E+/taseffski/via Getty Images (Stock photo. Posed by model.)
ƐMƆHƆSO BƐWƐNE!
Ɛnnɛ, Mmrandeɛ Ne Ndaluwa Pẽe Yeɛ Benya Adwene Nu Anwonyerɛ Ɔ—Nzu Yeɛ Bible Ne Kã Fa Yenwo Ɔ?
Kisie, February 13, 2023 ne, kue bie bɔ bɛfrɛ bɛ Centers for Disease Control and Prevention (CDC) bɔ bɛwɔ United States ne yɛle nhwehwɛmuɛ bie fale mmrandeɛ ne ndaluwa bɔ benya adwene nu anwonyerɛ nwo. Bɛ nhwehwɛmuɛ ne maa ɔɔlale ali kyɛ, mmabunu bɔ bɛkɔ ndoasoɛ sukuu ne, bɛnu ɛyaa nu ngyekyɛmuɛ 40 de, daa ne bɛ wora abɔ, na ɛyɛ a ne bɛ abanu koso abu.
Adoktafoɛ bɔ bɛboka sɔ kue naso ne, benu kõ bɔ bɛfrɛ ye Dr. Kathleen Ethier hãne kyɛ “Ɔwɔ nu kyɛ kɔyɛ afoɛ 10 bɔ wapɛ nu ɛhe ne, né mmabunu pẽe nala nya adwene nu anwonyerɛ, nakoso kesaalae de wasɛkyɛ koraa.” Ɔtoale ye dwirɛ naso kyɛ, “ndaluwa bɔ bɛwɔ nu ne po de, adwene bɔ bɛtaa bɛnya yeɛ ole kyɛ, bɛhũ bɛnwo.”
Nhwehwɛmuɛ ne sa sili so dua kyɛ:
Sɛ ɛye ndaluwa buru biala sie berɛ a, benu kõ, anaa bɔ ɔbo sɔ de, ɔkɔhora kɔwa kyɛ ebie ahyɛ bɛ ne bɛ ala, anaa bato bɛ mmonaa le. Dr. Ethier hãne kyɛ, “ɛhe ha adwene paa.”
Sɛ bɛye ndaluwa nza biala sie berɛ a, benu kõ de, wawa ye tianu le kyɛ ohũ yenwo.
Sɛ bɛye ndaluwa 5 biala sie berɛ a, ɛnu kɔyɛ nza de, daa ne bɛ wora abɔ, anaa bɛ abanu abu.
Ɛmɔma yɛhã, sɔ dwirɛ he te aworabɔ paa. Ofikyɛ sɛ ebie te ababunu a, sɔ mmerɛ ne yeɛ odikyɛ ɔmaa ye nye gye ɔ. Nakoso ɛyɛ a bɛnye ngye, yede nzu yeɛ ɔkɔboka bɛ maa bekogyina adwenedwene bɔ ɔbatɔ bɛso ɛnnɛ ne noa ɔ? Nzu yeɛ Bible ne kã fa yenwo ɔ?
Bible ne ma mmabunu afutue pá bɔ ɔkɔhora kɔboka bɛ ɔ
Bible ne boka yɛ maa yenwu mmerɛ bɔ yɛte nu he anwo dwirɛ pẽe. Ɔkã kyɛ yɛte “mmerɛ bɔ enu yɛ se” nu. (2 Timoteo 3:1-5) Nakoso, afutue pá bɔ ɔwɔ Bible nu ne, ɔboka mmabunu pẽe maa bɛkora begyina ɔhaw ahoroɛ bɔ beyia ne noa. Yɛsrɛ wɔ, nea edwirɛ ahoroɛ bɔ ogyĩ Bible naso bɔ ɔkɔhora kɔboka wɔ ne bie.
Mmokalɛ bɔ bɛfa bɛma mmabunu bɔ bɛpena kyɛ bekũ bɛnwo ɔ
Mmokalɛ bɔ bɛfa bɛma mmabunu bɔ bɛwora abɔ, na banya anwonyerɛ bie bɔ bɛfrɛ ye depression ɔ
Wo Werɛ How a, Dɛn Na Ɛbɛma W’ani Agye (whiteboard animation)
Mmokalɛ bɔ bɛfa bɛma mmabunu bɔ bɛ mangõmɔ sisi bɛ ɔ
What if I’m Being Cyberbullied? What if I’m Being Cyberbullied?
Di Osisifo So Nkonim a Wontow Twɛre (whiteboard animation)
Mmokalɛ bɔ bɛfa bɛma mmabunu bɔ bɛto bɛ mmonaa, anaa bɛfa nnaa nwo dwirɛ bɛteetee bɛ ɔ
Mmokalɛ bɔ Bible fa ma awofoɛ ɔ
Bible ne sa boka awofoɛ maa bɛfa afutue pá bɛma bɛ mmaamɔ bɔ bɛyia ɔhaw wɔ b’asetena nu ne. Yɛsrɛ wɔ, nea edwirɛ ahoroɛ bɔ ogyĩ Bible naso bɔ ɔkɔhora kɔboka wɔ ne bie.