ADESUA 18
Kyɛbɔ Ekonwu Nahorɛ Kristofoɛ Ɔ
Mmeni pẽe yeɛ bekyire kyɛ bɛte Kristofoɛ ɔ. Nakoso sɛ ɛnea b’abrabɔ ne bɛ gyidie a, ɔte sorongõ koraa. Yede yɛkɔyɛ sɛɛ ná yanwu nahorɛ Kristofoɛ?
1. Kristoniɛ yeɛ ole nwa?
Kristofoɛ te Yesu Kristo asuafoɛ anaa ye sĩlilɛfoɛ. (Kenga Asomafoɛ Ne Nnwumaa 11:26.) Nzu yeɛ bɛyɛ bɛfa bekyire kyɛ bɛte Yesu asuafoɛ ɔ? Yesu hãne kyɛ: “Sɛ ɛmɔtena me dwirɛ nu a, né ɛmɔte m’asuafoɛ amba.” (Yohane 8:31) Ɛhe kyire kyɛ, odikyɛ nahorɛ Kristofoɛ tie Yesu ngyerɛkyerɛ. Na kyɛbɔ Yesu fale ye ngyerɛkyerɛ gyinane Twerɔnzɛm naso ne, sɔ ala koso yeɛ odikyɛ nahorɛ Kristofoɛ fa bɛ gyidie gyina Bible naso ɔ.—Kenga Luka 24:27.
2. Sɛɛ yeɛ nahorɛ Kristofoɛ da ɔdɔ ali ɔ?
Yesu hã hyirɛle ye sĩlilɛfoɛ ne kyɛ: “Ɛmɔdodɔ ɛmɔ nwo, kyɛbɔ mala ɔdɔ ali mahyire ɛmɔ nala.” (Yohane 15:12) Sɛɛ yeɛ Yesu hyirɛle kyɛ ɔdɔ ye asuafoɛ nemɔ ɔ? Onyane mmerɛ mane bɛ, ɔhyɛle bɛ ngunaen, na ɔbokale bɛ koso. Ɔfale ye ngõa pó tole brɛ mane bɛ. (1 Yohane 3:16) Sɔ ala yeɛ nahorɛ Kristofoɛ koso, na bɛnoa yeɛ bɛfa bɛdɔ ɔ. Na mmom bɛfa bɛ subaen ne bɛ nneyɛe bekyire kyɛ bɛdodɔ bɛnwo.
3. Adwuma bɔ yenwo hia beni yeɛ nahorɛ Kristofoɛ yɛ ɔ?
Yesu mane ye asuafoɛ nemɔ adwuma. “Ɔsomane bɛ maa bɛɛhãne Nyameɛpiri Ahennie nanwo edwirɛ.” (Luka 9:2) Nná asɔneyɛ sua nu ngome yeɛ tete Kristofoɛ hãne dwirɛ pá ne ɔ, mmom dwaaso ne mmenia awuro koso. (Kenga Asomafoɛ Ne Nnwumaa 5:42; 17:17.) Sɔ ala, yeɛ ɛnnɛ, nahorɛ Kristofoɛ koso kyirekyire Bible nu nahorɛ kyire mmenia wɔ nekaa biala ɔ. Ɔnate kyɛ bɛdɔ bɛ mangõ mɔ nati, bɛfa bɛ mmerɛ ne b’anwoserɛ bɛkã awerɛkyekyerɛ, ɔne anyelasoɛ nwo dwirɛ bɔ ɔwɔ Bible nanu ne bekyire bɛ.—Marko 12:31.
SUA PẼE BOKASO
Susu kyɛbɔ ɛkɔhora konwu nzonzoneɛ bɔ ɔla nahorɛ Kristofoɛ ne bɛbɔ benni Yesu ngyerɛkyerɛ ne ye nneasoɛ sĩ nanwo ɔ.
4. Bɛpena nahorɛ bɔ ɔwɔ Bible nu ne
Né Bible ne sombo ma tete Kristofoɛ ne
Nná bɛbɔ bɛkã kyɛ bɛte Kristofoɛ ne mukoraati yeɛ Bible nanu nahorɛ ne sombo ma bɛ ɔ. Bɔ VIDIO ne, na susu nzɛmmisa bɔ oliso he anwo.
Atẽe beni aso yeɛ asɔre ahoroɛ bɔ besé kyɛ, bɛte Kristofoɛ ne asɛkye Yesu ngyerɛkyerɛ ne ɔ?
Yesu hyirehyirɛle nahorɛ bɔ ɔwɔ Nyameɛpiri Dwirɛ nanu ne. Kenga Yohane 18:37, na afei susu nzɛmmisa he anwo:
Kyɛbɔ Yesu hãne ne, atẽe beni aso yeɛ yɛkɔhora yekonwu Kristofoɛ bɔ “begyi nahorɛ ne sĩ” ɔ?
5. Bekyirekyire Bible nanu nahorɛ ne
Tete Kristofoɛ ne, bɛhãne nzɛmba ne behyirɛle mmenia
Koraka Yesu baahɔ anwuro ne, ɔfale adwuma bie wurale ye asuafoɛ nemɔ sa, na sɔ adwuma ne ahɔ so alaa waadwu ɛnnɛ. Kenga Mateo 28:19, 20 ɔne Asomafoɛ Ne Nnwumaa 1:8, na susu nzɛmmisa he anwo:
Niswa yeɛ bɛkɔhã nzɛmba ne bekoodwu ɔ?
6. Bɛfa bɔ bɛkã ne bɛbɔ bɛbra
Nzu yeɛ ɔmaa biãa bie bɔ bɛfrɛ ye Tom lelili kyɛ wanwu nahorɛ sõen ɔ? Bɔ VIDIO ne, na susu nzɛmmisa bɔ olili so hemɔ nwo.
Wɔ vidio nanu ne, nzu yeɛ ɔmaa Tom pale aba wɔ nyamesom nwo ɔ?
Nzu yeɛ ɔmaa ole lili kyɛ wanwu nahorɛ ne ɔ?
Yɛ nneyɛe kã pẽe fa yɛnwo tra edwirɛ bɔ yɛkã ɔ. Kenga Mateo 7:21, na susu nzɛmmisa he anwo:
Nzu yeɛ yenwo hia Yesu paa ɔ—bɔ yɛfa yɛnoa mbaen yɛkã kyɛ yedé yedi, anaa bɔ yɛfa yɛ nneyɛe yekyire ɔ?
7. Bɛdodɔ bɛnwo
Tete Kristofoɛ ne, né bɛdodɔ bɛnwo
Aso Kristofoɛ biemɔ afa bɛ ngõa ato berɛ ama beliemaamɔ Kristofoɛ lé anaa? Bɔ VIDIO ne, na susu nzɛmmisa bɔ olili so hemɔ nwo.
Wɔ vidio nanu ne, nzu yeɛ ɔmaa Lloyd fale ye ngõa tole berɛ mane Aliemaa Johansson ɔ?
Aso esusu kyɛ ɔyɛle yenwo kyɛ nahorɛ Kristoniɛ anaa?
Kenga Yohane 13:34, 35, na afei susu nzɛmmisa hemɔ nwo:
Sɛɛ yeɛ Yesu sĩlilɛfoɛ bɔ bɛte (nahorɛ Kristofoɛ) ne ne mmenia bɔ ɔsono bɛ amammerɛ anaa befi maen foforɛ so ne di ɔ?
Sɛ kõɛ si a, sɛɛ yeɛ bɛyɛ bɛ nikye ɔ?
EBIEMƆ KÃ KYƐ: “Kristofoɛ ayɛ nningyein tɛɛ pẽe—yeti ɔkɔyɛ sɛɛ ná bahora bayɛ nahorɛ sõen?”
Tworɔnzɛm beni yeɛ ɛkɔhora kɔkenga kohyire ebie maa okonwu nahorɛ Kristofoɛ ɔ?
YEMUABƆLƐ
Nahorɛ Kristofoɛ di Bible ngyerɛkyerɛ sĩ, befi b’ahõne nu bɛdɔ afoforɛ, na bekyirekyire Bible nanu nahorɛ koso.
Ndimu
Nzu yeɛ nahorɛ Kristofoɛ fa begyidie gyina so ɔ?
Subaen beni yeɛ bɛfa bɛse nahorɛ Kristofoɛ ɔ?
Adwuma beni yeɛ nahorɛ Kristofoɛ yɛ ɔ?
NEA ƐHE KOSO
Sua pẽe fa mmenikue bie bɔ bɛbɔ mmɔden kyɛ, bekoli Yesu Kristo ngyerɛkyerɛ ne ye nneasoɛ sĩ nanwo nikye.
Nea kyɛbɔ “Bible nu nahorɛ” ne sesãne brasua bie bɔ né ɔte sɔfo ne abrabɔ ɔ.
“Bɛfale Bible Ne Bɛyele Nzɛmmisa Biala Noa!” (The Watchtower, April 1, 2014)
Sua kyɛbɔ nahorɛ Kristofoɛ da ɔdɔ ali kyire beliemamɔ bɔ atorɛngyɛm ato bɛ ne nwo nikye.
Yeliemamɔ Bɔ Yɛboka Bɛ Wɔ Atorɛngyɛm Mmerɛ Nu—Ye Bue Bie (3:57)
Sua kyɛbɔ tete Kristofoɛ ne nahorɛ Kristofoɛ bɔ bɛwɔ berɛ ɛnnɛ ne da subaen bɔ Yesu hãne kyɛ, ye sĩlilɛfoɛ kɔla ye ali nanwo nikye.
“Nzu Yeɛ Ɔmaa Yenwu Nahorɛ Kristofoɛ Ɔ?” (The Watchtower, March 1, 2012)