FEBRUARY 26–MARCH 3
EDWEIN 11-15
Dwein 139 Ɔne Mbaeɛ | Kã Bɔ Ɔkɔhɔso Nanwo Dwirɛ (Min. 1)
1. Fa Ye Kyɛ Ɛwɔ Ewiase Foforɛ Bɔ Asomdwee Wɔ Nu Nanu
(Min. 10)
Ɔnate kyɛ mmenia mva mmraa bɛnyɛ adwuma nati, ɛhẽne yeɛ wamaa basabasayɔlɛ abu so sɔ ne (Edw 11:2, 3; mwbr24.01 12 ¶1)
Yedé yedi paa kyɛ ɔngɔhyɛ biala, Yehowa kɔye basabasayɔlɛ kofi berɛ (Edw 11:5; mwbr24.01 12 ¶2)
Yehowa ahyɛ bɔ kyɛ ɔkɔma yɛ daa ngõa wɔ ewiase foforɛ nanu. Sɛ yɛmaa ɛhe tena y’adwene nu a, ɔmva yenwo ne bɔ okosi biala, yekonya aboterɛ yɛkɔnwondɛ (Edw 13:5, 6; mwbr24.01 12 ¶3)
SÓ ƐHE NEA: Kenga Hesekiel 34:25 ne. Sɛ eyie a, pɛ yenwo foto wɔ w’adwene nu kyɛ ɛte ewiase bie bɔ asomdwee wɔ nu nu ɔ.—mwbr24.01 12 ¶4.
2. Bible Nu Dwirɛ Titire
(Min. 10)
Edw 14:1—Sɛ Kristoniɛ bie annea yé a, ɔkɔhora kosuesũa bɛbɔ tworɔnzɛm he kã bɛnwo dwirɛ ne, atẽe beni aso? (mwbr24.01 13 ¶1)
Nzu yeɛ ɛhyɛle ye nzorɛ wɔ dapɛen he Bible kengalɛ nanu ɔ?
3. Bible Kengalɛ
(Min. 4) Edw 13:1–14:7 (th adesũa 2)
4. Kyɛbɔ Ɛne Ebie Kɔhyɛ Yebo Kɔbɔ Ngɔmmɔ Ɔ
(Min. 2) MMERƐ BƆ ƐNNE ASƐNGA NU Ɔ. To asaa frɛ sona ne kyɛ ɔɔboka yɛso, má yɛkae Yesu wue ne. (lmd adesũa 5 porɛ 3)
5. Kyɛbɔ Ɛne Ebie Kɔhyɛ Yebo Kɔbɔ Ngɔmmɔ Ɔ
(Min. 1) AWURO-AWURO NU ASƐNGA. To asaa frɛ sona ne kyɛ ɔɔboka yɛso, má yɛkae Yesu wue ne. (lmd adesũa 3 porɛ 4)
6. Kyɛbɔ Ɛne Ebie Kɔhyɛ Yebo Kɔbɔ Ngɔmmɔ Ɔ
(Min. 3) AWURO-AWURO NU ASƐNGA. Fa ye kyɛ, ato asaa afrɛ sona ne kyɛ ɔɔboka yɛso má yɛkae Yesu wue ne, na yenye gye yenwo kyɛ ɔkɔwa. (lmd adesũa 7 porɛ 4)
7. Kyɛbɔ Ɛkɔyɛ Bible Adesũa Ɔ
(Min. 5) lff adesũa 13 yemuabɔlɛ, ndimu, ɔne botaeɛ. Edwirɛ bɔ ɔwɔ “Nea Ɛhe Koso” bue berɛ ne, fa boka wɔ Bible suaniɛ ne ma onwu kyɛ, Nyameɛ nye ngye ngondombo sõen nwo. (th adesũa 12)
Dwein 8
8. “Nworɛ Nwo Hia Tra Akõdeɛ”
(Min. 10) Ngɔmmɔbɔ.
Basabasayɔlɛ abu so wɔ ewiase nekaa biala, na ye nyunu ala yeɛ ɔkɔ ɔ. Ɔnate sɔ nningyein tɛ́ɛ bɔ ɔkɔso nati, ɔtɔ mmerɛ bie a, yɛkora yɛdwene yenwo alaa maa ɔbɔ yɛ anwonyerɛ po. Yehowa se bɔ yɛfa nu ne, yeti ɛyɛ a ɔbɔ yɛnwo waen, na ɔnate Bible naso yeɛ ɔyɛ sɔ ɔ.—Edw 12:5-7.
Sɛ yɛkenga Bible ne a, ɔmaa yenwu nworɛ. Na sɔ nworɛ bɔ ɔwɔ Bible nanu ne, ‘yenwo hia tra akõdeɛ biala.’ (Nwd 9:18) Tworɔnzɛm ahoroɛ bɔ ɔwɔ yebo berɛ ne, nea kyɛbɔ ɔkɔhora kɔbɔ yɛnwo waen na mmenia anyɛ yɛ basabasa ɔ.
Nwd 4:9, 10—Ɛyɛ a wɔ ngome nnɛfa nekaa bɔ ɛberɛ yɛ suro ɔ
Any 22:3—Bɔ mmɔden kyɛ ekonwu bɔ ɔkɔso wɔ ɛmɔ madanu berɛ, na da wɔnwo so
Any 26:17—Sɛ enwu kyɛ mmenia su edwirɛ bie nwo aporowaa a, nnɛfa wɔnoa kɔto nu
Any 17:14—Nekaa bɔ ɛwɔ ne, sɛ enwu kyɛ nningyein bɔ ɔkɔso wɔ berɛ ne, ɔkɔhora kɔmaa ebiemɔ kɔyɛ basabasa a, yede fi berɛ ndɛ. Afei sɛ enwu kyɛ mmenia biemɔ aboɔboa bɛnwo noa, bɛpena kyɛ bedwɔso betia awaen ne, anaa kuro berɛ mbanyi a, twẽ wɔnwo fi berɛ na pena nekaa bie fa
Luk 12:15—Nnɛfa wɔ ngõa to asane nu kyɛ ɛfa bɔ w’agyapadeɛ nwo waen
Bɔ VIDIO bɔ yeɛ ole, Suesua Gyidifoɛ Ne, Ɔtte Bɛbɔ Bellé Gyidie Ne—Enok, Ɔtte Lamek. Afei bisa aliemaamɔ kyɛ:
Bɔ Henɔke yɛle ne, sɛɛ yeɛ ɔbokale bĩaa ne, mmerɛ bɔ né ebiemɔ yɛ basabasa wɔ bɛ madanu berɛ ne?—Heb 11:5
Ɔwɔ nu, Kristoniɛ kɔhora kɔyɛ nikyee bie kɔfa kɔbɔ ɔne y’agyapadeɛ nwo waen. Nakoso, odikyɛ ɔnea yé ná atẽe bɔ ɔkɔfa so kɔbɔ yenwo waen ne, wamma ebiala ngõa amvi ye sa.—Edw 51:14; Ɛkɔhora kɔnea “Nsɛmmisa A Efi Akenkanfo Hɔ” bɔ ɔwɔ Ɔwɛn-Aban bɔ ɔwale July 2017 Twi deɛ ne koso.
9. Krataa Bɔ Yɛfa Yɛto Asaa Yɛfrɛ Mmenia Maa Bɛba Yesu Wue Afahyɛ Ne Bie Ne, Yɛkɔhyɛ Yebo Yɛkɔkyekyɛ Ye Fue, March 2
(Min. 5) Asafo nu panyi yeɛ ɔkɔma sɔ dwudwolɛ he ɔ. Nhyehyɛɛ biala bɔ ɛmɔayɛ ye wɔ Yesu wue afahyɛ, ɔne dwudwolɛ titire nanwo ne, kã yenwo dwirɛ kyire aliemaamɔ. Afei má benwu kyɛbɔ ɛmɔkɔyɛ ɛmɔ aseɛsĩi nanu adwuma ɔ. Kae bɛ kyɛ, bɛbɔ bɛpena kyɛ bɛyɛ atẽepakyelɛ bokafoɛ wɔ March ne April nu ne, bɛkɔhora bɛkɔfa nnɔnhwere 15 bɛkɔyɛ sɔ.
10. Asafo Bible Adesũa
(Min. 30) bt-TW yeti 6 ¶9-17