AUGUST 5-11

EDWEIN 70-72

Dwein 59 Ɔne Mbaeɛ | Kã Bɔ Ɔkɔhɔso Nanwo Dwirɛ (Min. 1)

NYAMEƐ DWIRƐ NANU ASUADEƐ

1. Ka Nyameɛ Tumi Nwo Dwirɛ Kyire “Aworɛ Ndoatoasoɛ”

(Min. 10)

Ofi Dawide ngwalaa nu yeɛ ɔfale yenwo tole Yehowa so ɔ (Edw 71:5; mwbr24.07 7 ¶1)

Mmerɛ bɔ Dawide bɔle aworowaa po ne, Yehowa anyakyi ye nu (Edw 71:9; mwbr24.07 7 ¶2)

Kyɛbɔ Yehowa bokale Dawide ne, ɔhane yenwo dwirɛ hyirele ngwalaa fa hyɛle bɛ ngunaen (Edw 71:17, 18; mwbr24.07 7 ¶3)

“Bɔ Ɔkɔboka Wɔ Maa W’abusua Soen Kɔhɔ So Kama” ne, abusua bie fale enu dwirɛ ne yɛle adwuma wɔ dapɛen bɔ ɔpɛle nu ne. Bɛtole asaa bɛfrɛle baba bie ne ɔye wale b’abusua soen bo, na bɔ ɔhɔle so wɔ b’abrabɔ nu nwo foto ne, bɛka yenwo dwirɛ bekyire bɛ.

BISA WƆNWO KYƐ, ‘Bɛbɔ bafa afoɛ pee baso Yehowa wɔ m’asafo nu ne, benu nwa yeɛ sɛ meyɛ Abusua Soen a, mepena kyɛ mebisabisa ye dwirɛ ɔ?’

2. Bible Nu Dwirɛ Titire

(Min. 10)

Edw 72:8—Edwirɛ bɔ Yehowa hahyirele Abraham wɔ Gyenesise 15:18 ne, sɛɛ yeɛ ɔwale nu mmerɛ bɔ né Solomon di hene ne? (mwbr24.07 8 ¶1)

Tworɔ wɔ mmuayɛɛ ne wura wa
Nzu yeɛ ɛhyɛle ye nzorɛ wɔ dapɛen he Bible kengalɛ nanu ɔ?

Tworɔ wɔ mmuayɛɛ ne wura wa

3. Bible Kengalɛ

(Min. 4) Edw 71:1-24 (th adesũa 5)

YERE WƆNWO YƐ ASƐNGA ADWUMA NE

4. Kyɛbɔ Ɛne Ebie Kɔhyɛ Yebo Kɔbɔ Ngɔmmɔ Ɔ

(Min. 3) AWURO-AWURO NU ASƐNGA. Sona ne ahyɛ yebo osu aporowaa; ka edwirɛ bɔ ɔyɛ fɛ kyire ye, ná pɛ so kɔ. (lmd adesũa 4 porɛ 5)

5. Kyɛbɔ Ɛkɔyɛ Sakɔnea Ɔ

(Min. 4) MMERƐ BƆ ƐNNE ASƐNGA NU Ɔ. Sona ne te w’abusuaniɛ bɔ ɛne ye abɔ ngɔmmɔ le, nakoso ɔtwetwe yenwo kyɛ ɔne wɔ kɔyɛ Bible adesua. Ɛne ye bɛɛtoa ngɔmmɔ naso. (lmd adesũa 8 porɛ 4)

6. Kyɛbɔ Ekohyirehyire Wɔ Gyidie Nu Ɔ

(Min. 5) Dwudwolɛ. Ijwfq-TW 49—Edwirɛti: Bɔ Yehowa Adanzefoɛ De Di Ne, Nzuati Yeɛ Basesa Enu Bie Ɔ? (th adesũa 17)

Y’ABRABƆ KYƐ KRISTOFOƐ

Dwein 76

7. Bɔ Ɛkɔhora Kosua Ye Wɔ W’abusua Soen Bo Ɔ

(Min. 15) Ngɔmmɔbɔ.

Sɔ abusua nala yeɛ badwɔso bɔ bɛto Ahennie dwein ne.

Ɔwa brasua ko di ye maame adanzeɛ mmerɛ bɔ bɛyɛ Abusua Soen ne.

Sɛ awofoɛ kɔhora kɔtete bɛ mmaamɔ wɔ “Awurade ndeteyɛɛ ne foɛtulɛ nu” a, nikyee ko bɔ ɔboka paa yeɛ ole Abusua Soen. (Ɛfe 6:4) Adesua de, sɛ yɛka kyɛ ɔyɛ mmerɛ a, né yɛlaka. Nakoso, sɛ ngwalaa nemɔ nye gye yenwo kyɛ bekosua nahorɛ bɔ ɔwɔ Bible nanu a, ɔmaa ɔyɛ anika paa. (Yoh 6:27; 1Pe 2:2) Sɛ ɛpena kyɛ W’abusua Soen yɛ anika a, alaka bɔ bato ye dumaa kyɛ, “Ɛkɔhora Kɔfa Ɛhe Bie Kɔyɛ Abusua Soen” ne, ɛkɔhora kɔnea berɛ. Eyie a, na aye nzɛmmisa bɔ ɔwɔ yebo wa ne noa:

Edwirɛ bɔ ɔwɔ alaka nanu ne, enu beni yeɛ ɛpena kyɛ ɛfa yɛ Abusua Soen ɔ?

Tworɔ wɔ mmuayɛɛ ne wura wa
Nikyee foforɛ beni yeɛ anwu kyɛ waboka ɛmɔ abusua ne ɔ?

Tworɔ wɔ mmuayɛɛ ne wura wa

ƐKƆHORA KƆFA ƐHE BIE KƆYƐ ABUSUA SOEN

BIBLE:

Tworɔnzɛm bɔ bafa bama yɛ kyɛ yɛkenga ye dapɛen biala ne, ɛmɔ kɔhora bekotie ye odio, anaa ɛmɔma ebiala kenga bie. Sɛ bɛbɔ bedwudwole wɔ tworɔnzɛm nanu ne, bɛsone a, ɛmɔhyɛ má ebiala kenga sona ko deɛ
Dapɛen Bible kengalɛ ne, ɛkɔhora kɔnea nu, na apena nzɛmmisa. Má ebiala ye nzɛmmisa ne ko, na ɔyɛ yenwo nhwehwɛmuɛ. Sɛ ɛmɔyia nu a, ná ebiala aha bɔ onwuni ye ɔ
Fa nzɛmmisa bie to dwaa. Afei Bible Mu Nsɛm a Kristofo De Bɔ Wɔn Bra nwomaa ne, má ebiala pena tworɔnzɛm bie wɔ nu, ná ɔfa ye yenoa
Ɛmɔpena Bible nu dwirɛ bie na ɛmɔyɛ ye kyɛ drama
Ɛmɔhworɔ tworɔnzɛm ko begua krataa so, na ɛmɔhwe begua bɛ tianu. Ebie wɔ Dɔ Mmenia—Na Boka Bɛ Má Bɛɛyɛ Asũafoɛ nwomaa ne, edwirɛ bɔ ɔboka so 1 nanu. Afei dapɛen bɔ oli berɛ ne, ɛmɔnea sɛ ɛmɔ kae a
Ɛmɔ kɔhora kosua Nya Asetena Nu Anigye Daa! nwomaa ne bue bie
“Bible Nsɛmmisa Ho Mmuae,” anaa “Bible Mu Nsɛm a Wɔakyerɛkyerɛ Mu” ne, má ebiala ye edwirɛ bɔ ɔwɔ berɛ nanu ko, ná oohyirehyire nu. Ekonwu sɔ dwirɛ namu wɔ BIBLE NKYERƐKYERƐ bue berɛ wɔ jw.org so

ADESUA:

Bɔ yekosua ye wɔ adesua bo ne, ɛmɔsua nu bie
Ɛmɔsua mmuayɛɛ na ɛmɔ bobɔ so. Ɛyɛ a, ɛmɔfa time bɛto yenwo
Ɛmɔsua asafo dwein
Sɛ ɛmɔkɔ adesua a, edwirɛ bɔ ɛmɔpena kyɛ ɛmɔfa bɛhyɛ ebie ngunaen ne, ɛmɔsua, ná ɛmɔ bobɔ so
Sɛ ɛmɔ nu bie le asuafoɛ dwumadie a, ɔkɔhora kɔyɛ maa ɛmɔ kɔnea

ASƐNGA:

Ɛmɔ siesie bɛnwo bɛma awuro-awuro asɛnga
Sɛ ɛmɔ nu bie le sakɔnea bɔ ɔkɔyɛ a, ɛmɔ limoa besiesie bɛnwo
Fa ye kyɛ ɛmɔ nne asɛnga nu, yeɛ ɛmɔ ayia ebie ɔ. Sɛɛ yeɛ ɛmɔ kɔhyɛ yebo ne sona ne kɔbɔ ngɔmmɔ ɔ? Ɛmɔma ɛmɔ nu bie yɛ, ná ɛmɔnea
Sɛ yɛbaakae Yesu wue ne, ngwalaa nemɔ ma atee, anaa ɛmɔ ngɔ adwuma a, ɛmɔnea kyɛbɔ ɛmɔkɔfa sɔ mmerɛ ne bɛkɔyɛ asɛnga adwuma ne pee ɔ

ABUSUA NANU AHIADEƐ:

Ɛmɔ susu edwirɛ he anwo, ná ɛmɔma sona ko yɛ má ɛmɔnea: Fa ye kyɛ babisa ɛmɔ nu bie kyɛ, nzuati yeɛ ɔndo aba, ɔndwe somaa, anaa onni afahyɛ bie ɔ? Na sɛ besisi ye koso a, nzu yeɛ ɔkɔyɛ ɔ?
Fa ye kyɛ edwirɛ bie adwɔso; má ngwalaa nemɔ yɛ yenwo nhwehwɛmuɛ. Sɛ ɛmɔyia nu a, má bɛyɛ bɛnwo kyɛ awofo, ná behyirehyire nu behyire ɛmɔ

ƐHE KOSO KƆHORA KƆBOKA ƐMƆ:

Ɛmɔnea JW Brɔdkastin ^® ná ɛmɔ susu yenwo
Ɛmɔnea vidio, anaa ɛmɔkenga edwirɛ bie wɔ jw.org so, ná ɛmɔ susu yenwo
Edwirɛ ne vidio bɔ ɔwɔ “Mmerante Ne Mmabaa” anaa “Mmofra” bue berɛ ne, ɛmɔ susu enu bie nwo. Ekonwu ɛhe amu wɔ BIBLE NKYERƐKYERƐ bue berɛ wɔ jw.org so
Bɔ ɛmɔ hyɛle ye nzorɛ wɔ mandam anaa manzini nhyiamu bo ne, ɛmɔ kɔhora bekosusu yenwo
Ɛmɔnea abɔdeɛ, anaa ɛmɔyɛ yenwo nhwehwɛmuɛ. Bɔ ɛhene maa ɛmɔnwu ye bɛfa Yehowa nwo ne, ɛmɔ susu yenwo
Ɔwɔ nu alaa a, ɛmɔfrɛ ebie má ɔɔtena nu bie, ná ɛmɔ bisabisa ye dwirɛ
Ɛmɔfa nikyee bie besie bɛnye so wɔ Yehowa soen nu, na ɛmɔnea kyɛbɔ ɛmɔ kodwu yenwo ɔ
Ɛmɔbonu bɛyɛ nikyee bie tekyɛ Nowa alaka ne

Bɔ VIDIO bɔ yeɛ ole, Ɛmɔma Ɛmɔ Abusua Soen Yɛ Anika. Afei bisa aliemaamɔ kyɛ:

Sɛ ɛmɔlle mmaa po a, brienzua kɔyɛ sɛɛ ná wamaa abusua soen ne ayɛ anika?

Tworɔ wɔ mmuayɛɛ ne wura wa

8. Asafo Bible Adesũa

(Min. 30) bt yeti 13 ¶17-24