Aseɛ Ne Sɛkye—Nzu Yeɛ Nyameɛ Ahennie Ne Kɔyɛ Kɔfa Yenwo Ɔ?

“Ewienu tebea bɔ ɔsɛkye ne, wafa ɔhaw wabrɛ mmenia ne nningyein bɔ ɔwɔ aseɛ na so ne. Afei koso, wɔ wiase mukoraati ne, mvrama bɔ yenoa yɛ se bɔ ɔtaa tu ne, ɔsɛkye nningyein paa. Sɛ ɛhene la ahameɛ a, ɛpo ne bɔ enu ayɛ hye ne, wafa ngaka bɔ bɛwɔ nu ne ngoa wato asane nu. Na kyɛbɔ nningyein kɔ ne, annea benu pee nala kowu.”—Inger Andersen, under-secretary-general, United Nations, na ɔsa te executive director ma UN Environment Programme, July 25, 2023.

Aso awaen nemɔ kɔhora kɔha bɛnwo kɔbonu, na bali sɔ haw he anwo dwumaa anaa? Na aso, bɛkɔhora bɛkɔye ɔhaw ne bekofi berɛ koraa?

Bible ne maa yenwu kyɛ, awaen bie wɔ berɛ bɔ ɔkɔhora kɔye sɔ haw he mukoraati kofi berɛ ɔ. Ɔka kyɛ ‘nyameɛso Nyameɛ ne kɔmaa ahennie bie kɔye ye ti.’ Sɔ awaen ne koli aseɛ mukoraati so, na ɔkɔye yɛ haw namukoraati kofi berɛ. (Daniel 2:44) Sɔ mmerɛ ne, nikyee biala “ngohũ anaa ongopura ebiala” wɔ aseɛ naso ko.—Yesaya 11:9