OCTOBER 20-26
NWORƐ DWIRƐHANƐNIƐ 9-10
Dwein 30 Ɔne Mbaeɛ | Kã Bɔ Ɔkɔhɔso Nanwo Dwirɛ (Min. 1)
1. Edwirɛ To Wɔ A, Nya Yenwo Adwene Pa
(Min. 10)
Edwirɛ to yɛ a, ongyire kyɛ Yehowa nguro yɛ dwirɛ (Nwd 9:11; mwbr25. 09 9 ¶3)
Yɛnnea atee kyɛ nikyee biala kɔhɔ pɛpɛɛpɛ kɔma yɛ wɔ Satan wiase he anu (Nwd 10:7; mwbr25. 09 10 ¶1)
Sɛ yɛfa ɔhaw nu po a, nningyein bɔ Yehowa afa alo yɛ ne, odikyɛ yɛpena mmerɛ yɛfa yɛgye yɛnye (Nwd 9:7, 10; mwbr25. 09 10 ¶2)
2. Bible Nu Dwirɛ Titire
(Min. 10)
Nwd 10:12-14—Ngɔngɔnzaa nwo afutue beni yeɛ ɔwɔ tworɔnzɛm he anu ɔ? (mwbr25. 09 10 ¶3)
Nzu yeɛ ɛhyɛle ye nzorɛ wɔ dapɛen he Bible kengalɛ nanu ɔ?
3. Bible Kengalɛ
(Min. 4) Nwd 10:1-20 (th adesũa 11)
4. Kyɛbɔ Ɛne Ebie Kɔhyɛ Yebo Kɔbɔ Ngɔmmɔ Ɔ
(Min. 3) DWAASO ADANZEƐLILƐ. Fa ye kyɛ sona bɔ ayia ye ne, ye nyunu ayɛ bosaa. (lmd adesũa 3 porɛ 4)
5. Kyɛbɔ Ɛne Ebie Kɔhyɛ Yebo Kɔbɔ Ngɔmmɔ Ɔ
(Min. 4) MMERƐ BƆ ƐNNE ASƐNGA NU Ɔ. Sona ne nwa maen ne sikanzɛm amaa ɔda a ɔnna. Edwirɛ bɔ bahyehyɛ ye wɔ “Má Mmenia Nwu Nahorɛ Bɔ Ɔwɔ Bible Nanu Ne,” fa nu ko na ɛne ye bɛbɔ yenwo ngɔmmɔ. Ɔwɔ Dɔ Mmenia nwomaa ne, edwirɛ bɔ ɔboka so 1 nanu. (lmd adesũa 4 porɛ 4)
6. Kyɛbɔ Ɛkɔyɛ Bible Adesũa Ɔ
Dwein 47
7. Edwirɛ To Yɛ A, Bɔ Ɔboka Yɛ Maa Yegyina Yɛ Gya So Ɔ
(Min. 15) Ngɔmmɔbɔ.
Aleɛ kye bɔ aleɛ sa amukoraa, edwirɛ kora to yɛ. Ebie wɔ berɛ a, ɔkora fu yɛ nu, yeɛ ebie koso noa yɛ hye pa. Ɔba sɔ a, ɔkora bɔ yɛ anwonyerɛ, yɛda a yɛ nna, na ɔkora sɛkye yɛne Yehowa afia po. Nikyee bie sɔ to yɛ a, ni yeɛ mmokalɛ kofi kɔwa ɔ?
Edwirɛ biala bɔ ɔkɔto yɛ ne, sɛ ɔte sɛɛ oo, sɛ ɔte sɛɛ oo, Yehowa ala yeɛ ɔmaa yɛkora yegyina “pindinn” ɔ. (Yes 33:6) Yeti odikyɛ yɛbrɛ yɛnwo ase na yɛyɛ bɔ y’anwoserɛ kɔhora ɔ; bɔ yɛngɔhora ne, na yayakyi yama Yehowa. (Any 11:2) Afei koso, odikyɛ yɛnea yɛnwo so yé, nnɛmaa yɛpere yɛnwo yɛyɛ nikyee biala, sɛ odikyɛ esu a, su na wɔnwo bae wɔ, na sona te nzu! (Nwd 4:6)
Yeliemamɔ ala yeɛ Yehowa nate bɛ so boka yɛ ɔ; yeti sɛ ehia mmokalɛ a, ka. Kae kyɛ, wɔ dwirɛ te eliema Kristofoɛ dwirɛ, na sɛ bɛboka wɔ a ɔmaa bɛnye gye.
Kenga 2 Korintofoɛ 4:7-9. Afei bisa aliemaamɔ kyɛ:
Sɛ edwirɛ to yɛ a, nningyein bɔ yɛyɛ ye daa tekyɛ mbaeɛ, Bible kengalɛ, adesua, ɔne asɛnga ne, nzuati yeɛ ɔnzɛkyɛ yɛtoto nu ɔ?
Bɔ VIDIO bɔ yeɛ ole, Yehowa Pingye Bɛbɔ Bɛ Wora Abɔ. Afei bisa aliemaamɔ kyɛ:
Sɛɛ yeɛ Yehowa bokale aliemaa Septer ne ɔye ɔ?
Sɛɛ yeɛ aliemaamɔ bokale bɛ ɔ?
Nzu bieku yeɛ asua afi bɛ dwirɛ nanu ɔ?
8. Asafo Bible Adesũa
(Min. 30) lfb-TW adesua 28, ɔfã 6 no nnianim nsɛm, ɛne adesua 29