Botayɛɛ Beni Yeɛ Afa Asie Wɔnye So Wɔ Sõen Afoɛ Bɔ Ɔba Nanu Ɔ?

Yɛpena kyɛ yɛfa y’anwoserɛ mukoraati yɛsõ Yehowa, ná yɛmaa yenye gye. Yeti yɛfa botayɛɛ yesie yɛnye so wɔ ye sõen nu, na yɛbɔ mmɔden kyɛ yekodwu yenwo. Sɛ yɛfa botayɛɛ bie yesie yɛnye so wɔ Yehowa sõen nu, na yɛyere yɛnwo yedwu yenwo a, ɔkɔmaa yɛkɔhɔ yɛ nyunu wɔ asafo nanu, na yɛ fɛɛ ngɔyɛ mbaen. (1Ti 4:15) Nningyein kora sesã mmerɛ biala. Yeti, daa odikyɛ yɛneanea botayɛɛ bɔ yafa yasie yɛnye so nanu. Ebia mmerɛ bie bɔ wapɛ nu ne, ɛfale botayɛɛ bie siele wɔnye so, nakoso kesaalae sɛ ɛtwẽ wɔ nu sɛɛ po a, ɛngɔhora ngodwu yenwo, anaakyɛ ebia ahora adwu yenwo dada, yeti odikyɛ ɛfa foforɛ sie wɔnye so.

Sɛ yɛbaahyɛ sõen afoɛ foforɛ bo a, sɔ mmerɛ ne yeɛ ɔte pá paa kyɛ, yekosusu botayɛɛ bɔ yɛpena kyɛ yɛfa yesie yɛnye so nanwo ɔ. Sɛ ɛmɔyɛ abusũa sõen a, botayɛɛ bɔ ɛmɔnu biala anaa abusũa ne pena kyɛ bɛfa besie bɛnye so ne, ɛmɔ kɔhora bekosusu yenwo.

Sɛ ɛnea botayɛɛ ahoroɛ bɔ olili so ne a, ɛkɔyɛ sɛɛ ne ahora adwu enu biala nwo?