MARCH 4-10

EDWEIN 16-17

Dwein 111 Ɔne Mbaeɛ | Kã Bɔ Ɔkɔhɔso Nanwo Dwirɛ (Min. 1)

NYAMEƐ DWIRƐ NANU ASUADEƐ

1. ‘Nnné Nikye Pá Biala, Sana Wɔ Ngome’

(Min. 10)

Sɛ yɛfa bɛbɔ bɛsõ Yehowa ne adamvoa a, ɔmaa yɛnye gye (Edw 16:2, 3; mwbr24.03 1 ¶1)

Sɛ yɛfa Yehowa adamvoa a, ɔmaa y’ahõne tɔ yɛ kunu (Edw 16:5, 6; mwbr24.03 1 ¶2)

Ɔnate kyɛ Yehowa bɔ yɛnwo waen nati, ɔmaa yɛnwo dwo yɛ fɔnwoo (Edw 16:8, 9; mwbr24.03 1 ¶3)

Aliemaa mmrasua nyɔ bie yɛ bɛnwo atuu wɔ Ahennie Asa so, na bɛbɔ begyigyi bɛnwo ne koso, bɛnye agye.

Ɔnate kyɛ Yehowa sõen nwo hia yɛ nati, wamaa wasi yɛ yé, kyɛbɔ osili Dawide yé nala. Ye mia Yehowa de, ye berɛ yeɛ nikyee pá biala fi ɔ.

BISA WƆNWO KYƐ, ‘Ofi mmerɛ bɔ nhyɛle yebo kyɛ mesõ Yehowa ne, menwu m’abrabɔ sɛ́? Aso ɔkoyé, anaa ongoyé?’

2. Bible Nu Dwirɛ Titire

(Min. 10)

Edw 17:8—Mmerɛ bɔ yeɛ Dawide hãne kyɛ, Yehowa bɔ yenwo waen kyɛ “sona nye kyiremvua” ne, nzu yeɛ né ɔpena kyire ɔ? (mwbr24.03 1 ¶4)

Your answer
Nzu yeɛ ɛhyɛle ye nzorɛ wɔ dapɛen he Bible kengalɛ nanu ɔ?

Your answer

3. Bible Kengalɛ

(Min. 4) Edw 17:1-15 (th adesũa 5)

YERE WƆNWO YƐ ASƐNGA ADWUMA NE

4. Kyɛbɔ Ɛne Ebie Kɔhyɛ Yebo Kɔbɔ Ngɔmmɔ Ɔ

(Min. 1) AWURO-AWURO NU ASƐNGA. Krataa bɔ yɛfa yɛto asaa yɛfrɛ mmenia maa bɛba Yesu wue afahyɛ nabo ne, ma sona ne bie. (th adesũa 11)

5. Kyɛbɔ Ɛne Ebie Kɔhyɛ Yebo Kɔbɔ Ngɔmmɔ Ɔ

(Min. 3) AWURO-AWURO NU ASƐNGA. Krataa bɔ yɛfa yɛto asaa yɛfrɛ mmenia maa bɛba Yesu wue afahyɛ nabo ne, ma sona ne bie. Fa ye kyɛ, sona ne nye agye yenwo, yeti vidio bɔ yeɛ ole Kae Yesu Wue Ne, ɛmɔsusu yenwo, nakoso nnɛye. (th adesũa 9)

6. Kyɛbɔ Ɛne Ebie Kɔhyɛ Yebo Kɔbɔ Ngɔmmɔ Ɔ

(Min. 2) MMERƐ BƆ ƐNNE ASƐNGA NU Ɔ. Krataa bɔ yɛfa yɛto asaa yɛfrɛ mmenia maa bɛba Yesu wue afahyɛ nabo ne, ma sona ne bie. (th adesũa 2)

7. Kyɛbɔ Ɛkɔyɛ Bible Adesũa Ɔ

(Min. 5) lff adesũa 14 anyunu dwirɛ ne, ɔne porɛ 1-3 (th adesũa 6)

Y’ABRABƆ KYƐ KRISTOFOƐ

Dwein 20

8. Waha Kãa Maa Yɛkae Yesu Wue Ne, Nzu Yeɛ Ɛyɛ Fa Boaboa Wɔnwo Ɔ?

(Min. 15) Ngɔmmɔbɔ.

Paanoo ne nzaa bɔ yɛfa yɛyɛ Yesu wue afahyɛ ne, yeɛ ogyi table naso wɔ Ahennie Asa so ne.

Nyameɛ ne ɔwa Yesu ayɛ nikyee bie bɔ okyire kyɛ bɛdɔ yɛ paa ɔ, na Yesu hãne kyɛ yɛkae sɔ nikyee bɔ bɛyɛle ne afoɛ biala. Yeti yɛkɔkae Yesu wue ne Kwasida, March 24. (Luk 22:19; Yoh 3:16; 15:13) Yede, yɛkɔyɛ sɛɛ ná yaboaboa yɛnwo yama sɔ kyẽa titire ne?

Kora bɔ yeɛ yɛkɔkae Yesu wue ne, yɛkɔto asaa yɛkɔfrɛ mmenia, yeti ɛyɛ a, yere wɔnwo yɛ bie. Afei, nnɛmaa wɔ wora fi kyɛ ɛkɔto asaa kɔfrɛ bɛ maa bekootie dwudwolɛ titire ne bie ɔ. W’abusuafoɛ ne wɔ nnamvo bɔ ɛpena kyɛ ɛto asaa frɛ bɛ ne, ɛkɔhora kɔhworɔ bɛ dumaa kɔto berɛ. Sɛ ɛyɛ sɔ a, wɔwora ngoffi benu biala. Sɛ sona ne te nekaa foforɛ a, yede ɛkɔhora kɔhɔ jw.org so, na ekonwu mmerɛ, ɔne nekaa bɔ bɛkɔyɛ dwumadie ne bie wɔ nekaa bɔ ɔte ne
Sɛ odwu March ne April a, bɛbɔ bɛpena kyɛ bɛyɛ atẽepakyelɛ bokafoɛ adwuma ne bie ne, bɛkɔfa nnɔnhwere 15 anaa 30 yeɛ bɛkɔyɛ ɔ. Ɛkɔhora kɔyɛ bie anaa?
Mmerɛ bɔ waha kãa maa Yesu wu ne, nningyein titire bɔ osisili wɔ y’asetena nu ne, sɛ odwu March 18 a, yɛkɔhyɛ yebo yɛkɔkenga yenwo dwirɛ. Ekonwu “2024 Ngaeɛlilɛ Bible Kengalɛ Nwo Nhyehyɛeɛ” ne wɔ krataa bɔ ɔtɔ so 6-7. Tworɔnzɛm bɔ odikyɛ yɛkenga ye kyẽa biala ne, ebie wɔ berɛ a ɔsõne paa. Yeti odikyɛ ebiala susu yenwo, ná onwu dodoɔ bɔ ɔkɔhora kɔkenga ɔ
Sɛ odwu kyẽa bɔ yɛkɔkae Yesu wue ne a, Daa Asɛm bɔ bɛkɔyɛ ye sɔ kyẽa ne, bɛkɔfa yenwo vidio bɛkɔto jw.org so, yeti ɛyɛ a nea bie
Bɛbɔ bayakyi adesũa ne asɛnga bɔ bɛkɔwa bie ne, ɛyɛ a kyea bɛ. Ɛwɔfoɛ bɔ bɛkɔwa bie ne koso, ɛyɛ a ɛne bɛ bɔ ngɔmmɔ, na sɛ bele nzɛmmisa bie a, siesie wɔnwo kyɛ ɛkɔye yenoa. Bisa sona ne kyẽa bɔ okonya atẽe maa ɛmɔ kɔtoa so ɔ
Sɛ ɛmɔyie Yesu wue afahyɛ ne po a, kɔso dwenedwene bɔ Yehowa ne Yesu ayɛ ama yɛ nanwo

Bɔ VIDIO bɔ yeɛ ole, Kae Yesu Wue Ne. Afei bisa aliemaamɔ kyɛ:

Sɛ yɛhyɛ yebo kyɛ yɛto asaa yɛfrɛ mmenia maa bɛba Yesu wue afahyɛ ne bie a, mmerɛ beni yeɛ odikyɛ yɛye vidio he yekyire bɛ ɔ?

Your answer

9. Asafo Bible Adesũa

(Min. 30) bt-TW yeti 6 ¶18-24, alaka bɔ ɔwɔ kr. 48