Mmabunu​—Ɛmɔfi Ɛmɔ Ahõne Nu Ne Ɛmɔ Awofoɛ Bɛbɔ Ngɔmmɔ

Nzuati yeɛ mvasoɛ wɔ so kyɛ ekofi w’ahõne nu ne w’awofoɛ kɔbɔ ngɔmmɔ ɔ? (An 23:26) Ofikyɛ Yehowa afa awura bɛsa kyɛ bɛnea wɔ so, na bɛbɔ wɔnwo waen. (Ed 127:3, 4) Sɛ amvi w’ahõne nu ne bɛ ammɔ ngɔmmɔ a, bɛngɔhora bengonwu bɔ ɔha wɔ ɔ. Afei koso, osuanwu ahoroɛ bɔ banya ye wɔ asetena nu ne, engonya so mvasoɛ. Aso ɔte mvomsoɛ kyɛ ɛkɔfa edwirɛ biemɔ kɔfea w’awofoɛ anaa? Daabi ɔtte mvomsoɛ—nakoso nea yé ná anlakalaka w’awofoɛ na baané ngondombo dwirɛ baani.—An 3:32.

Ɛkɔyɛ sɛɛ na ahora ne w’awofoɛ abɔ ngɔmmɔ? Bɔ mmɔden kyɛ ɛne bɛ kodwudwo wɔ mmerɛ pá nu. Sɛ ɛhe yɛ se ma wɔ a, ɛkɔhora kɔhworɔ bɛ nu kõ krataa kɔfa kohyire kyɛbɔ esi te ngã ɔ. Na sɛ w’awofoɛ pena kyɛ ɛkã edwirɛ bie bɔ ɛmbena kyɛ ɛne bɛ kɔbɔ yenwo ngɔmmɔ koso ɛ? Kae kyɛ bɛpena kyɛ bɛboka wɔ. Nwu w’awofoɛ kyɛ bɛte wɔ nnamvo, na mmom bɛtte wɔ pɔfoɛ. Mmɔden bɔ ɛkɔbɔ kyɛ ɛne w’awofoɛ kɔbɔ ngɔmmɔ ne, ɔkɔboka wɔ, wɔ ngõa ngyẽa mukoraati nu—na ekonya daa ngõa!—An 4:10-12.

NEA VIDIO ME MMABUNU NU DWIRƐ—NGƆYƐ SƐƐ NÉ MENE M’AWOFOƐ YABƆ NGƆMMƆ? NA YE NZƐMMISA BƆ OLILI SO HEMƆ NOA:

• 

  Nzu yeɛ Esther ne Partik nwu fale bɛnwo ɔ?

• 

  Nzu yeɛ yɛkɔhora yekosua yekofi Yesu nneasoɛ nanu ɔ?

• 

  Nzu yeɛ w’awofoɛ ayɛ afa ahyire kyɛ bɛdwene wɔnwo ɔ?

• 

  Bible nu nnyinasoɛdwirɛ beni yeɛ ɔkɔboka wɔ maa ɛne w’awofoɛ kɔbɔ ngɔmmɔ ɔ?