Sɛ Ɛdrɔ Nikyee A, Wɔ Wora Ngofi

Ebiaa sɛ esua nikyee a, ɔngyɛ né wɔ wora afi. Yɛ nu pee wɔ berɛ a, sɔ yeɛ yɛte ɔ. Nakoso sɛ ahyɛ ye nzorɛ a, mvandoho ahoroɛ bɔ Yesu yɛle ne de, ɛyɛ a ɛkora kae ye ndɛ. Nzuati ɔ? Ofikyɛ nningyein bɔ ɔfa yɛle mvandoho ne, ɛyɛ a né ogyigyi wɔnye so. Sɔ ala yeɛ wɔ koso sɛ ésua nikyee a, fa ye kyɛ ne ɛwɔ berɛ bie yeɛ edwirɛ ne sili ɔ. Sɛɛ yeɛ ɛkɔyɛ ɛhe ɔ? Ye ala yeɛ ole kyɛ ɛkɔdrɔ bɔ esua nanwo foto.

Mmenia bɔ besua nikyee a bɛdrɔ edwirɛ foforɛ bɔ banwu ye ne bɛto berɛ ne, bɛtaa bɛkae bɔ basua ne paa. Sɛ bɛyɛ sɔ a, benwu ye kyɛ nna edwirɛ ne nye so kãa bie yeɛ bɛkae ɔ, na mmom nu pee nala. Nningyein bɔ bɛdrɔ ne koso, ɛyɛ a ɔtte kundaenn biala. Nhwehwɛmuɛ kyire kyɛ, bɛbɔ bayɛ mbanyi ne yeɛ ɛhe taa boka bɛ paa ɔ.

Yeti kyẽa foforɛ bɔ ekosua nikyee ne, ɛyɛ a drɔ bɔ asua ne to berɛ. Sɛ ɛyɛ sɔ a, nningyein bɔ ɛkɔkae ne, ɔkɔyɛ wɔ nwanwa.