Genèse

36 Mbaï ti Ésaü, wala Édom,+ ayeke so.

2 Ésaü amû awali na popo ti amolenge-wali ti Canaan: Adah+ molenge ti Élon so ayeke zo ti Heth;+ Oholibamah+ molenge ti Anah, âta ti Zibéon so ayeke zo ti Hévi; 3 na Basémath,+ molenge ti Ismaël, ita ti Nébaïoth.+

4 Adah adü na Ésaü Éliphaz; Basémath adü Réuel;

5 Oholibamah adü Jéush, Jalam na Coré.+

Amolenge ti Ésaü ti koli so a dü ala na lo na sese ti Canaan la. 6 Na pekoni, Ésaü amû awali ti lo, amolenge ti lo ti koli na ti wali, azo* kue ti da ti lo, anyama ti lo kue nga na amosoro ti lo kue so lo wara ni+ na sese ti Canaan, lo gue na mbeni kodro, yongoro na ita ti lo Jacob,+ 7 ngbanga ti so aye ti ala aga gbani, na ala lingbi pëpe ti sara kodro ndo oko, nga sese so ala sara kodro dä* alingbi na ala pëpe ndali ti gbâ ti anyama ti ala. 8 Tongaso, Ésaü asara kodro na ndo so ahoto ayeke dä na Séir.+ Ésaü ayeke Édom.+

9 Mbaï ti Ésaü, babâ ti azo ti Édom, na ngoi so lo yeke sara kodro na ndo so ahoto ayeke dä na Séir+ ayeke so.

10 Iri ti amolenge ti Ésaü ti koli ayeke: Éliphaz, molenge ti Adah, wali ti Ésaü; Réuel, molenge ti Basémath, wali ti Ésaü.+

11 Amolenge ti Éliphaz ti koli ayeke Téman,+ Omar, Zépho, Gatam na Kénaz.+ 12 Wali ti Éliphaz ti use ndo, molenge ti Ésaü, ayeke Timna. Timna adü na lo Amalec.+ Amolenge ti Adah wali ti Ésaü la.

13 Amolenge ti Réuel ti koli ayeke Nahath, Zérah, Shammah na Mizzah. Amolenge ti Basémath+ wali ti Ésaü la.

14 Amolenge ti koli so Oholibamah, wali ti Ésaü, adü na lo ayeke Jéush, Jalam na Coré. Oholibamah ayeke molenge ti Anah nga âta ti Zibéon.

15 Amokonzi* na popo ti ahale ti Ésaü+ ayeke so: Amolenge ti Éliphaz, kozo molenge ti Ésaü: Mokonzi Téman, mokonzi Omar, mokonzi Zépho, mokonzi Kénaz,+ 16 mokonzi Coré, mokonzi Gatam na mokonzi Amalec. Amolenge ti Éliphaz+ so ayeke amokonzi na sese ti Édom la. Amolenge ti Adah la.

17 Amolenge ti Réuel, molenge ti Ésaü, ayeke so: Mokonzi Nahath, mokonzi Zérah, mokonzi Shammah na mokonzi Mizzah; so ayeke amolenge ti Réuel so ayeke amokonzi na sese ti Édom.+ Amolenge so Basémath, wali ti Ésaü, adü la.

18 Ti hunzi na ni, amolenge ti Oholibamah, wali ti Ésaü, ayeke so: Mokonzi Jéush, mokonzi Jalam na mokonzi Coré. Amokonzi so ayeke amolenge ti Oholibamah, molenge ti Anah, wali ti Ésaü la.

19 Amolenge ti Ésaü, wala Édom,+ la, nga ala so ayeke amokonzi na popo ti ala la.

20 Amolenge ti Séir zo ti Hori, azo ti sese ni,+ ayeke so: Lotan, Shobal, Zibéon, Anah,+ 21 Dishon, Ézer na Dishan.+ Amokonzi so ayeke azo ti Hori, ahale ti Séir, na sese ti Édom la.

22 Amolenge ti Lotan ayeke Hori na Hémam; ita ti Lotan ti wali ayeke Timna.+

23 Amolenge ti Sobal ayeke Alvan, Manahath, Ébal, Shépho na Onam.

24 Amolenge ti Zibéon+ ayeke Aïah na Anah; a yeke Anah si awara ali ti ngu ti wâ na yâ ti benyama na ngoi so lo yeke bata akororo ti babâ ti lo Zibéon.

25 Amolenge ti Anah ayeke Dishon na Oholibamah, molenge ti Anah ti wali.

26 Amolenge ti Dishon ayeke Hemdan, Eshban, Ithran na Kéran.+

27 Amolenge ti Ézer ayeke Bilhan, Zaavan na Acan.

28 Amolenge ti Dishan ayeke Uz na Aran.+

29 Amokonzi so ayeke azo ti Hori ayeke so: Mokonzi Lotan, mokonzi Shobal, mokonzi Zibéon, mokonzi Anah, 30 mokonzi Dishon, mokonzi Ézer na mokonzi Dishan.+ Amokonzi so ayeke azo ti Hori na sese ti Séir la.

31 Agbia so akomande na sese ti Édom+ kozo si mbeni gbia akomande na ndö ti azo ti Israël+ ayeke so: 32 Béla, molenge ti Béor, akomande na Édom; iri ti gbata ti lo ayeke Dinhabah. 33 Tongana Béla akui, Jobab, molenge ti Zérah zo ti Bozrah, akomande na place ti lo. 34 Tongana Jobab akui, Husham, zo ti sese ti azo ti Théman, akomande na place ti lo. 35 Tongana Husham akui, Hadad, molenge ti Bedad so asö benda na ndö ti azo ti Madian+ na sese* ti Moab, akomande na place ti lo; iri ti gbata ti lo ayeke Avith. 36 Tongana Hadad akui, Samlah, zo ti Masrécah, akomande na place ti lo. 37 Tongana Samlah akui, Shaül, zo ti Réhoboth so ayeke na terê ti Ngu ti Euphrate, akomande na place ti lo. 38 Tongana Shaül akui, Baal-Hanan, molenge ti Akbor, akomande na place ti lo. 39 Tongana Baal-Hanan molenge ti Akbor akui, Hadar akomande na place ti lo. Iri ti gbata ti lo ayeke Paü, nga iri ti wali ti lo ayeke Méhétabel, molenge ti Matrèd so ayeke molenge ti Mézahab.

40 Iri ti amokonzi ti Ésaü na lege ti asewa ti ala nga na lege ti ando so ala yeke dä ayeke so: Mokonzi Timna, mokonzi Alvah, mokonzi Jétheth,+ 41 mokonzi Oholibamah, mokonzi Élah, mokonzi Pinon, 42 mokonzi Kénaz, mokonzi Téman, mokonzi Mibzar, 43 mokonzi Magdiel na mokonzi Iram. Amokonzi ti Édom na lege ti ando so ala sara kodro dä na sese ti ala la.+ Ésaü ayeke babâ ti azo ti Édom.+