Nya Foto Ahoroɛ Naso Mvasoɛ

Sɛ ɛnea yɛ nwomaa ahoroɛ nu a, enwu foto pee, na ɔboka yɛ maa yɛte bɔ yesua nabo. Yede ɛkɔyɛ sɛɛ né anya sɔ foto ahoroɛ naso mvasoɛ?

• Koraka ɛkɔkenga edwirɛ bɔ ɔwɔ nwomaa nanu ne, dimoa nea yenwo foto ne. Kyɛbɔ sɛ wɔnye bɔ aleɛ bie bɔ ɔyɛ akɔnnɔ so a, ɔmaa wɔ komvi ba so kyɛ ekoli ne, sɔ ala yeɛ sɛ edimoa nea foto nemɔ a, ɔkɔmaa wɔnye kɔgye yenwo kyɛ ɛkɔkenga edwirɛ ne ɔ. Yeti ɛyɛ a bisa wɔnwo kyɛ: ‘Nzikyɛ yeɛ menwu ye ɔ?’—Amo. 7:​7, 8.

• Sɛ ɛ́kenga edwirɛ ne a, susu bɔ yeti yeɛ bɛfale sɔ foto ne bɛwale nu nanwo. Edwirɛ bɔ bahworɔ bagua foto nanwo, anaa bafa bahyirehyire nu ne, ɛhene koso ɛyɛ a kenga. Afei nea kyɛbɔ foto ne fa edwirɛ bɔ ɛkenga nanwo, ɔne bɔ ɛkɔhora kosua kofi nu ɔ.

• Sɛ ɛkenga edwirɛ ne yie a, sa nea foto ne bieku, na nea kyɛ ɛkɔkae edwirɛ titire bɔ ɔwɔ nu ne anaa. Afei ɛkɔhora kɔkata wɔnye kɔnea kyɛ ɛkɔkae foto nemɔ ne edwirɛ bɔ ɔfa yenwo ne a.

• Sɛ ekuro a, nea foto bɔ ɔwɔ nwomaa he anu ne bieku, na nea sɛ ɛkɔkae bɔ esua fili nu ne a.