Y’ABRABƆ KYƐ KRISTOFOƐ
Hyɛ Gyidie Bɔ Ele Ye Wɔ Nyameɛpiri Dwirɛ Nanu Ne Serɛ
Nyameɛpiri Dwirɛ ne kɔhora kɔsesã yɛ abrabɔ. (Heb 4:12) Nakoso, sɛ yɛkɔhora yekonya akwangyerɛ ne afutue bɔ ɔwɔ nu naso mvasoɛ a, odikyɛ yɛdé yɛtonu kyɛ, ɔte “Nyameɛpiri Dwirɛ.” (1Tɛ 2:13) Yɛkɔyɛ sɛɛ né yahyɛ gyidie bɔ yele ye wɔ Bible nanu ne serɛ?
Kenga Bible ne bue bie daa biala. Sɛ ɛkenga a, pena adanzeɛ bɔ okyire kyɛ Yehowa yeɛ ɔte Bible ne Tworɔfoɛ ɔ. Kyɛ nneasoɛ ne, nea kyɛbɔ afutue bɔ ɔwɔ Anyandera nwomaa nanu naso té le mvasoɛ ma yɛ ɛnnɛ ɔ.—An 13:20; 14:30.
Yɛ nhwehwɛmuɛ. Nwu adanzeɛ bɔ okyire kyɛ Bible ne fi Nyameɛpiri berɛ ne yé. Wɔ Research Guide for Jehovah’s Witnesses (Nwomaa Bɔ Yehowa Adanzefoɛ Fa Yɛ Nhwehwɛmuɛ) nanu ne, nea edwirɛti bɔ yeɛ ole “Bible Ne” na afei nea “Ofi Nyameɛpiri Honhom Nu.” Ɛkɔhora koso kɔnea Appendix A3 bɔ ɔwɔ Ewiase Foforɛ Ngyerɛaseɛ nanu ne, na ɔkɔboka wɔ maa ɛkɔhyɛ gyidie bɔ ele ye kyɛ Bible nanu dwirɛ sesãnne nanu serɛ.
NEA VIDIO BƆ YEƐ OLE, NIKYEHORƐTIBƆ YELE GYIDIE . . . WƆ NYAMEƐPIRI DWIRƐ NANU Ɔ, NA YE NZƐMMISA BƆ OLILI SO HEMƆ NOA:
Sɛɛ yeɛ fasue bie bɔ benwuni ye wɔ Karnak bɔ ɔwɔ Egypt ne di adanzeɛ kyɛ, Nyameɛpiri Dwirɛ ne te nahorɛ ɔ?
Yɛyɛ sɛɛ yeɛ yenwui kyɛ Bible nanu dwirɛ ne sesãnne?
Bɔ Bible ne afanu bɔ wangora wanzɛkye ne, sɛɛ yeɛ ɔmaa edé di kyɛ Bible ne te Nyameɛpiri dwirɛ ɔ?—Kenga Aizaya 40:8