Susu Porɛ Bɔ Adesua Ne Gyi So Paa Nanwo

Sɛ esua nikyee yie a, ɔkora yɛ se ma wɔ kyɛ ɛkɔkae bɔ asua ne anaa? Ɔwɔ nu alaa a, sɔ dwirɛ he bie kora to yenu biala. Yede nzu yeɛ ɔkɔhora kɔboka wɔ ɔ? Yeɛ ole kyɛ ekosusu porɛ bɔ adesua ne gyi so paa nanwo ɔ.

Sɛ esua nikyee a, ɛyɛ a gyina kãa na susu bɔ asua nanwo. Mmerɛ bɔ somafoɛ Pɔɔlo hworɔle krataa ɔɔmane aliemaamɔ ne, ɔhyɛle bɛ ngunaen kyɛ, sɛ bɛkenga ye krataa ne a, besusu “porɛ bɔ ogyi so paa” nanwo. (Heb. 8:1) Pɔɔlo nate sɔ dwirɛ bɔ ɔhane naso bokale bɛbɔ ne betie ye ne maa benwuni kyɛbɔ bekosusu edwirɛ titire bɔ ɔwɔ ye krataa nanu nanwo ɔ.

Sɛ ɔkɔyɛ yé a, mmerɛ bɔ asua nikyee ayie ne, ɛkɔhora kɔfa minit buru kosusu edwirɛ titire bɔ ɔwɔ bɔ esuane nanu nanwo. Sɛ ɔyɛ se ma wɔ kyɛ ɛkɔkae ye a, yede sa nea edwirɛti mmaammaa bɔ ɔwɔ adesua nanu, anaa edwirɛ bɔ ɔwɔ ngyekyɛmuɛ biala ahyɛaseɛ ne bieku, na ɛhene kɔboka wɔ maa ɛkɔkae. Sɛ esuane nikyee foforɛ bie na ɛpena kyɛ ɛtworɔ to berɛ a, ɛyɛ a fa wɔbɔbɔ wɔ dwirɛ yɛ sɔ. Mmerɛ bɔ esusu edwirɛ titire nanwo ne, ɔkɔboka wɔ maa ɛkɔkae bɔ asua ne, na anwu kyɛbɔ ɛkɔfa kɔbɔ wɔ bra ɔ.