Sohyia Media Sɛkye Ɛwa Anaa?—Kyɛbɔ Bible Ne Kɔboka Awofoɛ Ɔ

Dɔkota panyi bie bɔ ɔwɔ U.S bɔ bɛfrɛ ye Dr. Vivek Murthy ne afa ato dwaa kyɛ: “Ɛnnɛ kyɛbɔ mmrandeɛ ne ndaluwa benya adwene nu anwonyerɛ ne, ɔyɛ suro paa. Na yanwu ye kyɛ, nikyee ko bɔ odi nu akotene paa yeɛ ole sohyia media.”—New York Times, June 17, 2024.

Ɔkɔyɛ sɛɛ ne awofoɛ abɔ bɛ mmaamɔ nwo waen afi asane bɔ ɔwɔ sohyia media so nanwo? Wɔde, nea afutue bɔ Bible ne fa ma ɔ.

Bɔ awofoɛ kɔhora kɔyɛ ɔ

Susu Bible nu dwirɛ hemɔ nwo.

“Badwemma de, ɔdwene ye agyirɛtulɛ nwo yé.”—Anyandera 14:15.

Asane wɔ sohyia media so, yeti nnɛka kyɛ ebiala kɔso ti ɛkɔmaa ɛwa koso kɔhɔ so bie. Sɛ ɛkɔma ɛwa atee maa ɔkɔhɔ sohyia media so a, odikyɛ ɛnea kyɛ wanyi bɔ ɔkora fa ye mmerɛ di dwumaa yé ɔ. Afei koso, sɛ ɔkɔ berɛ a, ɔngɔfa nnamvoa tɛɛ, na ɔngɔnea nningyein bɔ ɔttemaye ɔ.

• Sɛ ɛpena ɛhe anwu dwirɛ pee a, kenga edwirɛ he “Memma Me Ba Nkɔ Sohyia Midia So Anaa?” ɔne “Boa Wo Ba a Ɔyɛ Babun Ma Ɔnyɛ Ahwɛyiye Wɔ Sohyia Midia So.”

“Ɛ́mɔnea ɛmɔ mmerɛ so yé.”—Ɛfesofoɛ 5:16.

Sɛ ɛkɔma ɛwa atee maa ɔkɔhɔ sohyia media so a, ɛyɛ a hyehyɛ yenwo mmraa ma ye, na boka ye má onwu bɔ yeti yeɛ sɔ mmraa ne kɔbɔ yenwo waen ɔ. Afei, ɛyɛ a fa wɔnye to ase nea kyɛ, ɛwa ne subaen sesa anaa. Ebia na sohyia media ne yeɛ wamaa ye subaen asesa sɔ ne. Sɛ enwui sɔ a, odikyɛ ɛte mmerɛ dodoɔ bɔ ɔfa kɔ berɛ naso.

• Ɛne ɛwa ne bonu bɛnea vidio bɔ yeɛ ole Nea Yé Wɔ Sohyial-Nɛtwɛk So, na má onwu bɔ yeti yeɛ yenwo hia kyɛ ɛma ye sohyia media nwo akwangyerɛ ɔ.

Sua pee boka so

Bible ne ka kyɛ, yɛte “mmerɛ bɔ nu yɛ se” nu. (2 Timoteo 3:1-5) Nakoso, osa ma yɛ afutue bɔ ɔkɔboka yɛ maa yekogyina yɛhaw ahoroɛ noa ɔ. Edwirɛ bie wɔ yɛ wɛbsait he aso bɔ ɔkɔboka mmabunu na adwenedwene anhyɛ bɛ so. Sɛ ɛkɔ berɛ a, ekonya Bible nu dwirɛ kɔbo 20 bɔ ɔkɔboka awofoɛ ne bɛ mmaamɔ ɔ.