Atirimbɔ Beni Yeɛ Nyameɛpiri Lé Ma Yɛ Ɔ?

Bible ne maa yenwui kyɛ sona asetena te tekaapẽ na ɔhaw ayi nu tɛkyɛ.’ (Yob 14:1) Aso asetena he yeɛ ne Nyameɛpiri pena kyɛ yɛkɔ nu anaa? Sɛ nna sɔ yeɛ ɔtte de a, yede atirimbɔ beni yeɛ ole ma yɛ ɔ? Aso ye atirimbɔ ne kɔwa nu anaa? Susu mmuaeɛ bɔ awerɛkyekye wɔ nu bɔ Bible na afa ama nanwo.

1. Asetena beni yeɛ Yehowa pena kyɛ yenya ɔ?

Yehowa pena kyɛ yenya asetena bɔ ɔte pá ɔ. Mmerɛ bɔ ɔbɔle mmenia bɔ beli mmoa Adam ne Hawa ne, ɔfale bɛ tenane paradise nyemenyemene bie bɔ bɛfrɛ ye Eden turo nu. Afei “Nyameɛpiri hyirale bɛ, na Nyameɛpiri hãhyirɛle bɛ kyɛ: ‘Ɛmɔwo na ɛmɔyɛ pẽe, na ɛmɔyi aseɛ so na ɛmɔli so.’” (Gyenɛsis 1:​28) Né Yehowa pena kyɛ bɛwo mmaa, bɛyɛ aseɛ ne mukoraati paradise, na banea ngaka nemɔ so. Ye atirimbɔ yeɛ ole kyɛ mmenia mukoraati konya anwoserɛ, na batena ase daa.

Ɔwɔ nu kyɛ nningyein angɔyé kyɛbɔ ne ɔpena de,a nakoso Nyameɛpiri atirimbɔ sesãnne. (Aizaya 46:​10, 11) Oté wɔ ye tianu kyɛ ɔkɔmaa mmenia bɔ bɛyɛ setie ne konya anwoserɛ kɔtena ase daa.​—Kenga Nyekyire 21:​3, 4.

2. Ɔkɔyɛ sɛɛ na yanya asetena bɔ mvasoɛ wɔ so ɛnnɛ ɔ

Yehowa bɔle yɛ kyɛ yeli yɛ “honhom nu ahiadeɛ” nwo dwumaa, yenwu ye na yɛsõ ye. (Kenga Mateo 5:​3-6.) Ɔpena kyɛ yɛne ye nya abusuabɔ bɔ enu yɛse, yɛfa ye akwangyerɛ yɛyɛ adwuma, yɛdɔ ye, na “yefi [yɛ] ahõne mukoraati” nu yɛsõ ye. (Deuteronomi 10:​12; Edwein 25:​14) Sɛ yɛyɛ sɔ a, yɛnye kɔgye ɔmva yenwo kyɛ yele ɔhaw ahoroɛ ne. Yɛsõ Yehowa a, yenya so mvasoɛ na yenya atirimbɔ koso wɔ y’asetena nu.

3. Yehowa le atirimbɔ pá ma sona

Bɔ VIDIO ne, na susu nzɛmmisa bɔ olili so hemɔ anwo.

VIDIO: Nzuati Yeɛ Nyameɛpiri Bɔle Aseɛ Ɔ?​—Ye Bue Bie (1:41)

• Nzuati yeɛ Nyameɛpiri bɔle yɛ aseɛ nyemene he ɔ?

Kenga Ɔsɛngafoɛ 3:​11, na susu nzɛmmisa he anwo:

• Nzu yeɛ ɛhe ma enwu fa Yehowa nwo ɔ?

4. Yehowa atirimbɔ sesãnne

Kenga Edwein 37:​11, 29 ɔne Aizaya 55:​11, na susu nzɛmmisa he anwo:

• Nzu yeɛ ɔmaa yenwu kyɛ atirimbɔ bɔ Nyameɛpiri le ma yɛ ne sesãnne?

5. Yehowa bɔ yɛkɔsõ ye ne kɔmaa yɛ asetena so kɔwa mvasoɛ

VIDIO: Mmanwuni Asetena Atirimbɔ (5:03)

• Mvasoɛ beni yeɛ Terumi nya fili asetena atirimbɔ nwo nikyee bɔ osuane nanu ɔ?

Kenga Ɔsɛngafoɛ 12:​13, na susu nzɛmmisa he anwo:

• Ɔnate kyɛ Yehowa ayɛ pẽe ama yɛ nati, nzu yeɛ odikyɛ yɛfa yetua ye kerɛ ɔ?

YEMUABƆLƐ

Yehowa pena kyɛ yenya asetena bɔ anigye wɔ nu daa wɔ aseɛ he aso. Ɛnnɛ pó,​—sɛ yefi yɛ ahõne mukoraati nu yɛsõ ye a, yɛ asetena so kɔwa mvasoɛ.

Ndimu

• Ahyɛaseɛ ne, atirimbɔ beni yeɛ ne Yehowa le ma Adam ne Hawa ɔ?

• Nzu yeɛ ɔmaa yenwu kyɛ, atirimbɔ bɔ Nyameɛpiri le ma sona ne sesãnne ɔ?

• Ɛkɔyɛ sɛɛ na anya asetena so mvasoɛ?

NEA ƐHE KOSO

Nea adanzeɛ bɔ okyire kyɛ, né Eden turo ne wɔ berɛ amba ɔ.

“Eden Turo Ne​—Aso Ɔte Ɛhoaa Anaa Nahorɛ Dwirɛ?” (The Watchtower, January 1, 2011)

Nea nikyehorɛ tibɔ ɔmaa yedé yedi kyɛ aseɛ ne kɔtena berɛ daa ɔ.

“Aso Aseɛ Ne Kɔsɛkye?” (Edwirɛ bɔ ɔwɔ intanɛt so)

Nea bɔ Bible ne kã fa mvasoɛ bɔ ɛkɔhora konya ye wɔ w’asetena so nanwo ɔ.

“Nzuati Yeɛ Yɛte Ase Ɔ?” (Edwirɛ bɔ ɔwɔ intanɛt so)

Nea kyɛbɔ bĩaa bie bɔ ne osusu kyɛ ole nikyee biala ne nwuni kyɛ, w’ahwere nikyee bie wɔ ye asetena nu ɔ.

Bekye Yeɛ Manwu Asetena Atirimbɔ Ɔ 3:​55