APRIL 8-14
EDWEIN 26-28
Dwein 34 Ɔne Mbaeɛ | Kã Bɔ Ɔkɔhɔso Nanwo Dwirɛ (Min. 1)
1. Ɔyɛle Sɛɛ Yeɛ Dawide Hora Lili Nahorɛ Mane Yehowa Ɔ?
(Min. 10)
Dawide srɛle Yehowa kyɛ ɔboka ye má ɔyɛ bɔ okuro ɔ (Edw 26:1, 2; mwbr24.03 7 ¶4)
Bɛbɔ né bɛyɛ nningyein bɔ Yehowa nguro ne, Dawide amva bɛ adamvoa (Edw 26:4, 5; mwbr24.03 8 ¶1)
Né Dawide kuro paa kyɛ ɔsõ Yehowa (Edw 26:8; mwbr24.03 8 ¶2)
Ɔwɔ nu kyɛ Dawide yɛle nningyein biemɔ bɔ ɔttemayé de, nakoso ‘ɔfale ahõne bɔ enu te’ sõne Yehowa. (1Ah 9:4) Bɔ ɔmaa Dawide hora yɛle sɔ yeɛ ole kyɛ, né ɔdɔ Yehowa, na ɛhẽne ati yeɛ ofili y’ahõne mukoraati nu sõne ye ne.
2. Bible Nu Dwirɛ Titire
(Min. 10)
Edw 27:10—Sɛ wɔ baba ne wɔ maame po wɔ a, sɛɛ yeɛ tworɔnzɛm he kɔhora kɔhyɛ wɔ ngunaen ɔ? (mwbr24.03 9 ¶1)
Nzu yeɛ ɛhyɛle ye nzorɛ wɔ dapɛen he Bible kengalɛ nanu ɔ?
3. Bible Kengalɛ
(Min. 4) Edw 27:1-14 (th adesũa 2)
4. Kyɛbɔ Ɛne Ebie Kɔhyɛ Yebo Kɔbɔ Ngɔmmɔ Ɔ
(Min. 2) AWURO-AWURO NU ASƐNGA. Trakt bɔ ɔwɔ Nningyein Bɔ Yɛfa Yekyirekyire Wɔ Asɛnga Nu ne, fa bie ma sona ne. (th adesũa 3)
5. Kyɛbɔ Ɛkɔyɛ Sakɔnea Ɔ
(Min. 4) AWURO-AWURO NU ASƐNGA. Fa ye kyɛ ama sona ne trakt dada, ɛne ye besusu nzɛmmisa bɔ ɔwɔ ye sĩ nanwo. Sɛ eyie a, bukye jw.org wɛbsait ne kyire sona ne, na boka ye má onwu nningyein bɔ ɔwɔ berɛ ne bie. (lmd adesũa 9 porɛ 3)
6. Dwudwolɛ
(Min. 5) lmd edwirɛ bɔ ɔboka so 1 porɛ 3—Edwirɛti: Aseɛ Namukoraati Kɔyɛ Paradise. (th adesũa 13)
Dwein 128
7. Mmrandeɛ Ne Ndaluwa Bɔ Bɛmaa B’abrabɔ Nwo Te Ɔ
(Min. 15) Ngɔmmɔbɔ.
Mmrandeɛ ne ndaluwa bɔ bɛsõ Yehowa ne, sɛ bɛpena kyɛ b’abrabɔ nwo te a, odikyɛ bemia bɛnye paa. Bɔ ɔmaa yɛkã sɔ yeɛ ole kyɛ, bɔne wɔ bɛnwo. Afei koso, sɛ ebie te abrandeɛ anaa taluwa a, akɔnnɔ bɔ onya ye kyɛ ɔne brasua, anaa brienzua kɔla ne, ɛyɛ a enu yɛ se paa. Yeti odikyɛ bɛyere bɛnwo kora, na bahora bahyɛ bɛnwo so. (Rom 7:21; 1Ko 7:36) Afei koso, ɛyɛ a mmenia hyɛ bɛ kyɛ bɛfa bɛnwo bewura bra fĩɛ nu. Sɔ bra fĩɛ bɔ yɛkã yenwo dwirɛ ne, ebie yeɛ ole, brienzua ne brasua bɔ begyalle bɔ bɛkɔla ɔ, ɔne brienzua ne brienzua bɔ bɛkɔla ɔ. (Ɛfe 2:2) Mmrandeɛ ne ndaluwa bɔ bɛbɔ mmɔden kyɛ, bɛkɔmaa b’abrabɔ kɔyɛ sannwuu ne, yɛte bɛso a, né yadwɔso.
Bɔ VIDIO bɔ yeɛ ole, Me Mmabunu Nu Dwirɛ —Sɛ Bɛhyɛ Me Kyɛ Mmɔ Adwaman A, Nzu Yeɛ Ngɔyɛ Ɔ? Afei bisa aliemaamɔ kyɛ:
Nzu yeɛ né Cory ne Kamryn mangomɔ hyɛ bɛ kyɛ bɛyɛ ɔ?
Nzu yeɛ ɔbokale bɛ maa bammɔ adwaman ɔ?
Sɛ nikyee bie bɔ ɔte sɔ to wɔ a, Bible nu dwirɛ beni yeɛ ɔkɔhora kɔboka wɔ ɔ?
8. Asafo Bible Adesũa
(Min. 30) bt-TW yeti 8 ¶5-12