APRIL 1-7
EDWEIN 23-25
Dwein 4 Ɔne Mbaeɛ | Kã Bɔ Ɔkɔhɔso Nanwo Dwirɛ (Min. 1)
1. “AWURADE Yeɛ Ɔte Me Neafoɛ Ɔ”
(Min. 10)
Yehowa kyire bɛbɔ bɛsõ ye ne atẽe (Edw 23:1-3; mwbr24.03 6 ¶4)
Yehowa bɔ yɛnwo waen (Edw 23:4; mwbr24.03 7 ¶1)
Yehowa maa yɛsa kã nningyein bɔ yehia ɔ (Edw 23:5; mwbr24.03 7 ¶2)
Kyɛbɔ mmoaen neafoɛ pá bɔ ye mmoaen nwo waen ne, sɔ ala yeɛ Yehowa koso bɔ yɛnwo waen, na ɔnea yɛ so ɔ.
BISA WƆNWO KYƐ, ‘Sɛ menea m’abrabɔ nu a, nzu yeɛ Yehowa ayɛ ama me bɔ okyire kyɛ ɔdwene menwo ɔ?’
2. Bible Nu Dwirɛ Titire
(Min. 10)
Edw 23:3—Nzu yeɛ ole “tenenee atee” ne, na yɛkɔyɛ sɛɛ né yafa so daabiala? (mwbr24.03 7 ¶3)
Nzu yeɛ ɛhyɛle ye nzorɛ wɔ dapɛen he Bible kengalɛ nanu ɔ?
3. Bible Kengalɛ
(Min. 4) Edw 23:1–24:10 (th adesũa 5)
4. Kyɛbɔ Ɛne Ebie Kɔhyɛ Yebo Kɔbɔ Ngɔmmɔ Ɔ
(Min. 3) MMERƐ BƆ ƐNNE ASƐNGA NU Ɔ. Fa ye kyɛ sona ne nwa kyɛbɔ mmenia sɛkye aseɛ ne, yenwo dwirɛ ha ye paa. Kenga Bible nu dwirɛ bie fa boka ye. (lmd adesũa 2 porɛ 5)
5. Kyɛbɔ Ɛkɔyɛ Sakɔnea Ɔ
(Min. 4) AWURO-AWURO NU ASƐNGA. Alimoa afa Nya Asetena Nu Anigye Daa! nwomaa kãamba ne bie ama sona ne dada. Kyire ye kyɛbɔ yɛfa yɛyɛ Bible adesũa ɔ. (lmd adesũa 9 porɛ 3)
6. Kyɛbɔ Ɛkɔyɛ Bible Adesũa Ɔ
(Min. 5) lff adesũa 14 porɛ 4 (lmd adesũa 11 porɛ 3)
Dwein 54
7. Nnɛmaa Yetie Ɛwɔfoɛ Komvi
(Min. 15) Ngɔmmɔbɔ.
Bɛbɔ né bɛfa mmoaen bɛkɔ adidie tete ne, né mmoaen nemɔ se bɛ komvi. Yeti sɛ benya bɛfrɛ bɛ ala pɛ, né beli so. Nakoso sɛ ebie bɔ bɛnze ye frɛ bɛ a, ɛberɛ ala né bɛnwati. (Yoh 10:5) Sɔ ala yeɛ yɛ koso, yetie Yehowa ne Yesu dwirɛ, ofikyɛ yɛse kyɛ bɛdɔ yɛ, na bɛngɔlakalaka yɛ llé. (Edw 23:1; Yoh 10:11) Nakoso bɛbɔ bɛkã “nnakannaka dwirɛ” ne de, yendie bɛ. Ofikyɛ sɛ yetie bɛ a, ɔkɔhora kɔmaa yekofi Yehowa asafo nanu.—2Pe 2:1, 3.
Gyenesise yeti nza ne maa yenwu kyɛ, Satan lakalakale Hawa. Né Hawa nze Satan, na né ɔttele ye komvi llé. Yeti yɛkɔhora yɛkɔhã kyɛ né Satan te ɛwɔfoɛ. Satan nate ewoo so yeɛ odwudwo hyirele Hawa ɔ, na wammɔ ye dumaa po wangyire ye. Yeti, Hawa annwu kyɛ Satan yeɛ ɔne ye dwudwo ɔ. Satan yɛle yenwo kyɛ okuro Hawa dwirɛ. Afei koso, ɔhãne kyɛ edwirɛ bɔ né Yehowa ahãhyire bɛ ne, ɔtte nahorɛ. Hawa tiele edwirɛ bɔ Satan hãne ne, yeti onwuni amaneɛ, na ɛhẽne ati yeɛ yɛ koso yɛfɛ ne.
Sɔ ala yeɛ ɛnnɛ koso, ebiemɔ kekã edwirɛ bɔ ɔtte nahorɛ bɛfa Yehowa, ɔne ye asafo nanwo. Satan yeɛ ɔtá bɔ bɛyɛ ne sĩ ɔ. Sɛ ɛte sɔ dwirɛ nemɔ bie a, annea a ɛkɔhã kyɛ ɔte nahorɛ, nakoso ye mukoraati te ngondombo. Yeti, ɛyɛ a nnétie sɔ dwirɛ ne! Kae kyɛ, mmerɛ bɔ yeɛ Satan hɔle Hawa berɛ ne, wandwudwo pẽe. Nakoso, edwirɛ kãa bɔ ɔhãne ne, ɔhora sɛkyele Hawa adwene. Yeti, sɛ etie bɛ dwirɛ ne kãa bie po a, sɔ ala yeɛ ɔkɔhora kɔto wɔ ɔ. (Gye 3:1, 4, 5) Yede, yɛfa ye kyɛ sona bɔ ɔkekã edwirɛ bɔ ɔttemayé fa Yehowa asafo nanwo ne, ɔte wɔ busũaniɛ, anaa ebie bɔ ekuro ye dwirɛ paa ɔ, nzu yeɛ ɛkɔyɛ ɔ?
Bɔ VIDIO bɔ yeɛ ole, Nnétie “Ɛwɔfoɛ Mɔ Komvi.” Afei bisa aliemaamɔ kyɛ:
Mmerɛ bɔ Jade maame hãne edwirɛ bɔ ɔttemayé fale Yehowa Adanzefoɛ nwo ne, nzu yeɛ ɔyɛle ɔ, na nzu yeɛ asũa afi nu ɔ?
8. Asafo Bible Adesũa
(Min. 30) bt-TW yeti 8 ¶1-4, alaka bɔ ɔwɔ kr. 61-62