Kõɛ—Nzu Yeɛ Nyameɛ Ahennie Ne Kɔyɛ Kɔfa Yenwo Ɔ?

Kõɛ bɔ ɔkɔso wɔ wiase ne nekaa bie ne, ɔsɛkye nningyein paa, na wamaa mmenia koso nwu amaneɛ. Nea bɔ yeti yeɛ yɛkã sɔ ɔ:

• ‘Afoɛ bɔ ɔpɛle nu ne, mmeni pẽe yeɛ bewuli wɔ kõɛ nu ɔ, ye titire ne, kõɛ bɔ ɔhɔle so wɔ Ethiopia ne Ukraine ne. Ofi 1994 bɔ ɔba ne, mmenia wulli wɔ kõɛ nu sɔ llé.’—Peace Research Institute Oslo, June 7, 2023.

• “Kõɛ bɔ ɔsɛkyele nningyein paa wɔ 2022 nu ne, Ukraine deɛ ne te enu kõ. Sɛ yɛkã yemukoraati yɛbonu a, wɔ wiase mukoraati ne, kõɛ bɔ amanyɔzɛm fa wale ne, ɔhɔle ye nyunu ɛyaa nu ngyekyɛmuɛ aburanyɔ ne nzoo (27%). Na mmenia kɔyɛ 1.7 billion yeɛ kõɛ nati, benwu amaneɛ ɔ.”—Armed Conflict Location & Event Data Project (ACLED), February 8, 2023.

Bible ne ma yɛ anyelasoɛ. Ɔkã kyɛ ‘nyameɛso Nyameɛ kɔma ahennie bɔ ɔngɔsɛkye le kɔye ye ti.’ (Daniel 2:44) Nyameɛ nate sɔ Ahennie, anaa awaen naso ‘kɔmaa kõɛ bo kɔpɛ koodwu aseɛ ne noa dɔ.’—Edwein 46:9.