Amanyɔfoɛ Bɔ Bɛnga Nahorɛ Ne—Nzu Yeɛ Nyameɛ Ahennie Ne Kɔyɛ Kɔfa Yenwo Ɔ?

Ɛnnɛ mmenia nyane a, ahaa bɛbɔ beli nningyein nyunu wɔ awaen nu ne ka nahorɛ, nakoso benya ye sɔ. Bɛyɛle nhwehwɛmuɛ bie 2023 nu wɔ wiase mukoraati, na benwuni kyɛ awaen nu mbanyi yeɛ mmenia nne bɛ nni koraa ɔ.a

Bible ne maa yenwu kyɛ awaen bie wɔ berɛ, na bɔ odi so ne, ɔyɛ ye nikyee biala pɛpɛɛpɛ. Na yɛkɔhora yɛkɔfa yɛnwo yɛkɔto ye so. Sɔ awaen ne yeɛ ole Nyameɛ Ahennie ne, na bɔ odi so ne yeɛ ole Yesu Kristo.—Yesaya 9:7.

Mmerɛ bɔ né Yesu wɔ aseɛ he aso ne, bɔ ɔyɛle ne maa yenwu kyɛ ɔdwene sona nwo. (Mateo 9:35, 36) Kyɛ Nyameɛ Ahennie naso hene ne, okobua ndeɛn pá, na okoli kɔma bɛbɔ bedé ye bɛto nu kyɛ bɛ hene ne.—Edwein 72:12-14.