Kyɛbɔ Ɛkɔfa Ngɔmmɔbɔ Nwo Yɛkyerɛ Ne Koli Dwumaa Ɔ

Bɛto bɛboase besiesie ngɔmmɔbɔ nwo yɛkyerɛ ahoroɛ nemɔ yé paa, na adawurubɔfoɛ pẽe yeɛ basɔ banea banwui kyɛ ɔboka bɛ paa wɔ b’aseɛsĩi nanu ɔ. Nakoso, ɔnate kyɛ ɔsõno maen biala ne enu dwirɛ nati, adawurubɔfoɛ le yenwo atẽe kyɛ bɛfa edwirɛti ahoroɛ, ɔne atẽe ahoroɛ so bɛkã edwirɛ bɔ ɔkã ahõne bekyire mmenia wɔ asɛnga nu wɔ nekaa bɔ bɛwɔ ne. Nahorɛ nu, sɛ bɛfa akwangyerɛ bɔ ɔfa ɔsatu titire bie nwo bɛma yɛ a, odikyɛ yɛfa yɛyɛ adwuma. Yɛ botaeɛ yeɛ ole kyɛ, yekoli ahyɛdeɛ bɔ ɔfa Ahennie nanwo nzɛmba bɔ yɛkɔhã, bɔ Yesu fa mane yɛ naso.—Mat 24:14.

Sɛ bɛyɛ asũafoɛ dwumadié bɔ ɔwɔ Abrabɔ Ne Asɛnga Adesua Nwomaa nanu ne a, odikyɛ adawurubɔfoɛ fa edwirɛti bɔ ɔwɔ ngɔmmɔbɔ nwo yɛkyerɛ bue berɛ ne bedi dwumaa. Nakoso, sɛ baamva yenwo akwangyerɛ pɔtẽe biala baamma a, yede, adawurubɔfoɛ kɔhora kogyina kyɛbɔ tebea ne te wɔ b’aseɛsĩĩ nanu naso, kɔyɛ nzakraeɛ wɔ nzɛmmisa, tworɔnzɛm, edwirɛ bɔ bekosusu yenwo kyẽa foforɛ, ɔne tebea bɔ sona ne wɔnu nanu. Ɛhe kyire kyɛ, yayɛ nzakraeɛ wɔ akwangyerɛ bɔ ɔwɔ June 2020 adesua nwomaa ne krataabue 8 berɛ nanu.