Sɛ Ɛboka Afoforɛ A, Ɔkɔmaa Ekoli Angonam So—Nea Bɔ Bible Ne Ka Ɔ

Ɛnnɛ ɔyɛ se ma mmeni pee kyɛ bɛkɔha bɛkɔhɔ mmenia nwo, yeti wamaa bɛte nga kyɛ bayɛ angonam. Dɔktafoɛ biemɔ dé di kyɛ, nikye ko bɔ ɔkɔhora koli sɔ haw nanwo dwumaa yeɛ ole kyɛ, yɛkɔboka afoforɛ.

• “Sɛ yɛboka bɛbɔ bɛnwo ahyere bɛ nea a, ɔmaa yenwu ye kyɛ yɛnwo hia, na osa boka yɛ, ná yandwe yɛnwo yamvi mmenia nwo.”—U.S. National Institutes of Health.

Bible ne maa yenwu bɔ yɛkɔhora yɛkɔyɛ, na yafa yaboka mmenia ɔ. Sɛ yɛfa bɔ ɔka ne yɛyɛ adwuma a, ɔmaa yɛkora yedi angonam bɔ yɛkɔyɛ naso.

Nzu yeɛ ɛkɔhora kɔyɛ ɔ?

Kyɛ nikye. Bɔ mmɔden kyɛ ɛne mmenia kɔbonu kɔyɛ nningyein. Fi w’ahone nu kyɛ nikye, sɛ ɛyɛ sɔ a, ɔmaa mmenia nye gye wɔnwo; na ɛhene kora maa ɛmɔfa adamvoa.

• Bible nu dwirɛ: “Ɛ́mɔfa bɛ́ma, na bɛkɔfa bɛkɔma ɛmɔ.”—Luka 6:38.

Boka afoforɛ. Bɛbɔ bɛkɔ ɔhaw nu ne, pena atee bɔ ɛkɔfa so kɔboka bɛ ɔ. Bɔ ɛkɔhora kɔyɛ ne bie yeɛ ole kyɛ, sɛ bedwudwo a, yɛ dinn na tie bɛ; ɛkɔhora koso kɔyɛ nningyein biemɔ kɔfa kɔboka bɛ.

• Bible nu dwirɛ: “Adamvoa kuro wɔ dwirɛ mmerɛ biala.”—Anyandera 17:17

Sɛ ɛpena bɔ ɔkɔboka wɔ maa ɛne mmenia afia kɔhɔso kɔyɛ kama a, nea edwirɛ he: “Sɛnea Yɛne Yɛn Abusuafo Ne Yɛn Nnamfo Ntam Bɛyɛ Kama.”