Sɛɛ Yeɛ Yesu Wue Ne Kɔhora Kole Yɛ Ngõa Ɔ?

Ɔnate Nyameɛpiri so asoserɛ bɔ mmenia bɔ belimoa Adam ne Hawa yɛle nati, ɔmaa yɛyɛ bɔne, yenwu amaneɛ, na yewu.a Nakoso anyelasoɛ bie wɔ berɛ. Yehowa nate Ɔwa Yesu Kristo wue naso abukye yenwo atẽe ama yɛ, kyɛbɔ ɔkɔfa kɔye yɛ kofi bɔne ne ewue nu bo ɔ. Bible ne maa yenwu kyɛ Yesu nate ye wue naso maa yenya agyedeɛ. Agyedeɛ te nikyee bɔ betua bɛfa bedé ebie ɔ. Yesu fale ye ngõa bɔ ɔsombo ne yeɛ otuale agyedeɛ ne ɔ. (Kenga Mateo 20:28.) Mmerɛ bɔ Yesu fili ye pɛ nu fale ye ngõa bɔle afɔleɛ wɔ aseɛ he aso ne, obukyele yenwo atẽe mane yɛ kyɛbɔ ɔkɔ yɛ a, yekosa yekonya bɔ Adam ne Hawa hwerele ne ɔ. Yesu sa hyirɛle kyɛbɔ ɔne Yehowa si dɔ yɛ ɔ. Sɔ adesua he kɔboka wɔ maa anisɔ bɔ ele ma Yesu wue nanu kɔyɛ se.

1. Mvasoɛ beni yeɛ yenya yefi Yesu wue naso ɛnnɛ ɔ?

Ɔnate kyɛ yɛte abɔneɛfoɛ nati, yɛyɛ nningyein pẽe bɔ Yehowa nguro ɔ. Nakoso, sɛ yefi yɛ ahõne nu yenu yɛnwo, na yɛsrɛ Yehowa kyɛ ɔfa hyɛ yɛ a, ɔnate Yesu Kristo wue naso fakyɛ yɛ. Afei, sɛ yɛbɔ mmɔden kyɛ yɛngɔyɛ sɔ bɔne ne kõ a, ɔmaa yɛne Nyameɛ fa adamvoa. (1 Yohane 2:1) Bible ne kã kyɛ: “Ofikyɛ Kristo koso nwuni bɔne nwo amaneɛ pɛenko; ye bɔ ɔtengyɛ ne, onwuni amaneɛ mane bɛ bɔ bɛndengyɛ ɔ, amaa ɔnate so wafa yɛ wahɔ Nyameɛ berɛ.”​—1 Petro 3:18.

2. Sɛɛ yeɛ Yesu wue ne kɔboka yɛ kyẽabie ɔ?

Yehowa somane Yesu maa ɔfale ye dasaniɛ ngõa bɔ ɔte pɛ ne bɔle afɔleɛ, “kyɛbɔ ɔkɔyɛ a, ebiala bɔ okyire [Yesu] nu gyidie ne ngɔsɛkye, na mmom wanya daa ngõa.” (Yohane 3:​16) Ɔyɛ yɛ fɛ kyɛ, ɔnate Yesu wue naso ne, ɔngɔhyɛ Yehowa kɔye bɔne bɔ Adam asoserɛ afa wa ne mukoraati kofi berɛ. Ɛhe kyire kyɛ sɛ yekyire Yesu afɔleɛ nanu gyidie a, yekonya yenwo atẽe yɛkɔtena ase daa wɔ paradise aseɛ so!​—Aizaya 65:​21-​23.

SUA PẼE BOKASO

3. Yesu wue ne amaa yale yɛnwo yafi bɔne ne ewue nu

VIDIO: Nzuati Yeɛ Yesu Wule Ɔ?​—Bue 1 (2:01)

• Mmerɛ bɔ Adam yɛle Nyameɛpiri so asoserɛ ne, yenwo atẽe beni yeɛ ɔhwerele ɔ?

Kenga Romanfoɛ 5:​12, na susu nzɛmmisa he anwo:

• Sɛɛ yeɛ bɔne bɔ Adam yɛle amaa w’asetena ayɛ ɔ?

Kenga Yohane 3: ​16, na susu nzɛmmisa he anwo:

• Nzuati yeɛ Yehowa somane Ɔwa ne wale aseɛ he aso ɔ?

1. Né Adam te sona bɔ bɔne nne yenwo, nakoso ɔyɛle Nyameɛ so asoserɛ, ɛhẽne ati ɔmaa mmenia mukoraati yɛ bɔne, na yewu

2. Sɔ ala yeɛ Yesu koso, né bɔne nne yenwo, nakoso otiele Nyameɛ. Ɛhe amaa yanya yenwo atẽe kyɛ, kyẽabie yɛkɔtena ase daa, na yɛngɔyɛ bɔne kõ

4. Mmenia mukoraati kɔhora konya Yesu wue naso mvasoɛ

VIDIO: Nzuati Yeɛ Yesu Wule Ɔ?​—Bue 2 (2:00)

• Ɔkɔyɛ sɛɛ ne mmenia mukoraati ahora anya sonahorɛ wue so mvasoɛ?

Kenga 1 Timoteo 2:​5, 6, na susu nzɛmmisa he anwo:

• Né Adam te ebie bɔ bɔne nne yenwo, nakoso mmerɛ bɔ ɔyɛle bɔne ne, ɔmaa mmenia mukoraa yɛle abɔnefoɛ, na yewuwu. Yesu koso, nne bɔne nne yenwo. Atẽe beni aso yeɛ ɔfale ye ngõa “yɛle mbata mane” yɛ ɔ?

5. Agyedeɛ ne te akyɛdeɛ bɔ Yehowa afa ama wɔ ɔ

Yehowa nnamvoa bu agyedeɛ ne kyɛ, ɔte akyɛdeɛ bɔ wafa wama yenu biala ɔ. Kyɛ nneasoɛ ne, kenga Galatiafoɛ 2:​20, na susu nzɛmmisa he anwo:

• Sɛɛ yeɛ somafoɛ Paul hyirɛle kyɛ, obu agyedeɛ ne kyɛ ɔte akyɛdeɛ bɔ bafa bama yenu biala ɔ?

Mmerɛ bɔ Adam yɛle bɔne ne, bebuli ɔne ye bosofoɛ mukoraati kyɛ bɛfata ewue. Nakoso, Yehowa. somane Ɔwa ne maa owuli kyɛbɔ ɔkɔyɛ a, ɛkɔhora kɔtena ase daa ɔ.

Mmerɛ bɔ ɛkenga ngyekyɛmuɛ bɔ oliso nMmerɛ bɔ ɛkenga tworɔnzɛm bɔ oliso ne, pɛ yenwo foto nea kyɛbɔ Yehowa tele ngã mmerɛ bɔ ne Ɔwa ne nwu amaneɛ bɔ ne. Kenga Yohane 19:​1-7, 16-​18, na susu nzɛmmisa he anwo:

• Sɛɛ yeɛ ɛte ngã wɔ bɔ Yehowa ne Yesu ayɛ ama wɔ nanwo ɔ?

YEMUABƆLƐ

Yesu wue nati sɛ yɛyɛ bɔne a, ɔmaa Yehowa kora fakyɛ yɛ, na kyẽabie koso, ɔkɔmaa yɛkɔtena ase daa.

Ndimu

• Nzuati yeɛ Yesu wuli ɔ?

• Atẽe beni aso yeɛ Yesu ngõa bɔ ɔte pɛ ne yɛle agyedeɛ ɔ?

• Mvasoɛ beni yeɛ ɛkɔhora konya kofi Yesu wue naso ɔ?

NEA ƐHE KOSO

Nea nikyeehorɛ tibɔ bɛfrɛ Yesu ngõa bɔ ɔte pɛ ne kyɛ, agyedeɛ ɔ.

“Atẽe Beni Aso Yeɛ Yesu Afɔleɛ Ne Te ‘Agyedeɛ Ma Mmenia Mukoraati Ɔ’?” (Edwirɛ bɔ ɔwɔ intanɛt so)

Nea bɔ yɛyɛ a, yɛkɔhora yekonya ngõa ɔ.

“Yesu​—Atẽe Beni Aso Yeɛ Olɛle Yɛ Ɔ” (Edwirɛ bɔ ɔwɔ intanɛt so)

Aso Yehowa kɔhora kɔfa bɔne bɔ ɛnu yɛ nõ paa kɔhyɛ anaa?

“Bible Nzɛmmisa Nwo Mmuaeɛ” (The Watchtower, May 1, 2013)

Mmerɛ bɔ bĩaa bie sũane Yesu wue nanwo nikyee ne, nea kyɛbɔ ɔbokale ye maa ɔsesãne ye subaen ɔ.

Kesaalae De Mayakyi Basabasayɔlɛ (Edwirɛ bɔ ɔwɔ intanɛt so)