Sɛ Ɛyere Wɔnwo Sua Nikyee A, Ɔkɔboka Wɔ Maa Ɛkɔhɔso Kɔwɛne

Kenga Daniel 9:​1-19, na nea bɔ yeti yeɛ yenwo hia kyɛ ɛyere wɔnwo sua nikye ɔ.

Sua pee boka so. Edwirɛ benimɔ yeɛ né walimoa wasisi ɔ, na ɔhane Daniel sɛɛ? (Dan. 5:29–6:5) Sɛ wɔ yeɛ ele Daniel a, ahaa adwene beni yeɛ ekonya ye ɔ?

Yɛ nhwehwɛmuɛ. Ɔkɔyɛ kyɛ “ngrataa” benimɔ yeɛ Daniel neaneane nu ne? (Dan. 9:2; w11-TW 4/1 12 ¶2) Mmerɛ bɔ né Daniel bɔ mbaeɛ ne, nzuati yeɛ ɔhane ɔne Yisrael maen ne mukoraati bɔne ɔ? (Lew. 26:​39-42; 1 Ahe. 8:​46-50; dp-TW 182-184) Mbaeɛ bɔ Daniel bɔle ne, sɛɛ yeɛ ɔmaa yenwu kyɛ né ɔyere yenwo sua Nyameɛ Dwirɛ ne ɔ?—Dan. 9:​11-13.

Nea bɔ ɛkɔhora kosua kofi nu ɔ. Bisa wɔnwo kyɛ:

• ‘Nningyein bɔ ɔkɔso wɔ ewiase nanu ne, ngɔyɛ sɛɛ né wandwetwe m’adwene?’ (Mik. 7:7)

• ‘Sɛ meyere menwo mesua Nyameɛ Dwirɛ ne kyɛbɔ Daniel yɛle ne a, sɛɛ yeɛ ɔkɔboka me ɔ?’ (w04-TW 8/1 12 ¶17)

• ‘Bible nu dwirɛ benimɔ yeɛ sɛ mesua yenwo nikyee a, ɔkɔboka me maa ngɔhɔso ‘ngɔwɛne’ ɔ?’ (Mat. 24:​42, 44; w12-TW 8/15 5 ¶7-8)