Kã Asetena Pá Bɔ Wapingye Nanwo Dwirɛ!

Edwirɛ pá ne yeɛ ole kyɛ, asetena pá bie apingye, yeti wɔ November nu ne, yɛkɔbɔ yenwo dawure yekohyire mmenia. (Ed 37:10, 11; Nye 21:3-5) Yɛ wɔ mmerɛ nhyehyɛeɛ yé na ahora afa wɔnwo awura ɔsatu he anu. Sɔ bosome nanu ne, sɛ ɛbayɛ atẽepakyelɛ bokafoɛ a, ɛkɔhora kɔfa nnɔnhwere 30 anaa 50 kɔyɛ asɛnga adwuma ne.

Siesie wɔnwo kyɛ ɛkɔhã tworɔnzɛm bɔ ɔfa ewiase foforɛ nanwo dwirɛ kohyire mmeni pẽe. Sɛ ɛfá tworɔnzɛm bie di dwumaa a, pena bɔ mmenia nye kɔgye yenwo wɔ w’aseɛsĩi nanu ɔ. Sɛ ebie kyire anigye wɔ nzrahwɛ bɔ olimoa nanu a, fa The Watchtower No. 2 2021 deɛ bɔ yɛfa yɛma mmenia ne kõ ma ye. Afei, yɛ ndɛ na ɛne ye bɛhyɛ Bible adesua bo befi Nya Asetana Nu Anigye Daa! brohyeɔ nanu. Nea kyɛbɔ ɔkɔyɛ anigye kyɛ yɛkɔboka mmenia bɔ bɛkã “edwirɛ pá bɔ ɔfa nningyein pá” nwo naso ɔ!—Aiz 52:7.

BƆ DWEIN BƆ ƆNNE YƐ DWEIN NWOMAA NANU VIDIO BƆ YEƐ OLE EWIASE FOFORƐ BƆ ƆBA NE, NA YE NZƐMMISA BƆ OLILI SO HEMƆ NOA:

• Kyẽabie asetena pá beni, yeɛ abayaa kãamba ne pɛ yenwo mvoni ɔ?

• Nnnigyein benimɔ yeɛ ɛnea ye atẽ wɔ ewiase foforɛ nanu ɔ?

• Sɛ esusu anyelasoɛ bɔ ele ye nanwo a, sɛɛ yeɛ ɔkɔboka wɔ maa ekosiesie wɔnwo kɔma ɔsatu bɔ yɛkɔyɛ ye November nanu ne ɔ?—Luk 6:45