ tworɔnzɛm ne hãne yenwo dwirɛ ne, ogyi berɛ ma nzu? (mwbr24.01 11 ¶4)

Tworɔ wɔ mmuayɛɛ ne wura wa
Nzu yeɛ ɛhyɛle ye nzorɛ wɔ dapɛen he Bible kengalɛ nanu ɔ?

Tworɔ wɔ mmuayɛɛ ne wura wa

3. Bible Kengalɛ

(Min. 4) Edw 10:1-18 (th adesũa 11)

YERE WƆNWO YƐ ASƐNGA ADWUMA NE

4. Kyɛbɔ Ɛne Ebie Kɔhyɛ Yebo Kɔbɔ Ngɔmmɔ Ɔ

(Min. 3) AWURO-AWURO NU ASƐNGA. Fa ye kyɛ sona bɔ aato ye ne, ɔnwa Nyameɛ biala nne berɛ. (lmd adesũa 5 porɛ 4)

5. Kyɛbɔ Ɛkɔyɛ Sakɔnea Ɔ

(Min. 4) MMERƐ BƆ ƐNNE ASƐNGA NU Ɔ. Fa ye kyɛ ɛne sona ne abɔ ngɔmmɔ le, na ɔhãhyirele wɔ kyɛ Nyameɛ biala nne berɛ. Nakoso kesaalae de, ɔpena kyɛ onwu adanzeɛ bɔ okyire kyɛ Nyameɛ wɔ berɛ ɔ. (th adesũa 7)

6. Dwudwolɛ

(Min. 5) w21.06-TW 6-7 ¶15-18—Edwirɛti: Boka Wɔ Bible Sũaniɛ Má Onwu Kyɛbɔ Ɔkɔye Yehowa Ayɛ Ɔ. (th adesũa 10)

Y’ABRABƆ KYƐ KRISTOFOƐ

Dwein 10

7. Kyɛbɔ Ekoli Mmenia Adanzeɛ, Mmerɛ Bɔ Ɛnne Asɛnga Nu Ɔ

(Min. 10) Ngɔmmɔbɔ.

Sɛ yɛwɔ adwuma nu, sukuu nu, anaa yɛkwaali dwaa a, ɛyɛ a yeyia mmenia. Sɛ yɛbɔ mmɔden kyɛ yekoli sɔ mmenia nemɔ adanzeɛ a, ɛhẽne koso te atẽe kõ bɔ yɛfa so yɛye Yehowa ayɛ ɔ. (Edw 35:28) Sɔ dwirɛ bɔ yɛkã ye, ɛyɛ a ɔlla ase koraa, ofikyɛ sɔ mmerɛ ne de, ɛyɛlle w’adwene kyɛ ɛkɔ asɛnga. Yeti wɔ kunu kɔhora kɔtete wɔ po. Nikyee kõ bɔ ɔkɔboka wɔ yeɛ ole kyɛ, ɛyɛ a nnɛpere wɔnwo, na mmom to wɔ boase ne ye bɛbɔ ngɔmmɔ. Sɛ ɛyɛ sɔ a, ɔkɔmaa ɔkɔyɛ mmerɛ kɔma wɔ kyɛ ekoli mmenia bɔ eyia bɛ ne adanzeɛ, na ɔkɔsɔ wɔ fɛ nu!

Foto bie bɔ ofi vidio bɔ yeɛ ole, “Yɛ Krado Kyɛ Ɛkɔhã “Asomdwee Nzɛmba Ne Bie”—Yɛ Nikyee Bie Bɔ Ɔkɔmaa Ɛne Sona Ne Kɔbɔ Ngɔmmɔ Ɔ” nu ne. Aliemaa brasua bie ahyɛ yebo, ɔne maame bie bɔ ngɔmmɔ wɔ rɛstɔrant.

Bɔ VIDIO bɔ yeɛ ole, Yɛ Krado Kyɛ Ɛkɔhã “Asomdwee Nzɛmba Ne Bie”—Yɛ Nikyee Bie Bɔ Ɔkɔmaa Ɛne Sona Ne Kɔbɔ Ngɔmmɔ Ɔ. Afei bisa aliemaamɔ kyɛ:

Sɛ ɛyɛlle w’adwene kyɛ ɛkɔ asɛnga po a, sɛɛ yeɛ vidio he kɔboka wɔ maa ekoli mmenia adanzeɛ ɔ?

Tworɔ wɔ mmuayɛɛ ne wura wa

Sɛ ɛpena kyɛ ɛne ebie hyɛ yebo bɔ ngɔmmɔ a, ɛkɔhora kɔsó bɔ oliliso he kɔnea:

Mmerɛ biala bɔ efi awuro ne, siesie wɔnwo kyɛ ekoli bɛbɔ ekoyia bɛ ne adanzeɛ. Afei bɔ Yehowa mbaeɛ kyɛ ɔboka wɔ má eyia ebie bɔ yenye gye yenwo kyɛ, okotie Bible nu dwirɛ ne ɔ
Sɛ eyia ebie a, ɛyɛ a te wɔ nyunu, na má onwu kyɛ ɛdwene yenwo. Afei fa wɔnye to ase nea bɔ sona ne nye gye yenwo ɔ. Sɛ ɛyɛ sɔ a, ɔkɔmaa ekonwu Bible nu dwirɛ bɔ ɛkã kyire ye a, yenye kɔgye yenwo ɔ
Sɛ ɔkɔyɛ yé a, ɛkɔhora kolé sona ne fon namba
Sɛ ebia ɛne sona ne bɔ ngɔmmɔ, na angora anni ye adanzeɛ po a, nnɛmaa ɔha wɔ
Sɛ ɛne sona ne bɔ ngɔmmɔ yie na ɛkɔ awuro a, kɔso dwenedwene atẽe bɔ ɛkɔfa so kɔboka ye nanwo. Ɛkɔhora kɔfa Bible dwirɛ bie, anaa edwirɛ bie bɔ ɔwɔ jw.org so nwo link kɔsɛnde ye. Ɛyɛ sɔ a, okyire kyɛ ɛdwene sona nanwo

Só ɛhe nea: Yɛfa ye kyɛ ebie abisa wɔ kyɛ, ‘Fue ne Kwasida bɔ ɔpɛle nu ne, nisɔa yeɛ ɛhɔle ɔ?’ Sɛ ɔba sɔ a, nningyein bɔ esũane ye wɔ asafo nhyiamu bo ne, ɛkɔhora kɔhã bie kohyire ye. Afei koso, ɛkɔhora kɔmaa okonwu kyɛ ɛne mmenia sũa Bible ne.