Atẽe Nza Bɔ Ɛkɔhora Kɔfa Wɔnwo Kɔto Yehowa So Ɔ

David lili Goliat so ngunim ɔnate kyɛ ɔfale yenwo tole Yehowa so. (1Sa 17:45) Yehowa penakyɛ ɔfa ye anwoserɛ boka ye asomvoɛ mukoraati. (2Bere 16:9) Yɛkɔyɛ sɛɛ né yafa yɛnwo yato anwoserɛ bɔ Yehowa fa ma yɛ naso tra kyɛ yɛkɔfa yɛnwo yɛkɔto yɛbɔbɔ yɛ suahu ne yɛ nimdeɛ so ɔ? Nea atẽe nza hemɔ:

• Bɔ Mbaeɛ Mmerɛ Biala. Nnɛdi mvomsoɛ bie yie kora né abɔ bɔne fakyɛ nwo mbaeɛ, na mmom, mmerɛ bɔ eyia nzɔhwɛ ne koso. (Mat 6:12, 13) Nnesisi gyinaeɛ biemɔ yie kora né abɔ mbaeɛ kyɛ Yehowa hyira so, na mmom dimoa bɔ ye mbaeɛ fa pena ye akwangyerɛ ne ye nworɛ kora né asi gyinaeɛ bie.—Yak 1:5

• Yɛ Nhyehyɛeɛ Ma Bible Kengalɛ Ne Ye Suanɛ. Kenga Bible ne kyẽa biala. (Ed 1:2) Dé mmerɛ fa dwenedwene Bible nneasoɛ ahoroɛ nwo, na fa asuadeɛ bɔ ɔwɔ nu ne bɔ wɔ bra. (Yak 1:23-25) Siesie wɔnwo yé ma asɛnga tra kyɛ ɛkɔfa wɔnwo kɔto wɔ suahu so. Dimoa sua bɔ bekosusu yenwo wɔ asafo nhyiamu bo nanwo yé, na wamaa ahora afa wɔnwo awura nu

• Di Yehowa Ahyehyɛdeɛ Ne Akwangyerɛ Sĩ . Nwu akwangyerɛ ahoroɛ bɔ ahyehyɛdeɛ ne afa ama yɛ ɛlɛsae ne, na fa yɛ adwuma ndɛ. (Nu 9:17) Tie asafo nu mbanyi nemɔ mmerɛ bɔ bɛfa afutue ne akwangyerɛ bie bɛma ne.—Heb 13:17

NEA VIDIO BƆ YEƐ OLE BƆ YETI YEƐ ƆNZƐKYƐ ESURO ƆTAEƐ Ɔ, NA YE NZƐMMISA BƆ OLILI SO HEMƆ NOA:

• Esuroen beni yeɛ ɔhãne aliemaa mmrienzua ne mmrasua nemɔ ɔ?

• Na nzu yeɛ ɔbokale bɛ maa begyinane besuroen ne noa ɔ?