Fa Nnamvoa, Ná Anyɛ Angonam—Bible Ne Kɔhora Kɔboka Wɔ

Wɔ 2023 nu ne, dɔktafoɛ pee nwuni ye kyɛ odikyɛ bɛtu angonamyɛ bo. Nakoso, ɔkɔhora kɔyɛ yé ɛne?

• Dr. Vivek Murthy hane kyɛ: “Sɛ ebie te angonam anaa ɔnga yenwo ngɔ mmenia nwo a, ɔkora bɔ ye anwonyerɛ.” Nakoso ɔtoale so kyɛ: “Yɛkɔhora yɛkɔyɛ yenwo nikyee bie. Odikyɛ yɛbɔ mmɔden kyɛ daa biala, yɛkɔyɛ nningyein bɔ ɔkɔmaa yɛne mmenia afia kɔyɛ kama ɔ.”a—U.S. Surgeon general.

Sɛ ebie nga yenwo ngɔ mmenia nwo a, ɛhene angome ngyire kyɛ wayɛ angonam. Ebiemɔ wɔ berɛ a, sɛ bɛwɔ mmenia nu po a, bɛ kora bɛte nga kyɛ bayɛ angonam. Sɛ yɛ haw deɛ ne fi ni oo, sɛ ofi ni oo, Bible ne kɔhora kɔboka yɛ. Bible ne ma yɛ afutue bɔ ɔkɔmaa yɛne mmenia afia kɔyɛ pá, ná wamma yannyɛ angonam.

Bible nu dwirɛ bɔ ɔkɔhora kɔboka wɔ ɔ

Sua kyɛbɔ ɛne mmenia kɔbɔ ngɔmmɔ ɔ. Sɛ ɛne ebie bɔ ngɔmmɔ a, nna daa yeɛ odikyɛ ɛka wɔ haw nwo dwirɛ ɔ; odikyɛ wɔ koso ɛyɛ asoɛ tie ye. Sɛ ɛma mmenia nwu ye kyɛ ɛdwene bɛnwo a, ɔkɔmaa ɛne b’afia kɔyɛ kama.

• Bible nu dwirɛ: “Nnɛma ɛmɔ nu biala pena ye ngome ye deɛ, na mmom ɔsɛ kyɛ ɔma ye mmango deɛ koso hia ye.”—Filipifoɛ 2:4.

Bɔ mmɔden fa ebiala adamvoa. Sɛ sona ne te panyi oo, ɔte akwalaa oo, ɛkɔhora kɔfa ye adamvoa. Sɛ ɔsono ye amammerɛ po a, ɛhene de ɔmva yenwo.

• Bible nu dwirɛ: “Ɛmɔ bukye ɛmɔ ahone nu.”—2 Korintofoɛ 6:13, NWT.

Sɛ ɛpena kyɛ enwu atee bɔ ɛkɔfa so kɔfa mmenia adamvoa a, kenga edwirɛ he, “Satisfying Our Hunger for Friendship.”