OCTOBER 13-19
NWORƐ DWIRƐHANƐNIƐ 7-8
Dwein 39 Ɔne Mbaeɛ | Kã Bɔ Ɔkɔhɔso Nanwo Dwirɛ (Min. 1)
1. ‘Kɔ Awuro Bɔ Bedi Aworabɔlɛ Nu’
(Min. 10)
Kyekye bɛbɔ bɛ wora abɔ ne wora (Nwd 7:2; mwbr25. 09 8 ¶2)
Nikyee pa bɔ ɛkae ye wɔ sona bɔ wawu nanwo ne, ka fa kyekye ye abusuafoɛ ne wora (Nwd 7:1; mwbr25. 09 8 ¶3)
Bɛbɔ bedi aworabɔlɛ ne, ɛne bɛ bɔnu bɔ mbaeɛ (mwbr25. 09 8 ¶4)
KAE KYƐ: Nna mmerɛ bɔ sona ne awu nala yeɛ ye abusuafoɛ ne kohia yɛ awerɛkyekyerɛ ɔ; ɔkɔhyɛ kaa.— mwbr25. 09 9 ¶1.
2. Bible Nu Dwirɛ Titire
(Min. 10)
Nwd 7:20-22—Sɛ ebie yɛ yɛ nikyee a, sɛɛ yeɛ tworɔnzɛm he kɔboka yɛ ma yekonwu kyɛ odikyɛ yɛkɔ ye berɛ anaa nnɛmaa yɛkɔ ɔ? (mwbr25. 09 9 ¶2)
Nzu yeɛ ɛhyɛle ye nzorɛ wɔ dapɛen he Bible kengalɛ nanu ɔ?
3. Bible Kengalɛ
(Min. 4) Nwd 8:1-13 (th adesũa 10)
4. Kyɛbɔ Ɛne Ebie Kɔhyɛ Yebo Kɔbɔ Ngɔmmɔ Ɔ
(Min. 2) DWAASO ADANZEƐLILƐ. Fa wɔnye to ase nea bɔ sona ne nye gye yenwo ɔ, na ɛmɔbɔ yenwo ngɔmmɔ. Afei yɛ nhyehyɛɛ na kɔtoa so. (lmd adesũa 2 porɛ 4)
5. Kyɛbɔ Ɛne Ebie Kɔhyɛ Yebo Kɔbɔ Ngɔmmɔ Ɔ
(Min. 2) MMERƐ BƆ ƐNNE ASƐNGA NU Ɔ. (lmd adesũa 2 porɛ 3)
6. Kyɛbɔ Ɛkɔyɛ Sakɔnea Ɔ
(Min. 2) AWURO-AWURO NU ASƐNGA. Fa nikyee bie kyire ye wɔ jw.org so. (lmd adesũa 9 porɛ 4)
7. Kyɛbɔ Ekohyirehyire Wɔ Gyidie Nu Ɔ
(Min. 5) Ɔyɛkyerɛ. ijwfq-TW asɛm 50—Edwirɛti: Ɛmɔ Yehowa Adanzefoɛ, Sɛɛ Yeɛ Ɛmɔyɛ Bɛ Sɛen Ɔ? (th adesũa 17)
Dwein 151
8. Gyidie Bɔ Ele Ye Kyɛ Awufoɛ Kotingye Ne, Ma Nu Yɛ Se
(Min. 15) Ngɔmmɔbɔ.
Nningyein bɔ Yehowa afa ahyɛ yɛ bɔ ne, nu ko bɔ ɔla y’ahone so paa yeɛ ole awufoɛ bɔ okotingye bɛ ne. Ɔmaa yenwu kyɛ Yehowa le tumi, nyanza, na onwu anwumvoin. Na ɛse bɔ ɔtra so ɔ? Yeɛ ole kyɛ ɔdɔ yenu biala.—Yoh 3:16.
Sɛ yedé yedi kyɛ Yehowa kotingye awufoɛ a, bɔ ɔkɔto yɛ biala yɛmma y’aba nu mmu, ofikyɛ nikyee pa bie la yɛ nyunu. (2Ko 4:16-18) Sɛ bɛtane yɛnye oo, anwonyerɛ bɔ yɛ oo, yɛ dɔfo bie wu oo, anyelasoɛ bɔ yele ne kyekye yɛ wora, na ɔmaa y’ahone tɔ yɛ kunu. (1Tɛ 4:13) Sɛ yelle gyidie kyɛ awufoɛ kodwɔso de a, anigye pa paa de, yengonya bie lle. (1Ko 15:19) Yede, nzuati yeɛ ɛmva nyɛ wɔ botayɛɛ kyɛ ekosua awufoɛ bɔ bekotingye bɛ nanwo nikyee kɔhɔ siɛ ɔ?
Kenga Yohane 11:21-24. Afei bisa aliemaamɔ kyɛ:
Ne Maata de di kyɛ awufoɛ kotingye. Nzu yeɛ ɔhane bɔ okyire sɔ ɔ?
Maata gyidie ti, nhyiraa beni yeɛ onyane ɔ?—Yoh 11:38-44
Bɔ VIDIO bɔ yeɛ ole, Suesua Mmrasua Bɔ Bɛ Gyidie Yɛ Se Ne!—Maata. Afei bisa aliemaamɔ kyɛ:
Anyelasoɛ bɔ ele ye kyɛ bekotingye awufoɛ ne, nzuati yeɛ ɔla w’ahone so ɔ?
Gyidie bɔ ele ye kyɛ awufoɛ kotingye ne, ɛkɔyɛ sɛɛ na amaa nu ayɛ se?
9. Asafo Bible Adesũa
(Min. 30) lfb-TW adesua 26-27