KOZO MBETI TI CHRONIQUE

5 Amolenge ti Japhet ayeke Gomer, Magog, Madaï, Javan, Tubal,+ Méshek+ na Tiras.+

6 Amolenge ti Gomer ayeke Askénaz, Riphat na Togarmah.+

7 Amolenge ti Javan ayeke Élishah, Tarsis, Kittim na Rodanim.

8 Amolenge ti Cham ayeke Cush,+ Mizraïm, Put na Canaan.+

9 Amolenge ti Cush ayeke Séba,+ Havilah, Sabtah, Raamah+ na Sabtéca.

Amolenge ti Raamah ayeke Shéba na Dedan.+

10 Cush adü Nimrod. Nimrod+ ayeke kozo zo so aga zo ti ngangu na ndö ti sese.

11 Mizraïm adü Ludim,+ Anamim, Léhabim, Naphtuhim,+ 12 Pathrusim,+ Casluhim (so aPhilistin+ abâ gigi na lege ti lo) na Caphtorim.+

13 Canaan adü kozo molenge ti lo Sidon,+ na pekoni lo dü Heth.+ 14 Nga, lo yeke kotara ti azo ti mara ti Jébus,+ ti azo ti mara ti Amori,+ ti azo ti mara ti Guirgashi,+ 15 ti azo ti Hévi,+ ti azo ti mara ti Arka, ti azo ti Sini, 16 ti azo ti Arvad,+ ti azo ti Zémari na ti azo ti Hamath.

17 Amolenge ti Sem ayeke Élam,+ Assur,+ Arpacshad, Lud, nga Aram;*

Uz, Hul, Guéther na Mash.+

18 Arpacshad adü Shélah;+ Shélah adü Éber.

19 Éber adü amolenge use. Iri ti oko ayeke Péleg,*+ ndali ti so na ngoi ti lo sese* akangbi. Iri ti ita ti lo ayeke Joctan.

20 Joctan adü Almodad, Shéleph, Hazarmaveth, Jérah,+ 21 Hadoram, Uzal, Diclah, 22 Obal, Abimaël, Shéba, 23 Ophir,+ Havilah+ na Jobab; ala so kue ayeke amolenge ti Joctan la.

28 Amolenge ti Abraham ayeke Isaac+ na Ismaël.+

29 Amolenge ti Ismaël, na lege ti sewa so ala londo dä, ayeke: Nébaïoth,+ kozo molenge ni, na pekoni Kédar,+ Adbéel, Mibsam,+ 30 Mishma, Dumah, Massa, Hadad, Téma, 31 Jétur, Naphish na Kédémah; so ayeke amolenge ti Ismaël la.

32 Amolenge so Kéturah,+ wali ti Abraham ti use ndo, adü ala ayeke Zimran, Jocshan, Médan,+ Madian, Ishbac na Shuah.+

Amolenge ti Jocshan ayeke Shéba na Dedan.+

33 Amolenge ti Madian ayeke Éphah,+ Épher, Hanok, Abida na Eldaah.

Ala so kue so ayeke amolenge ti Kéturah.

34 Abraham adü Isaac.+ Amolenge ti Isaac ayeke Ésaü+ na Israël.+

35 Amolenge ti Ésaü ayeke Éliphaz, Réuel, Jéush, Jalam na Coré.+

36 Amolenge ti Éliphaz ayeke Téman,+ Omar, Zépho, Gatam, Kénaz, Timna na Amalec.+

37 Amolenge ti Réuel ayeke Nahath, Zérah, Shammah na Mizzah.+

38 Amolenge ti Séir+ ayeke Lotan, Shobal, Zibéon, Anah, Dishon, Ézer na Dishan.+

39 Amolenge ti Lotan ayeke Hori na Homam. Ita ti Lotan ti wali ayeke Timna.+

40 Amolenge ti Shobal ayeke Alvan, Manahath, Ébal, Shépho na Onam.

Amolenge ti Zibéon ayeke Aïah na Anah.+

41 Molenge* ti Anah ayeke Dishon.

Amolenge ti Dishon ayeke Hemdan, Eshban, Ithran na Kéran.+

42 Amolenge ti Ézer+ ayeke Bilhan, Zaavan na Acan.

Amolenge ti Dishan ayeke Uz na Aran.+

43 Agbia so akomande na sese ti Édom+ kozo si mbeni gbia akomande na ndö ti azo ti Israël+ ayeke so: Béla, molenge ti Béor; iri ti gbata ti lo ayeke Dinhabah. 44 Tongana Béla akui, Jobab, molenge ti Zérah zo ti Bozrah,+ akomande na place ti lo. 45 Tongana Jobab akui, Husham, zo ti sese ti azo ti Théman, akomande na place ti lo. 46 Tongana Husham akui, Hadad, molenge ti Bedad so asö benda na ndö ti azo ti Madian na sese ti Moab, akomande na place ti lo. Iri ti gbata ti lo ayeke Avith. 47 Tongana Hadad akui, Samlah, zo ti Masrécah, akomande na place ti lo. 48 Tongana Samlah akui, Shaül, zo ti Réhoboth so ayeke na terê ti Ngu ti Euphrate, akomande na place ti lo. 49 Tongana Shaül akui, Baal-Hanan, molenge ti Akbor, akomande na place ti lo. 50 Tongana Baal-Hanan akui, Hadad akomande na place ti lo. Iri ti gbata ti lo ayeke Paü, nga iri ti wali ti lo ayeke Méhétabel, molenge ti Matrèd so ayeke molenge ti Mézahab. 51 Hadad akui.

Iri ti amokonzi* ti Édom ayeke mokonzi Timna, mokonzi Alvah, mokonzi Jétheth,+ 52 mokonzi Oholibamah, mokonzi Élah, mokonzi Pinon, 53 mokonzi Kénaz, mokonzi Téman, mokonzi Mibzar, 54 mokonzi Magdiel na mokonzi Iram. So ayeke amokonzi ti Édom la.

2 Amolenge ti Israël+ ti koli ayeke Ruben,+ Siméon,+ Lévi,+ Juda,+ Issacar,+ Zabulon,+ 2 Dan,+ Joseph,+ Benjamin,+ Nephtali,+ Gad+ na Aser.+

3 Amolenge ti Juda ti koli ayeke Er, Onan na Shélah. A yeke molenge ti Shua, wali ti sese ti Canaan,+ la si adü amolenge ota so. Me Er, kozo molenge ti Juda, ayeke sioni na lê ti Jéhovah; tongaso Nzapa afâ lo.+ 4 Tamar,+ kogara ti Juda, adü na lo Pérès+ na Zérah. Amolenge ti Juda kue ti koli ayeke oku.

5 Amolenge ti Pérès ti koli ayeke Hesron na Hamul.+

6 Amolenge ti Zérah ti koli ayeke Zimri, Éthan, Héman, Calcol na Dara. Li ti ala kue ayeke oku.

7 Molenge* ti Carmi ti koli ayeke Acar.* Lo la lo ga na ye ti ngangu* na ndö ti Israël,+ ndali ti so lo sara kpengba-li, lo mû ye so a doit ti futi ni.+

8 Molenge* ti Éthan ti koli ayeke Azariah.

9 Amolenge ti Hesron ti koli, so a dü ala na lo, ayeke Jérahméel,+ Ram+ na Kélubaï.*

10 Ram adü Aminadab.+ Aminadab adü Nahshon,+ mokonzi ti ahale ti Juda. 11 Nahshon adü Salma.+ Salma adü Boaz.+ 12 Boaz adü Obed. Obed adü Jessé.+ 13 Jessé adü kozo molenge ti lo Éliab. Use ni ayeke Abinadab,+ ota ni ayeke Shiméa,+ 14 osio ni ayeke Néthanel, oku ni ayeke Raddaï, 15 omene ni ayeke Ozem nga mbasambala ni ayeke David.+ 16 Aita ti ala ti wali ayeke Zéruïah na Abigaïl.+ Amolenge ti Zéruïah ti koli ayeke Abishaï,+ Joab+ na Asahel;+ li ti ala ayeke ota. 17 Abigaïl adü Amasa.+ Babâ ti Amasa ayeke Jéther, zo ti Ismaël.

18 Azubah, wali ti Caleb* so ayeke molenge ti Hesron, nga na Jérioth adü na lo amolenge ti koli. Iri ti amolenge so a dü ala na lo ayeke Jésher, Shobab na Ardon. 19 Na peko ti kuâ ti Azubah, Caleb amû Éphrath+ ti ga wali ti lo, na lo dü na lo Hur.+ 20 Hur adü Uri. Uri adü Bézalel.+

21 Na pekoni Hesron abungbi na molenge ti Makir+ ti wali. Makir ayeke babâ ti Galaad.+ Na ngoi so Hesron ayeke na ngu 60, lo mû molenge ti Makir ti ga wali ti lo, na wali ni adü na lo Segub. 22 Segub adü Jaïr,+ so ayeke na agbata 23 na sese ti Galaad.+ 23 Azo ti Guéshur+ na ti Syrie+ amû kodro ti Havvoth-Jaïr+ na maboko ti azo so asara kodro dä. Ala mû nga kodro ti Kénath+ na akodro so ayeke na gbe ti lo,* agbata 60. Azo ti akodro ni so ayeke ahale ti Makir, babâ ti Galaad.

24 Na peko ti so Hesron+ akui na Caleb-Éphrathah, wali ti lo Abijah adü na lo Ashhur,+ babâ ti Técoa+.

25 Amolenge ti Jérahméel, so ayeke kozo molenge ti Hesron, ayeke Ram, kozo molenge ti lo, na pekoni Bunah, Oren, Ozem na Ahijah. 26 Jérahméel ayeke na mbeni wali so iri ti lo ayeke Atarah. Lo yeke mama ti Onam. 27 Amolenge ti Ram, kozo molenge ti Jérahméel, ayeke Maaz, Jamin na Éker. 28 Amolenge ti Onam ti koli ayeke Shammaï na Jada. Amolenge ti Shammaï ti koli ayeke Nadab na Abishur. 29 Iri ti wali ti Abishur ayeke Abihaïl; Abihaïl adü na lo Ahban na Molid. 30 Amolenge ti Nadab ti koli ayeke Séled na Appaïm. Me Séled akui sân molenge. 31 Molenge* ti Appaïm ti koli ayeke Ishi. Molenge* ti Ishi ti koli ayeke Shéshan, na molenge* ti Shéshan ti koli ayeke Ahlaï. 32 Amolenge ti Jada so ayeke ita ti Shammaï ti koli ayeke Jéther na Jonathan. Me Jéther akui sân molenge. 33 Amolenge ti Jonathan ti koli ayeke Péleth na Zaza. So ayeke ahale ti Jérahméel la.

34 Shéshan adü amolenge ti koli pëpe, me gï amolenge ti wali. Shéshan ayeke na mbeni zo ti kua so ayeke zo ti Égypte. Iri ti lo ayeke Jarha. 35 Shéshan amû molenge ti lo ti wali na Jarha ti ga wali ti lo, na lo dü na lo Attaï. 36 Attaï adü Nathan. Nathan adü Zabad. 37 Zabad adü Éphlal. Éphlal adü Obed. 38 Obed adü Jéhu. Jéhu adü Azariah. 39 Azariah adü Hélez. Hélez adü Éléasah. 40 Éléasah adü Sismaï. Sismaï adü Shallum. 41 Shallum adü Jécamiah. Jécamiah adü Élishama.

42 Amolenge ti Caleb,*+ ita ti Jérahméel, ayeke Mésha, kozo molenge ti lo so ayeke babâ ti Ziph, na amolenge ti Maréshah, babâ ti Hébron. 43 Amolenge ti Hébron ti koli ayeke Coré, Tappuah, Rékem na Shéma. 44 Shéma adü Raham, babâ ti Jorkéam. Rékem adü Shammaï. 45 Molenge ti Shammaï ti koli ayeke Maon. Maon ayeke babâ ti Beth-Zur.+ 46 Éphah so ayeke mbeni wali ti Caleb ti use ndo adü na lo Haran, Moza na Gazez. Haran adü Gazez. 47 Amolenge ti Jahdaï ti koli ayeke Réguem, Jotham, Guéshan, Pélet, Éphah na Shaaph. 48 Maacah so ayeke mbeni wali ti Caleb ti use ndo adü Shéber na Tirhanah. 49 A si na mbeni ngoi, lo dü Shaaph babâ ti Madmannah,+ Shéva babâ ti Macbénah nga na Guibéah.+ Iri ti molenge ti Caleb+ ti wali ayeke Acsah.+ 50 So ayeke ahale ti Caleb la.

Amolenge ti Hur,+ kozo molenge ti Éphrathah+ ayeke Shobal, kotara ti azo ti Kiriath-Jéarim,+ 51 Salma, kotara ti azo ti Bethléhem,+ nga na Hareph, kotara ti azo ti Beth-Gader. 52 Amolenge ti Shobal, kotara ti azo ti Kiriath-Jéarim, ayeke Haroéh nga na ndambo ti azo ti Ménuhoth. 53 Amara so abungbi si aga azo ti Kiriath-Jéarim ayeke azo ti Ithri,+ ti Puthi, ti Shumathi nga na ti Mishraï. Azo ti Zora+ nga na ti Eshtaol+ abâ gigi na lege ti amara so. 54 Azo so asara kodro na Bethléhem,+ na Nétopha nga na Atroth-Beth-Joab ayeke ahale ti Salma. Azo ti Zora nga na ndambo ti azo so asara kodro na Manahath ayeke nga ahale ti Salma. 55 Amara so ayeke awakuasu so asara kodro na Jabez ayeke azo ti Tiréathi, ti Shimathi nga na ti Sucathi. Azo so ayeke azo ti mara ti Kéni+ so abâ gigi na lege ti Hammath, kotara ti ahale ti Récab.+

3 So ayeke amolenge ti David ti koli so a dü ala na Hébron:+ kozo molenge ni ayeke Amnon,+ so mama ti lo ayeke Ahinoam,+ zo ti Jizréel; use ni ayeke Daniel, so mama ti lo ayeke Abigaïl+ zo ti Carmel; 2 ota molenge ni ayeke Absalom,+ mama ti lo ayeke Maacah, molenge ti Talmaï, gbia ti kodro ti Guéshur; osio molenge ni ayeke Adonijah,+ so mama ti lo ayeke Hagguith; 3 oku molenge ni ayeke Shéphatiah, so mama ti lo ayeke Abital nga omene molenge ni ayeke Ithréam, so mama ti lo ayeke Églah, wali ti David. 4 A dü amolenge omene so na lo na Hébron. Na Hébron, lo komande ngu 7 na nze 6; nga na Jérusalem,+ lo komande ngu 33.

5 Iri ti amolenge so lo dü ala na Jérusalem+ ayeke: Shiméa, Shobab, Nathan+ na Salomon.+ Mama ti amolenge osio so ayeke Bath-Shéba,+ molenge ti Ammiel. 6 Ambeni molenge ti lo gumbaya ayeke: Ibhar, Élishama, Éliphélet, 7 Nogah, Népheg, Japhia, 8 Élishama, Éliada na Éliphélet. 9 David la adü amolenge so kue, nde na ala so awali ti lo ti use ndo adü ala na lo. Iri ti ita ti ala ti wali ayeke Tamar.+

10 Salomon adü Roboam,+ Roboam adü Abijah,+ Abijah adü Asa,+ Asa adü Josaphat,+ 11 Josaphat adü Joram,+ Joram adü Achaziah,+ Achaziah adü Joas,+ 12 Joas adü Amasiah,+ Amasiah adü Azariah,+ Azariah adü Jotham,+ 13 Jotham adü Achaz,+ Achaz adü Ézéchias,+ Ézéchias adü Manassé,+ 14 Manassé adü Amon, na Amon+ adü Josias.+ 15 Amolenge ti Josias ti koli ayeke so: kozo molenge ni ayeke Johanan, use ni ayeke Jéhoïakim,+ ota ni ayeke Sédécias+ na osio ni ayeke Shallum. 16 Jéhoïakim adü Jéconias,+ na Jéconias adü Sédécias. 17 Amolenge ti Jéconias, lo so asara kanga, ayeke Shéaltiel, 18 Malkiram, Pédaïah, Shénazzar, Jécamiah, Hoshama na Nédabiah. 19 Pédaïah adü Zorobabel+ na Shiméï; Zorobabel adü Méshullam na Hananiah (iri ti ita ti ala ti wali ayeke Shélomith). 20 Ambeni molenge ti lo oku ayeke Hashubah, Ohel, Bérékiah, Hasadiah na Jushab-Hésèd. 21 Amolenge ti Hananiah ayeke Pélatiah na Jéshaïah; molenge* ti Jéshaïah ayeke Réphaïah; molenge* ti Réphaïah ayeke Arnan; molenge* ti Arnan ayeke Abdias; molenge* ti Abdias ayeke Shécaniah. 22 Amolenge ti Shécaniah ayeke Shémaïah na amolenge ti Shémaïah ni so ayeke Hattush, Igal, Bariah, Néariah na Shaphat. Ala kue ayeke omene. 23 Néariah adü amolenge ota: Élioénaï, Hizkiah na Azricam. 24 Élioénaï adü amolenge mbasambala: Hodaviah, Éliashib, Pélaïah, Accub, Johanan, Délaïah na Anani.

4 Juda adü Pérès,+ Hesron,+ Carmi, Hur+ na Shobal.+ 2 Réaïah molenge ti Shobal adü Jahath; Jahath adü Ahumaï na Lahad. Azo so la azo ti mara ti Zora+ abâ gigi na lege ti ala. 3 Ahale ti kotara* ti azo ti Étam+ ayeke: Jizréel, Ishma na Idbash (iri ti ita ti ala ti wali ayeke Hazzelelponi). 4 Penuel adü Guédor, na Ézer adü Hushah. Azo so ayeke amolenge ti Hur,+ so ayeke kozo molenge ti Éphrathah nga kotara ti azo ti Bethléhem.+ 5 Ashhur,+ kotara ti azo ti Técoa,+ ayeke na awali use: Hélah na Naarah. 6 Naarah adü na lo Ahuzzam, Hépher, Téméni na Haahashtari. Azo so ayeke amolenge ti Naarah. 7 Hélah adü Zéreth, Izhar na Éthnan. 8 Koz adü Anub na Zobébah. Ahale ti Aharhel, molenge ti Harum, abâ gigi na lege ti Koz.

9 Jabez la a ne lo mingi ahon aita ti lo ti koli. Mama ti lo azia iri ti lo Jabez* ndali ti so lo tene: “Mbi bâ pasi si mbi dü lo.” 10 Jabez atoto na Nzapa ti Israël, lo tene: “Zia si mo iri tënë nzoni na ndö ti mbi, nga mo sara si sese ti mbi akono. Mbi ye nga si mo zia maboko ti mo na ndö ti mbi na mo bata mbi yongoro na ye ti ngangu, tongaso si ye ti sioni asi na mbi pëpe!” Tongaso, Nzapa asara na lo ye so lo hunda.

11 Kélub, ita ti Shuhah, adü Méhir so ayeke babâ ti Eshton. 12 Eshton adü Beth-Rapha, Paséah na Téhinnah so ayeke kotara ti azo ti Ir-Nahash. Azo so ayeke azo ti Récah. 13 Amolenge ti Kénaz ayeke Othniel+ na Séraïah; molenge* ti Othniel ayeke Hathath. 14 Méonothaï adü Ophrah. Séraïah adü Joab so ayeke kotara ti azo ti Gué-Harashim.* A iri ala tongaso ndali ti so ala hinga ti sara kua ti maboko nzoni.

15 Caleb+ molenge ti Jéphunnéh adü Iru, Élah na Naam. Molenge* ti Élah ayeke Kénaz.* 16 Jéhallelel adü Ziph, Ziphah, Tiria na Asarel. 17 Ezrah adü Jéther, Mérèd, Épher na Jalon. Wali ti lo* amû ngo adü Miriam, Shammaï na Ishbah, so ayeke kotara ti azo ti kodro ti Eshtémoa. 18 (Wali ti lo so ayeke Juif adü Jérèd, kotara ti azo ti Guédor; lo dü nga Héber, kotara ti azo ti Soco na Jécuthiel, kotara ti azo ti Zanoah.) So ayeke amolenge ti Bithiah, molenge ti Pharaon, so Mérèd amû lo ti ga wali ti lo.

19 Amolenge ti wali ti Hodiah, ita ti Naham, ayeke akotara ti azo ti Kéïlah so ayeke azo ti Garmi nga na akotara ti azo ti Eshtémoa so ayeke azo ti Maaca. 20 Shimon adü Amnon, Rinnah, Ben-Hanan na Tilon. Ishi adü Zoheth na Ben-Zoheth.

21 Shélah+ molenge ti Juda adü Er, kotara ti azo ti Lécah. Lo dü nga Laadah, babâ ti Maréshah. Asewa ti azo so ayeke sara apendere tissu, so ayeke ahale ti Ashbéa, ayeke nga ahale ti Shélah. 22 Jokim, azo ti Cozéba, Joash na Saraph, so amû awali ti kodro ti Moab, ayeke nga ahale ti Shélah. Jashubi-Léhem ayeke nga mbeni hale ti lo. A sû tënë so na mbeti ândö giriri.* 23 Ala yeke azo ti sarango ata. Ala sara kodro na Nétaïm nga na Guédérah. Ala sara kodro kâ nga ala sara kua na gbia.

24 Siméon+ adü Némuel, Jamin, Jarib, Zérah na Shaül.+ 25 Shaül adü Shallum, Shallum adü Mibsam, na Mibsam adü Mishma. 26 Mishma adü Hammuel, Hammuel adü Zaccur, na Zaccur adü Shiméï. 27 Shiméï adü amolenge-koli 16 nga na amolenge-wali 6. Me aita ti lo ti koli adü amolenge mingi pëpe, nga amolenge-koli ti yâ ti afami ti ala ayeke gbani tongana ti amolenge-koli ti mara ti Juda pëpe.+ 28 Ala sara kodro na Béer-Shéba,+ na Moladah,+ na Hazar-Shual,+ 29 na Bilhah, na Ézem,+ na Tolad, 30 na Béthuel,+ na Hormah,+ na Ziclag,+ 31 na Beth-Marcaboth, na Hazar-Susim,+ na Beth-Biri nga na Shaaraïm. Ala sara kodro na yâ ti agbata so juska na ngoi ti komandema ti David.

32 Ala sara kodro na yâ ti agbata oku: Étam, Aïn, Rimmon, Token na Ashan.+ 33 Ala sara nga kodro na ando kue so angoro agbata so nga juska na Baal. A sû iri ti ala na mbeti alingbi na molongo ti akotara ti ala nga na ando so ala sara kodro dä: 34 Ambeni hale ti Siméon ayeke: Méshobab, Jamlek, Joshah molenge ti Amasiah, 35 Joël, Jéhu molenge ti Joshibiah so ayeke molenge ti Séraïah, na Séraïah ayeke molenge ti Asiel; 36 Élioénaï, Jaacobah, Jéshohaïah, Asaïah, Adiel, Jésimiel, Bénaïah, 37 na Ziza molenge ti Shiphi. Shiphi adü Allon, Allon adü Jédaïah, Jédaïah adü Shimri, na Shimri adü Shémaïah. 38 Azo so a fa iri ti ala ge so ayeke lani amokonzi na ndö ti ahale ti babâ ti ala, nga wungo ti ahale ti akotara ti ala ague na li ni. 39 Ala gue na yanga ti gbata ti Guédor, na terê ti popo-hoto na mbage ti est, ti gi pere ndali ti anyama ti ala. 40 Ala gue ngbii ala wara apendere ndo ti pere, na ndo ni akono nga adë. Azo so asara kodro na ndo ni so kozo ayeke ahale ti Cham.+ 41 Azo so a sû iri ti ala na mbeti aga na ngoi ti komandema ti Ézéchias+ gbia ti Juda, na ala kungbi atente ti ahale ti Cham, nga ala fâ azo ti Maon so asara kodro kâ. Ala fâ ala kue, a sara si juska laso a bâ ala encore ape. Ala sara kodro na place ti azo ni ndali ti so apendere pere ti tene anyama ti ala ate ayeke dä.

42 Azo 500 so ayeke azo ti mara ti Siméon ague na Hoto ti Séir.+ Ala na amolenge ti Ishi so ayeke Pélatiah, Néariah, Réphaïah na Uzziel la ague. Amolenge ti Ishi la afa lege na ala. 43 Ala fâ tanga ti azo ti Amalec+ so akpe lani, na ala sara kodro kâ juska laso.

5 Tënë ti amolenge ti Ruben,+ kozo molenge ti Israël. Lo yeke kozo molenge ni, me so lo sara si gbogbo ti babâ ti lo aga sioni,*+ a mû droit ti lo ti kozo molenge na amolenge ti Joseph,+ so ayeke molenge ti Israël. Ni la, a sû iri ti lo pëpe na popo ti molongo ti iri ti azo so ayeke na droit ti kozo molenge. 2 Atâa so Juda+ la ayeke kota ahon aita ti lo, nga a yeke na lege ti lo la zo so ayeke komande ayeke bâ gigi,+ a mû droit ti kozo molenge na Joseph. 3 Amolenge ti Ruben, kozo molenge ti Israël, ayeke Hanok, Pallu, Hesron na Carmi.+ 4 Amolenge ti Joël ayeke Shémaïah, Shémaïah adü Gog, Gog adü Shiméï, 5 Shiméï adü Michée, Michée adü Réaïah, Réaïah adü Baal 6 na Baal adü Beérah. Lo la Tilgath-Pilnéser+ gbia ti Assyrie agbu lo ague na lo na kodro-wande. Lo yeke lani mokonzi ti azo ti mara ti Ruben. 7 A sû iri ti aita ti Beérah ti koli alingbi na molongo ti asewa ti ala nga na ahale ti ala: Jéïel, mokonzi ti ala, nga Zacharie, 8 Béla molenge ti Azaz, Azaz molenge ti Shéma, na Shéma molenge ti Joël. Ahale ti Béla asara kodro a komanse na Aroër+ juska na Nébo nga na Baal-Méon.+ 9 Na mbage ti est, ala sara kodro juska na yanga ti benyama so ayeke na terê ti Ngu ti Euphrate,+ ndali ti so na sese ti Galaad+ anyama ti ala aga gbani gbani. 10 Na ngoi ti komandema ti Saül, ala sara bira na azo ti Hagar na ala sö benda na ndö ti ala. Na pekoni ala lango na yâ ti atente ti ala na ando kue so ayeke na mbage ti est ti Galaad.

11 Ahale ti Gad asara kodro na terê ti ala a komanse na sese ti Basan juska na Salécah.+ 12 Joël la ayeke mokonzi, na Shapham ayeke use zo na peko ti lo. Janaï na Shaphat ayeke nga akota zo na Basan. 13 Aita ti ala so ala na ala ayeke afami ayeke mbasambala: Michel, Méshullam, Shéba, Joraï, Jacan, Zia nga na Éber. 14 Ala kue ayeke amolenge ti Abihaïl. Abihaïl ayeke molenge ti Huri, Huri ayeke molenge ti Jaroah, Jaroah ayeke molenge ti Galaad, Galaad ayeke molenge ti Michel, Michel ayeke molenge ti Jéshishaï, Jéshishaï ayeke molenge ti Jahdo, Jahdo ayeke molenge ti Buz. 15 Ahi la ayeke mokonzi na ndö ti ahale ti kotara ti ala Abihaïl. Ahi ayeke molenge ti Abdiel, so ayeke molenge ti Guni. 16 Ala sara kodro na Galaad,+ na Basan,+ na akodro so ayeke na gbe ti Basan* nga na ando kue so anyama ayeke te pere dä so ayeke na sese ti Saron. 17 A yeke na ngoi ti komandema ti Jotham+ gbia ti Juda nga na ti Jéroboam,*+ gbia ti Israël, la a sû iri ti ala kue na mbeti alingbi na molongo ti akotara ti ala.

18 Azo ti mara ti Ruben, ti Gad nga na ndambo ti mara ti Manassé ayeke na angangu turugu 44 760 so ayeke na vala, épée nga na kokora.* A fa na ala akpengba kode ti sarango bira. 19 Ala sara bira na azo ti Hagar,+ ti Jétur, ti Naphish+ nga na ti Nodab. 20 Na ngoi so ala yeke tiri bira na azo ti Hagar nga na azo kue so amû peko ti ala, Nzapa amû maboko na ala ti sö benda na ndö ti azo ni, ndali ti so ala zia bê ti ala na Nzapa nga ala toto na lo ti mû maboko na ala, na lo mä ala.+ 21 Ala gbu anyama ti azo ni: achameau 50 000, ataba 250 000 nga na akororo 2 000. Ala gbu nga azo* 100 000. 22 Azo mingi akui, ndali ti so tâ Nzapa la asara bira ni.+ Ala sara kodro na place ti azo ni juska na ngoi so a gbu ala a gue na ala na kodro-wande.+

23 Ahale ti ndambo ti mara ti Manassé+ asara kodro na ndo ni a komanse na Basan juska na Baal-Hermon, Sénir nga na Hoto ti Hermon.+ Ala yeke gbani gbani. 24 Azo so ayeke amokonzi ti ahale ti akotara ti ala ayeke: Épher, Ishi, Éliel, Azriel, Jérémie, Hodaviah na Jahdiel. Ala yeke angangu turugu, azo so iri ti ala awu nga amokonzi na ndö ti ahale ti babâ ti ala. 25 Me ala yeke be-ta-zo pëpe na Nzapa ti akotara ti ala nga ala sara ndumba na anzapa ti azo ti kodro ni,+ azo so Nzapa afuti ala na gbele ala. 26 Tongaso, Nzapa ti Israël apusu Pul gbia ti Assyrie+ (so ti tene, Tilgath-Pilnéser+ gbia ti Assyrie) ti mû azo ti mara ti Ruben, ti Gad nga na ndambo ti mara ti Manassé ti gue na ala na Halah, na Habor, na Hara nga na terê ti ngu ti Gozan.+ Ala ngbâ kâ juska laso.

6 Amolenge ti Lévi+ ayeke Guershon, Kohath+ na Mérari.+ 2 Amolenge ti Kohath ti koli ayeke Amram, Izhar,+ Hébron na Uzziel.+ 3 Amolenge ti Amram+ ayeke Aaron,+ Moïse+ nga na Miriam.+ Amolenge ti Aaron ti koli ayeke Nadab, Abihu,+ Éléazar+ na Ithamar.+ 4 Éléazar adü Phinéhas,+ na Phinéhas adü Abishua. 5 Abishua adü Bukki, na Bukki adü Uzzi. 6 Uzzi adü Zérahiah, na Zérahiah adü Méraïoth. 7 Méraïoth adü Amariah, na Amariah adü Ahitub.+ 8 Ahitub adü Zadoc,+ na Zadoc adü Ahimaaz.+ 9 Ahimaaz adü Azariah, na Azariah adü Johanan. 10 Johanan adü Azariah. Azariah la asara kua ti prêtre na yâ ti da so Salomon aleke na Jérusalem.

11 Azariah adü Amariah, na Amariah adü Ahitub. 12 Ahitub adü Zadoc,+ na Zadoc adü Shallum. 13 Shallum adü Hilkiah,+ na Hilkiah adü Azariah. 14 Azariah adü Séraïah,+ na Séraïah adü Jéhozadac.+ 15 A mû Jéhozadac a gue na lo na kodro-wande na ngoi so Jéhovah azia azo ti Juda na ti Jérusalem na maboko ti Nébucadnezzar si lo gue na ala na kodro-wande.

16 Amolenge ti Lévi ti koli ayeke Guershom,* Kohath na Mérari. 17 Amolenge ti Guershom ti koli ayeke: Libni na Shiméï.+ 18 Amolenge ti Kohath ti koli ayeke Amram, Izhar, Hébron na Uzziel.+ 19 Amolenge ti Mérari ti koli ayeke Mahli na Mushi.

Asewa ti azo ti mara ti Lévi alingbi na iri ti akotara ti ala+ ayeke so: 20 Guershom+ adü Libni, Libni adü Jahath, Jahath adü Zimmah, 21 Zimmah adü Joah, Joah adü Iddo, Iddo adü Zérah na Zérah adü Jéathéraï. 22 Kohath adü* Aminadab, Aminadab adü Coré,+ Coré adü Assir, 23 Assir adü Elcanah, Elcanah adü Ébiasaph,+ Ébiasaph adü Assir, 24 Assir adü Tahath, Tahath adü Uriel, Uriel adü Ozias, na Ozias adü Shaül. 25 Elcanah adü Amasaï na Ahimoth. 26 Elcanah adü Zophaï, Zophaï adü Nahath, 27 Nahath adü Éliab, Éliab adü Jéroham, na Jéroham adü Elcanah.+ 28 Kozo molenge ti Samuel+ ayeke Joël, use ni ayeke Abijah.+ 29 Mérari adü* Mahli, Mahli+ adü Libni, Libni adü Shiméï, Shiméï adü Uzzah, 30 Uzzah adü Shiméa, Shiméa adü Hagguiah, na Hagguiah adü Asaïah.

31 David azia ambeni zo ti mû li ni na ndö ti azo ti hengo bia na da ti Jéhovah na peko ti so a ga na Sanduku si a zia ni na yâ ti da ni.+ 32 Azo so la abâ lani lege ti hengo bia na tabernacle, wala tente ti bungbi, juska na ngoi so Salomon aleke da ti Jéhovah na Jérusalem.+ Ala sara akua so a fa na ala ti sara.+ 33 Akoli so ala na amolenge ti ala ti koli la asara kua ni, so ayeke ahale ti Kohath, ayeke: Héman+ zo ti hengo bia. Lo yeke molenge ti Joël,+ Joël ayeke molenge ti Samuel, 34 Samuel ayeke molenge ti Elcanah,+ Elcanah ayeke molenge ti Jéroham, Jéroham ayeke molenge ti Éliel, Éliel ayeke molenge ti Toah, 35 Toah ayeke molenge ti Zuph, Zuph ayeke molenge ti Elcanah, Elcanah ayeke molenge ti Mahath, Mahath ayeke molenge ti Amasaï, 36 Amasaï ayeke molenge ti Elcanah, Elcanah ayeke molenge ti Joël, Joël ayeke molenge ti Azariah, Azariah ayeke molenge ti Sophonie, 37 Sophonie ayeke molenge ti Tahath, Tahath ayeke molenge ti Assir, Assir ayeke molenge ti Ébiasaph, Ébiasaph ayeke molenge ti Coré, 38 Coré ayeke molenge ti Izhar, Izhar ayeke molenge ti Kohath, Kohath ayeke molenge ti Lévi, na Lévi ayeke molenge ti Israël.

39 Ita ti lo Asaph+ aluti na terê ti lo na mbage ti koli. Asaph ayeke molenge ti Bérékiah, Bérékiah ayeke molenge ti Shiméa, 40 Shiméa ayeke molenge ti Michel, Michel ayeke molenge ti Baaséïah, Baaséïah ayeke molenge ti Malkijah, 41 Malkijah ayeke molenge ti Ethni, Ethni ayeke molenge ti Zérah, Zérah ayeke molenge ti Adaïah, 42 Adaïah ayeke molenge ti Éthan, Éthan ayeke molenge ti Zimmah, Zimmah ayeke molenge ti Shiméï, 43 Shiméï ayeke molenge ti Jahath, Jahath ayeke molenge ti Guershom, na Guershom ayeke molenge ti Lévi.

44 Ahale ti ita ti ala Mérari+ ayeke na terê ti ala na mbage ti wali. A yeke wara Éthan,+ molenge ti Kishi; Kishi ayeke molenge ti Abdi, Abdi ayeke molenge ti Malluk, 45 Malluk ayeke molenge ti Hashabiah, Hashabiah ayeke molenge ti Amasiah, Amasiah ayeke molenge ti Hilkiah, 46 Hilkiah ayeke molenge ti Amzi, Amzi ayeke molenge ti Bani, Bani ayeke molenge ti Shémer, 47 Shémer ayeke molenge ti Mahli, Mahli ayeke molenge ti Mushi, Mushi ayeke molenge ti Mérari, na Mérari ayeke molenge ti Lévi.

48 A zia aita ti ala azo ti mara ti Lévi* ti sara akua kue ti tabernacle, so ti tene da ti tâ Nzapa.+ 49 Aaron na amolenge ti lo+ azö asandaga na ndö ti gbalaka ti asandaga so a zö ni agbi kue+ nga na ndö ti gbalaka ti zongo dukane.+ Ala sara akua so andu aye so ayeke nzoni kue kue kue ti tene a zi siokpari ti azo ti Israël,+ a lingbi na aye kue so Moïse, wakua ti tâ Nzapa, afa. 50 Ahale ti Aaron+ ayeke: molenge ti lo Éléazar;+ Éléazar adü Phinéhas, Phinéhas adü Abishua, 51 Abishua adü Bukki, Bukki adü Uzzi, Uzzi adü Zérahiah, 52 Zérahiah adü Méraïoth, Méraïoth adü Amariah, Amariah adü Ahitub,+ 53 Ahitub adü Zadoc,+ na Zadoc adü Ahimaaz.

54 Tënë ti ando so a mû na azo ti mara ti Lévi ti tene ala sara kodro dä, a lingbi na acamp ti ala,* ayeke tongaso: ahale ti Aaron so ayeke na yâ ti sewa ti Kohath la awara ti ala kozo, ndali ti so ye so a sara ti mû sese na azo ti mara ti Lévi atï na ndö ti iri ti ala kozo. 55 A mû na ala gbata ti Hébron,+ so ayeke na sese ti azo ti mara ti Juda, nga na ando ti tengo pere ti anyama so angoro ni. 56 Me ndo ti fango yaka ti gbata ni nga na akete kodro ni, a mû ni na Caleb,+ molenge ti Jéphunnéh. 57 A mû na ahale ti Aaron agbata* ti batango terê dä:+ Hébron,+ Libnah+ na ando ti tengo pere ti anyama so angoro ni, Jattir,+ Eshtémoa na ando ti tengo pere ti anyama so angoro ni,+ 58 Hilen na ando ti tengo pere ti anyama so angoro ni, Debir+ na ando ti tengo pere ti anyama so angoro ni, 59 Ashan+ na ando ti tengo pere ti anyama so angoro ni nga na Beth-Shémesh+ na ando ti tengo pere ti anyama so angoro ni. 60 Na sese ti azo ti mara ti Benjamin, a mû na ala Guéba+ na ando ti tengo pere ti anyama so angoro ni, Alémeth na ando ti tengo pere ti anyama so angoro ni nga Anathoth+ na ando ti tengo pere ti anyama so angoro ni. Agbata kue so a mû na ala na asewa ti ala ayeke 13.+

61 A mû na* tanga ti ahale ti Kohath agbata bale-oko so ayeke na sese ti azo ti mbeni mara, na sese ti ndambo ti mbeni mara, so ti tene ndambo ti mara ti Manassé.+

62 Ahale ti Guershom, na lege ti asewa ti ala, awara agbata 13 so ayeke na sese ti azo ti mara ti Issacar, ti mara ti Aser, ti mara ti Nephtali nga na ti mara ti Manassé, so ayeke na sese ti Basan.+

63 Ahale ti Mérari, na lege ti asewa ti ala, awara agbata 12 so ayeke na sese ti azo ti mara ti Ruben, ti mara ti Gad nga na ti mara ti Zabulon.+

64 A yeke tongaso si azo ti Israël amû na azo ti mara ti Lévi agbata so nga na ando ti tengo pere ti anyama so angoro ni.+ 65 Azo ti Israël abi mbeni ye ti tene atï na ndö ti azo ti mara ti Lévi so a doit ti mû na ala agbata ni. Na pekoni a mû na ala agbata so a fa iri ni so, so ayeke na sese ti azo ti mara ti Juda, ti Siméon nga na ti Benjamin.

66 Ambeni zo ti sewa ti Kohath awara ti ala agbata ni na sese ti azo ti mara ti Éphraïm.+ 67 Azo ti mara ti Éphraïm amû na ala agbata* ti batango zo: gbata ti Sichem+ nga na ando ti tengo pere ti anyama so angoro ni so ayeke na ando so ahoto ayeke dä na sese ti Éphraïm, Guézer+ nga na ando ti tengo pere ti anyama so angoro ni, 68 Jocméam nga na ando ti tengo pere ti anyama so angoro ni, Beth-Horon+ nga na ando ti tengo pere ti anyama so angoro ni, 69 Aijalon+ nga na ando ti tengo pere ti anyama so angoro ni, nga na Gath-Rimmon+ na ando ti tengo pere ti anyama so angoro ni. 70 Na sese ti ndambo ti mara ti Manassé, a mû na tanga ti azo ti sewa ti Kohath gbata ti Aner nga na ando ti tengo pere ti anyama so angoro ni, na Biléam nga na ando ti tengo pere ti anyama so angoro ni.

71 Ti azo ti sewa ti Guershom, a mû na ala agbata na sese so ndambo ti mara ti Manassé asara kodro dä: gbata ti Golan,+ so ayeke na Basan na ando ti tengo pere ti anyama so angoro ni, Ashtaroth nga na ando ti tengo pere ti anyama so angoro ni.+ 72 Na sese ti azo ti mara ti Issacar, a mû na ala gbata ti Kédesh nga na ando ti tengo pere ti anyama so angoro ni, Dabérath+ nga na ando ti tengo pere ti anyama so angoro ni,+ 73 Ramoth nga na ando ti tengo pere ti anyama so angoro ni, Anem nga na ando ti tengo pere ti anyama so angoro ni. 74 Na sese ti azo ti mara ti Aser, a mû na ala Mashal nga na ando ti tengo pere ti anyama so angoro ni, Abdon nga na ando ti tengo pere ti anyama so angoro ni,+ 75 Hucoc nga na ando ti tengo pere ti anyama so angoro ni, Réhob+ nga na ando ti tengo pere ti anyama so angoro ni. 76 Na sese ti azo ti mara ti Nephtali, a mû na ala Kédesh+ nga na ando ti tengo pere ti anyama so angoro ni so ayeke na sese ti Galilée,+ Hammon nga na ando ti tengo pere ti anyama so angoro ni, na Kiriathaïm nga na ando ti tengo pere ti anyama so angoro ni.

77 Ti tanga ti azo ti sewa ti Mérari, a mû na ala agbata na sese ti azo ti mara ti Zabulon:+ Rimmono nga na ando ti tengo pere ti anyama so angoro ni, na Tabor nga na ando ti tengo pere ti anyama so angoro ni. 78 Na sese ti azo ti mara ti Ruben, na mbage ti est ti Ngu ti Jourdain so ayeke na terê ti Jéricho, a mû na ala Bézer so ayeke na yâ ti benyama nga na ando ti tengo pere ti anyama so angoro ni, Jahaz+ nga na ando ti tengo pere ti anyama so angoro ni, 79 Kédémoth+ nga na ando ti tengo pere ti anyama so angoro ni, Méphaath nga na ando ti tengo pere ti anyama so angoro ni. 80 Na sese ti azo ti mara ti Gad, a mû na ala Ramoth nga na ando ti tengo pere ti anyama so angoro ni so ayeke na Galaad, Mahanaïm+ nga na ando ti tengo pere ti anyama so angoro ni, 81 Hesbon+ nga na ando ti tengo pere ti anyama so angoro ni, na Jazer+ nga na ando ti tengo pere ti anyama so angoro ni.

7 Issacar adü amolenge ti koli osio: Tola, Puah, Jashub na Shimron.+ 2 Amolenge ti Tola ti koli ayeke Uzzi, Réphaïah, Jériel, Jahmaï, Ibsam na Shémuel; ala la ayeke amokonzi ti ahale ti akotara ti ala. Ambeni hale ti Tola ayeke angangu turugu so wungo ti ala na ngoi ti komandema ti David ayeke 22 600. 3 Ahale* ti Uzzi ayeke Izrahiah na amolenge ti lo ti koli Michel, Abdias, Joël na Isshiah; ala oku kue ayeke amokonzi.* 4 Wungo ti aturugu ti ala so alingbi ti gue ti sara bira, so a diko ala alingbi na molongo ti ahale ti akotara ti ala, ayeke 36 000, ndali ti so ala yeke na gbâ ti awali na gbâ ti amolenge ti koli. 5 Aita ti ala, so ala kue ayeke azo ti mara ti Issacar, ayeke angangu turugu. A sû iri ti ala na mbeti, na wungo ti ala ayeke 87 000.+

6 Benjamin+ adü amolenge ti koli ota: Béla,+ Béker+ na Jédiaël.+ 7 Amolenge ti Béla ti koli ayeke oku: Ezbon, Uzzi, Uzziel, Jérimoth na Iri. Ala yeke amokonzi ti ahale ti akotara ti ala, angangu turugu, nga wungo ti ahale ti ala so a sû iri ti ala na mbeti ayeke 22 034.+ 8 Amolenge ti Béker ti koli ayeke Zémirah, Joas, Éliézer, Élioénaï, Omri, Jérémoth, Abijah, Anathoth na Alémeth; ala so kue ayeke amolenge ti Béker. 9 A sû iri ti ala na mbeti alingbi na akotara ti ala nga na amokonzi ti ahale ti akotara ti ala. Wungo ti ala ayeke 20 200, na ala yeke angangu turugu. 10 Amolenge ti Jédiaël+ ti koli ayeke Bilhan na amolenge ti Bilhan ayeke Jéush, Benjamin, Éhud, Kénaanah, Zéthan, Tarsis na Ahishahar. 11 Ala so kue ayeke amolenge ti Jédiaël. Wungo ti angangu turugu ti ala so alingbi ti gue ti sara bira, so a sû iri ti ala na mbeti alingbi na amokonzi ti ahale ti babâ ti ala, ayeke 17 200.

12 Azo ti Shuppim na ti Huppim* ayeke ahale ti Ir;+ azo ti Hushim ayeke ahale ti Aher.

13 Amolenge ti Nephtali+ ayeke Jahziel, Guni, Jézer na Shallum. Ala yeke ahale* ti Bilhah.+

14 Mbeni molenge ti Manassé+ ti koli ayeke Asriel, so mbeni wali ti lo ti use ndo, zo ti kodro ti Syrie, adü na lo. (Wali ni adü Makir,+ babâ ti Galaad. 15 Makir amû wali amû na Huppim nga na Shuppim, na iri ti ita ti lo ti wali ayeke Maacah.) Iri ti use molenge ti Manassé ayeke Zélophéhad,+ me Zélophéhad adü gï amolenge ti wali.+ 16 Maacah so ayeke wali ti Makir adü na lo mbeni molenge ti koli, na lo zia iri ti lo Péresh. Iri ti ita ti lo ti koli ayeke Shéresh; amolenge ti lo ti koli ayeke Ulam na Rékem. 17 Molenge* ti Ulam ayeke Bedan. Azo so kue ayeke ahale ti Galaad, molenge ti Makir so ayeke molenge ti Manassé. 18 Iri ti ita ti lo ti wali ayeke Hammoléketh. Hammoléketh adü Ishhod, Abiézer na Mahlah. 19 Amolenge ti Shémida ti koli ayeke Ahian, Sichem, Likhi na Aniam.

20 Éphraïm+ adü Shuthélah,+ Shuthélah adü Bérèd, Bérèd adü Tahath, Tahath adü Éléadah, Éléadah adü Tahath, 21 Tahath adü Zabad, na Zabad adü Shuthélah. Éphraïm adü nga Ézer na Éléad. Azo ti gbata ti Gath+ so a dü ala na kodro ni afâ Ézer na Éléad, ndali ti so ala gue kâ ti mû anyama ti ala. 22 Babâ ti ala Éphraïm atoto ala alango mingi, nga aita ti lo ti koli ague lakue na terê ti lo ti dë bê ti lo. 23 Na pekoni, lo bungbi na wali ti lo, na wali ni amû ngo adü molenge ti koli. Me Éphraïm azia iri ti molenge ni Bériah* ndali ti so wali ni adü lo na mbeni ngoi so ye ti ngangu asi na yâ ti sewa ti lo. 24 Molenge ti lo ti wali ayeke Shéérah, lo so aleke Beth-Horon ti gbe ni+ nga na ti nduzu,+ nga na Uzzen-Shéérah. 25 Éphraïm adü Réphah na Résheph,* Résheph adü Télah, Télah adü Tahan, 26 Tahan adü Ladan, Ladan adü Ammihud, Ammihud adü Élishama, 27 Élishama adü Nun na Nun adü Josué.*+

28 Sese so a mû na ala nga na ando so ala sara kodro dä ayeke Béthel na akodro so ayeke na gbe ti Béthel,*+ Naaran na mbage ti est, Guézer na mbage ti ouest nga na akodro so ayeke na gbe ti lo, Sichem nga na akodro so ayeke na gbe ti lo, a gue juska na Ayyah* nga na akodro so ayeke na gbe ti lo. 29 Ala sara kodro nga nduru na terê ti ahale ti Manassé na gbata ti Beth-Shéan+ nga na akodro so ayeke na gbe ti lo, na Taanak+ nga na akodro so ayeke na gbe ti lo, na Méguiddo+ nga na akodro so ayeke na gbe ti lo, na Dor+ nga na akodro so ayeke na gbe ti lo. A yeke na yâ ti agbata so la ahale ti Joseph, molenge ti Israël, asara kodro dä.

30 Amolenge ti Aser ayeke Imnah, Ishvah, Ishvi na Bériah;+ ita ti ala ti wali ayeke Sérah.+ 31 Amolenge ti Bériah ayeke Héber na Malkiel so ayeke babâ ti Birzaïth. 32 Héber adü Japhlet, Shomer na Hotham; lo dü nga Shua, ita ti ala ti wali. 33 Amolenge ti Japhlet ayeke Pasak, Bimhal na Ashvath. So ayeke amolenge ti Japhlet la. 34 Amolenge ti Shémer* ti koli ayeke Ahi, Rohgah, Jéhubbah na Aram. 35 Amolenge ti Hélem,* ita ti Shémer, ayeke Zophah, Imna, Shélesh na Amal. 36 Amolenge ti Zophah ti koli ayeke Suah, Harnépher, Shual, Béri, Imrah, 37 Bézer, Hod, Shamma, Shilshah, Ithran na Beéra. 38 Amolenge ti Jéther ti koli ayeke Jéphunnéh, Pispah na Ara. 39 Amolenge ti Ulla ti koli ayeke Arah, Hanniel na Rizia. 40 Ala so kue ayeke amolenge ti Aser ti koli, amokonzi ti ahale ti akotara ti ala. Ala yeke nga azo so a soro ala na popo ti amba ti ala, angangu turugu nga ala komande na ndö ti amokonzi ti aturugu. Wungo ti ahale ti ala so a sû iri ti ala na mbeti alingbi na akotara ti ala+ ayeke 26 000.+ Ala kue alingbi ti gue ti sara bira.

8 Kozo molenge ti Benjamin+ ayeke Béla,+ use ni ayeke Ashbel,+ ota ni ayeke Aharah, 2 osio ni ayeke Nohah na oku ni ayeke Rapha. 3 Amolenge ti Béla ti koli ayeke Addar, Guéra,+ Abihud, 4 Abishua, Naaman, Ahoah, 5 Guéra, Shéphuphan na Huram. 6 Amolenge ti Éhud ti koli so ayeke amokonzi ti ahale ti akotara ti ala so asara kodro na Guéba+ na so a gbu ala a gue na ala na Manahath ayeke 7 Naaman, Ahijah na Guéra; Guéra la amû li ni na ndö ti ala na ngoi so a yeke gue na ala na kodro-wande, nga lo dü Uzza na Ahihud. 8 Shaharaïm adü amolenge na sese* ti Moab na peko ti so lo tomba ambeni zo.* Hushim na Baara ayeke ambeni wali ti lo. 9 Wali ti lo Hodesh adü na lo amolenge ti koli: Jobab, Zibia, Mésha, Malcam, 10 Jéuz, Sakia na Mirmah. So ayeke amolenge ti lo ti koli, amokonzi ti ahale ti akotara ti ala.

11 Hushim adü na lo Abitub na Elpaal. 12 Amolenge ti Elpaal ti koli ayeke Éber, Misham, Shémed (lo so aleke gbata ti Ono+ na ti Lod+ nga na akodro so ayeke na gbe ti Lod*), 13 Bériah na Shémah. Ala yeke amokonzi ti ahale ti akotara ti ala so asara kodro na Aijalon.+ Ala tomba azo so asara kodro na gbata ti Gath. 14 Ahio, Shashak, Jérémoth, 15 Zébadiah, Arad, Éder, 16 Michel, Ishpah na Joha ayeke amolenge ti Bériah ti koli. 17 Zébadiah, Méshullam, Hizki, Héber, 18 Ishméraï, Izliah na Jobab ayeke amolenge ti Elpaal ti koli. 19 Jakim, Zicri, Zabdi, 20 Éliénaï, Zilléthaï, Éliel, 21 Adaïah, Béraïah na Shimrath ayeke amolenge ti Shiméï ti koli. 22 Ishpan, Éber, Éliel, 23 Abdon, Zicri, Hanan, 24 Hananiah, Élam, Anthothijah, 25 Iphdéïah na Penuel ayeke amolenge ti Shashak ti koli. 26 Shamshéraï, Shéhariah, Athaliah, 27 Jaaréshiah, Élie na Zicri ayeke amolenge ti Jéroham ti koli. 28 Ala yeke amokonzi ti ahale ti akotara ti ala. Amokonzi so asara kodro na Jérusalem.

29 Jéïel asara kodro na Gabaon.+ Lo la lo sara si kodro ti Gabaon abâ gigi. Iri ti wali ti lo ayeke Maacah.+ 30 Kozo molenge ti lo ayeke Abdon. Na pekoni lo dü Zur, Kish, Baal, Nadab, 31 Guédor, Ahio na Zéker. 32 Micloth adü Shiméah. Ala kue na aita ti ala asara kodro na Jérusalem nduru na terê ti ambeni ita ti ala.

33 Ner+ adü Kish, Kish adü Saül, na Saül+ adü Jonathan,+ Malki-Shua,+ Abinadab+ na Eshbaal.*+ 34 Jonathan adü Mérib-Baal.*+ Mérib-Baal adü Michée.+ 35 Michée adü Pithon, Mélek, Taréa na Achaz. 36 Achaz adü Jéhoaddah, na Jéhoaddah adü Alémeth, Azmaveth na Zimri. Zimri adü Moza. 37 Moza adü Binéa, Binéa adü Raphah, Raphah adü Éléasah, na Éléasah adü Azel. 38 Azel adü amolenge ti koli omene. Iri ti ala ayeke Azrikam, Bokéru, Ismaël, Shéariah, Abdias na Hanan. Ala so kue ayeke amolenge ti Azel. 39 Amolenge ti ita ti lo Éshec ayeke Ulam, kozo molenge ni, Jéush use ni na Éliphélet so ayeke ota ni. 40 Amolenge ti Ulam ti koli ayeke angangu turugu so ahinga ti pika kokora.* Ala yeke na gbâ ti amolenge ti koli nga na atarä ti koli, wungo ti ala ayeke 150. Azo so kue ayeke ahale ti Benjamin.

9 A sû iri ti azo ti Israël kue na mbeti alingbi na molongo ti iri ti akotara ti ala. A sû ni na yâ ti Mbeti so afa tënë ti gigi ti agbia ti Israël. Na pekoni, a mû azo ti Juda a gue na ala na Babylone ndali ti so ala duti be-ta-zo pëpe.+ 2 Akozo zo so akiri na yâ ti agbata ti ala ayeke ambeni zo ti Israël, aprêtre, azo ti mara ti Lévi nga na ambeni zo so a mû ala ti sara kua na temple.*+ 3 Ambeni hale ti Juda,+ ti Benjamin,+ ti Éphraïm nga na ti Manassé asara kodro na Jérusalem: 4 a yeke wara Uthaï. Uthaï ayeke molenge ti Ammihud, Ammihud ayeke molenge ti Omri, Omri ayeke molenge ti Imri, na Imri ayeke molenge ti Bani; ala yeke ahale ti Pérès+ molenge ti Juda. 5 Ti ahale ti Shélah, a yeke wara Asaïah, so lo yeke kozo molenge ti babâ ti lo, nga na amolenge ti lo ti koli. 6 Ti ahale ti Zérah,+ a yeke wara Jéuel nga na aita ti ala 690.

7 Ti ahale ti Benjamin, a yeke wara Sallu. Sallu ayeke molenge ti Méshullam, Méshullam ayeke molenge ti Hodaviah, na Hodaviah ayeke molenge ti Hassénuah. 8 A yeke wara Ibnéïah molenge ti Jéroham na Élah molenge ti Uzzi so ayeke molenge ti Micri. A yeke wara nga Méshullam. Méshullam ayeke molenge ti Shéphatiah, Shéphatiah ayeke molenge ti Réuel, na Réuel ayeke molenge ti Ibnijah. 9 Wungo ti aita ti ala na yâ ti akotara ti ala ayeke 956. Ala so kue ayeke amokonzi ti ahale ti akotara ti ala.*

10 Ti aprêtre, a yeke wara Jédaïah, Jéhoïarib, Jakin+ 11 nga na Azariah molenge ti Hilkiah. Hilkiah ayeke molenge ti Méshullam, Méshullam ayeke molenge ti Zadoc, Zadoc ayeke molenge ti Méraïoth, na Méraïoth ayeke molenge ti Ahitub, mbeni mokonzi na da* ti tâ Nzapa. 12 A yeke wara Adaïah. Adaïah ayeke molenge ti Jéroham, Jéroham ayeke molenge ti Pashhur, na Pashhur ayeke molenge ti Malkijah. A yeke wara Maasaï. Maasaï ayeke molenge ti Adiel, Adiel ayeke molenge ti Jahzérah, Jahzérah ayeke molenge ti Méshullam, Méshullam ayeke molenge ti Méshillémith, na Méshillémith ayeke molenge ti Immer. 13 A yeke wara nga aita ti ala ti koli so ayeke amokonzi ti ahale ti akotara ti ala. Wungo ti ala ayeke 1 760. Ala yeke angangu koli so ahinga ti sara akua ti da ti tâ Nzapa, na ala yeke nduru ti sara kua ni.

14 Ti azo ti mara ti Lévi, a yeke wara Shémaïah.+ Shémaïah ayeke molenge ti Hasshub, Hasshub ayeke molenge ti Azricam, na Azricam ayeke molenge ti Hashabiah so ayeke na popo ti ahale ti Mérari. 15 A yeke wara Bacbaccar, Héresh, Galal na Mattaniah. Mattaniah ayeke molenge ti Mica, Mica ayeke molenge ti Zicri, na Zicri ayeke molenge ti Asaph. 16 A yeke wara Abdias. Abdias ayeke molenge ti Shémaïah, Shémaïah ayeke molenge ti Galal, na Galal ayeke molenge ti Jéduthun. A yeke wara nga Bérékiah. Bérékiah ayeke molenge ti Asa, na Asa ayeke molenge ti Elcanah so asara kodro na popo ti azo so asara kodro na Nétopha.+

17 Azo so ayeke bata ayanga ti gbagba+ ayeke Shallum, Accub, Talmon na Ahiman; ita ti ala Shallum ayeke mokonzi ti ala, 18 na juska na ngoi ni so, lo yeke bata yanga ti gbagba ti da ti gbia na mbage ti est.+ Ala yeke bata yanga ti gbagba so ayeke na terê ti camp ti azo ti mara ti Lévi. 19 Shallum na aita ti lo ayeke ahale ti Coré. Ala yeke ahale ti akotara ti ala, na ala yeke bâ ndo na ndö ti akua so a mû na ala nga na ndö ti azo so ayeke bata tente. Akotara ti ala la ayeke ândö na ndö ti camp ti Jéhovah, na ala yeke bata yanga ni. Shallum ayeke molenge ti Coré, Coré ayeke molenge ti Ébiasaph, na Ébiasaph ayeke molenge ti Coré. 20 Ândö Phinéhas+ molenge ti Éléazar+ la ayeke mokonzi ti azo so abata ayanga ti gbagba; Jéhovah ayeke lani na lo. 21 Zacharie+ molenge ti Méshélémiah la ayeke bata lani yanga ti tente ti bungbi.

22 Wungo ti azo kue so a soro ala ti bata ayanga ti gbagba ayeke 212. A zia ala na ando so ala sara kodro dä alingbi na iri ti akotara ti ala+ so a sû na mbeti. David na Samuel, zo ti bango ye,+ la azia lani azo so na kua ni so, ndali ti so zo alingbi ti sara confiance na ala. 23 Azo ni so nga na ahale ti ala la ayeke bâ ndo na ndö ti kua ti batango ayanga ti gbagba ti da ti Jéhovah,+ wala tabernacle. 24 Azo ti batango ayanga ti gbagba ni ayeke na ambage osio: na mbage ti est, ouest, nord na sud.+ 25 Ngoi na ngoi, aita ti ala ayeke londo na ando so ala sara kodro dä aga ti sara kua na terê ti ala lango mbasambala. 26 Amokonzi* ti azo so ayeke bata ayanga ti gbagba, so zo alingbi ti sara confiance na ala, ayeke osio. Ala yeke azo ti mara ti Lévi, nga ala yeke bâ ndo na ndö ti achambre* nga na ando so a yeke bata amosoro ti da ti tâ Nzapa dä.+ 27 Na bï, ala yeke mû garde na terê ti da ti tâ Nzapa kue, ndali ti so kua ti ala ayeke ti mû garde, ti bata clé nga ti zi yanga-da ni lakue na ndapre.

28 Ambeni na popo ti ala ayeke bâ ndo na ndö ti akungba+ ti kua. Ala yeke diko ni na ngoi so a yeke kiri na ni na yâ ti da nga na ngoi so a yeke sigi na ni. 29 A zia ambeni ti bâ ndo na ndö ti ambeni kungba ti kua ni, akungba kue so a zia ni nde ndali ti kua ti Nzapa,+ pendere farine,+ vin,+ mafuta,+ vuru dukane+ nga na mafuta ti keke ti baume.+ 30 Ambeni molenge ti aprêtre la ayeke leke mafuta ti keke ti baume so afun pendere. 31 Mattithiah mbeni zo ti mara ti Lévi, so ayeke kozo molenge ti Shallum hale ti Coré, la ayeke bâ ndo na ndö ti aye so a yeke zö ni na gbarabuba, ndali ti so lo lingbi ti tene a zia bê na ndö ti lo.+ 32 Ambeni ita ti ala, ahale ti Kohath, ayeke bâ ndo na ndö ti kua ti mapa so a dö ni na ndö ti terê*+ lakue na lâ ti sabbat.+

33 Azo ni so ayeke azo ti hengo bia na popo ti azo ti mara ti Lévi, ala yeke amokonzi ti ahale ti akotara ti ala nga ala yeke bâ ndo na ndö ti achambre.* A mû na ala mbeni kua nde pëpe, ndali ti so a hunda na ala ti sara kua ti ala bï na lâ. 34 Ala yeke amokonzi ti ahale ti akotara ti ala na popo ti amba ti ala azo ti mara ti Lévi, a lingbi na akotara ti ala. Ala yeke akota zo nga ala sara kodro na Jérusalem.

35 Jéïel asara kodro na Gabaon.+ Lo la lo sara si kodro ti Gabaon abâ gigi. Iri ti wali ti lo ayeke Maacah. 36 Kozo molenge ti lo ayeke Abdon. Na pekoni lo dü Zur, Kish, Baal, Ner, Nadab, 37 Guédor, Ahio, Zacharie na Micloth. 38 Micloth adü Shiméam. Ala kue na aita ti ala asara kodro na Jérusalem nduru na terê ti ambeni ita ti ala. 39 Ner+ adü Kish, Kish adü Saül,+ na Saül adü Jonathan,+ Malki-Shua,+ Abinadab+ na Eshbaal. 40 Jonathan adü Mérib-Baal. Mérib-Baal+ adü Michée.+ 41 Michée adü Pithon, Mélek, Tahréa na Achaz. 42 Achaz adü Jarah. Jarah adü Alémeth, Azmaveth na Zimri. Zimri adü Moza. 43 Moza adü Binéa, Binéa adü Réphaïah, Réphaïah adü Éléasah, na Éléasah adü Azel. 44 Azel adü amolenge ti koli omene. Iri ti ala ayeke Azricam, Bokéru, Ismaël, Shéariah, Abdias na Hanan. Ala so ayeke amolenge ti Azel.

10 A-Philistin asara bira na azo ti Israël, na azo ti Israël akpe na gbele aPhilistin. Gbâ ti azo ti Israël akui na ndö ti Hoto ti Guilboa.+ 2 A-Philistin ayeke tomba Saül na amolenge ti lo, na ala yeke ga gï nduru nduru na ala. Ala fâ Jonathan, Abinadab na Malki-Shua,+ amolenge ti Saül. 3 Bira ni aga tâ ngangu na Saül; azo ti pikango kokora apika lo na alê ti kokora ti ala na lo wara kä.+ 4 Tongaso, Saül atene na zo ti yongo aye ti bira ti lo: “Gboto épée ti mo, mo kpo mbi na ni si azo so afâ ganza pëpe so aga asara pasi*+ na mbi pëpe.” Me zo ti yongo aye ti bira ni aye pëpe, ndali ti so mbeto asara lo ngangu. Ni la Saül agboto épée ti lo, lo tï na lê ni.+ 5 Tongana zo ti yongo aye ti bira ti Saül abâ so lo kui awe, lo nga kue lo tï na lê ti épée ti lo, lo kui. 6 Tongaso Saül, amolenge ti lo ota nga na azo kue ti da ti lo so lo na ala ague na bira akui na lango ni so.+ 7 Tongana azo ti Israël kue so ayeke na yâ ti popo-hoto* abâ so azo kue akpe nga so Saül na amolenge ti lo akui, ala komanse ti zia agbata ni ti kpe. A-Philistin aga amû agbata ni na peko ti ala na ala sara kodro dä.

8 Na ndade ni, tongana aPhilistin aga ti mû aye ti azo so ala fâ ala so, ala wara kuâ ti Saül na ti amolenge ti lo ota na ndö ti Hoto ti Guilboa.+ 9 Ala dë go ti Saül, ala zi aye ti bira so lo yü na terê ti lo nga ala tokua azo na yâ ti akodro kue ti aPhilistin ti fa tënë ni na yâ ti ada so a bata ayanda ti ala+ dä nga ti fa tënë ni na popo ti azo. 10 Ala zia aye ti bira ti Saül ni na yâ ti da* ti nzapa ti ala nga ala kanga li ti lo na terê ti da ti Dagon.+

11 Gï so azo kue ti Jabesh ti Galaad+ amä tënë ti ye kue so aPhilistin asara na Saül,+ 12 aturugu kue alondo ala gue amû kuâ ti Saül na ti amolenge ti lo. Ala kiri na ni na Jabesh, ala lu abio ti ala na gbe ti kota keke so ayeke na Jabesh+ nga ala mû jeûne lango mbasambala.

13 Tongaso Saül akui, ndali ti so lo fa so lo yeke be-ta-zo na Jéhovah pëpe na lege so lo mä yanga ti Jéhovah pëpe+ nga lo gue lo bâ zo ti sarango tënë na yingo ti akuâ+ 14 ahon ti hunda Jéhovah. Ni la lo fâ Saül nga lo zi komandema ni na maboko ti lo, lo mû ni na David, molenge ti Jessé.+

11 A si na mbeni ngoi, amara ti Israël kue aga na ndo ti David na gbata ti Hébron,+ ala tene: “E yeke afami ti mo.*+ 2 Na ngoi so Saül ayeke lani gbia ti e, mo la mo mû li ni na angoi so e gue ti sara bira.*+ Nga, Jéhovah Nzapa ti mo atene na mo: ‘Mo la mo yeke fa lege na azo ti mbi, azo ti Israël, na mo la mo yeke komande na ndö ti azo ti mbi, azo ti Israël.’”+ 3 Tongaso, a-ancien ti Israël kue ague na ndo ti Gbia David na Hébron, na lo te mbele na ala na gbele Jéhovah na Hébron. Na pekoni, ala tuku mafuta na li ti David ti tene lo ga gbia na ndö ti Israël,+ a lingbi na tënë ti Jéhovah so Samuel afa peko ni.+

4 Mbeni lâ, David na aturugu ti Israël kue alondo ti gue na Jérusalem, so ti tene gbata ti Jébus,+ so azo ti mara ti Jébus+ asara kodro dä. 5 Azo ti yâ ti gbata ni ahe David, atene: “Mo yeke si ge lâ oko pëpe!”+ Me David amû gbata ti Sion+ so ngangu gbagba ayeke na terê ni. A iri ni fadeso Gbata ti David.+ 6 David atene: “Zo so ague kozo afâ azo ti mara ti Jébus, lo yeke ga mokonzi* nga kota zo.” Joab+ molenge ti Zéruïah la ague kozo, na lo ga mokonzi. 7 Na pekoni, David asara kodro na yâ ti gbata ni so ngangu gbagba ayeke na terê ni. Ndani la a iri ni Gbata ti David. 8 Lo komanse ti leke ada na yâ ti gbata ni kue, a londo na ndö ti kota koto* juska na ando so angoro ni. Joab la aleke peko ti tanga ti gbata ni. 9 A yeke tongaso si David angbâ gï ti ga kota,+ na Jéhovah ti aturugu ayeke na lo.

10 David ayeke na amokonzi so ayeke na ndö ti angangu turugu ti lo. Ala na tanga ti azo ti Israël kue amû maboko na lo ti ga gbia, tongana ti so Jéhovah amû zendo ni na Israël.+ 11 Iri ti angangu zo ti bira ti David ayeke so: Jashobéam,+ molenge ti mbeni zo ti Hacmoni. Na popo ti angangu zo ti bira ota,+ lo la lo yeke na li ti ala. Mbeni lâ, lo mû likongo lo fâ azo 300.+ 12 Zo so aga na peko ti lo ayeke Éléazar+ molenge ti Dodo so ayeke zo ti mara ti Ahohi.+ Lo yeke oko ti angangu zo ti bira ota. 13 Lo yeke lani na terê ti David na Pasdammim,+ ndo so aPhilistin abungbi terê ti ala dä ti sara bira. Mbeni kota yaka ti orge ayeke kâ. Azo ti Israël akpe ndali ti aPhilistin. 14 Me lo luti na milieu ti yaka ni lo bata ni, nga lo ngbâ lo fâ aPhilistin juska Jéhovah aga na kota songo benda.*+

15 David ayeke na yâ ti kota dû ti tênë na Adullam.+ Amokonzi ota na popo ti amokonzi ti lo 30 ague na peko ti lo kâ. Na ngoi ni so, mbeni bungbi ti aturugu ti aPhilistin asara camp ti ala na yâ ti Popo-hoto* ti Réphaïm.+ 16 David ayeke kâ na yâ ti hoto ni, me aPhilistin azia ambeni turugu ti ala na Bethléhem. 17 Nzara ti ngu agbu David na lo tene: “Tâ tongana mbi peut ti nyon ngu so a bata ni na yâ ti dû so ayeke na terê ti yanga ti gbagba ti Bethléhem, ka a yeke nzoni!”+ 18 Na mango tënë so, angangu zo ti bira ota so alï na ngangu na yâ ti camp ti aPhilistin. Ala tö ngu so ayeke na yâ ti dû ni so ayeke na terê ti yanga ti gbagba ti Bethléhem, ala ga na ni na David. Me David ake ti nyon ngu ni, lo tuku ni na sese na Jéhovah. 19 Lo tene: “Mbi pensé lâ oko pëpe ti sara ye so! Nzapa ti mbi apeut ti yeda pëpe! Mbi peut ti nyon mênë ti azo so azia fini* ti ala na lê ti kuâ so tongana nyen?+ Ndali ti so ala zia fini* ti ala na lê ti kuâ la ala ga na ni.” Ni la lo ke ti nyon ngu ni. A yeke aye so angangu zo ti lo ti bira ota so asara la.

20 Abishaï+ ita ti Joab+ la aga mokonzi na popo ti ambeni ngangu zo ti bira ota. Mbeni lâ, lo mû épée ti lo lo fâ azo 300, na iri ti lo awu tongana ti akozo turugu ti David ota so.+ 21 Na popo ti angangu zo ti bira ota so, lo la iri ti lo awu mingi ahon amba ti lo use, nga lo yeke mokonzi ti ala; ye oko, kamba ti lo alingbi na ti akozo ngangu zo ti bira ota so pëpe.

22 Bénaïah,+ molenge ti Jéhoïada, ayeke mbeni zo so ayeke sara ka ye na mbeto pëpe.* Lo sara akpengba ye mingi na Cabzéel.+ Lo fâ amolenge ti Ariel, zo ti Moab, use; nga mbeni lâ tongana neige ayeke tï, lo descend na yâ ti dû ti ngu lo fâ mbeni bamara.+ 23 Lo fâ nga mbeni zo ti Égypte so ayo ngangu. Zo ni ayo coudée 5.*+ Atâa so zo ti Égypte ni ayeke na likongo na maboko ti lo, so keke ni ayeke tongana keke ti azo ti kpongo bongo,+ lo gue na terê ti lo na keke, lo gboto likongo ni na maboko ti zo ti Égypte ni na lo fâ lo na ni.+ 24 So ayeke aye so Bénaïah molenge ti Jéhoïada asara la. Iri ti lo awu tongana ti angangu zo ti bira ota so. 25 Atâa so iri ti lo awu ahon même amokonzi 30 so, kamba ti lo alingbi na ti angangu zo ti bira ota so pëpe.+ Me David azia lo na ndö ti agarde ti lo.

26 Angangu zo ti bira ayeke Asahel+ ita ti Joab, Elhanan molenge ti Dodo so ayeke zo ti Bethléhem;+ 27 Shammoth so ayeke Haror; Hélez zo ti Palon; 28 Ira+ molenge ti Ikkesh zo ti kodro ti Técoa; Abiézer+ zo ti kodro ti Anathoth; 29 Sibbécaï+ zo ti Husha; Ilaï zo ti mara ti Ahoha; 30 Maharaï+ zo ti kodro ti Nétopha; Héled+ molenge ti Baanah zo ti kodro ti Nétopha; 31 Ithaï molenge ti Ribaï zo ti Guibéah, kodro ti azo ti mara ti Benjamin;+ Bénaïah zo ti Pirathon; 32 Huraï so alango na terê ti apopo-hoto* ti Gaash;+ Abiel zo ti mara ti Araba; 33 Azmaveth zo ti mara ti Bahurim; Éliahba zo ti Shaalbon; 34 amolenge ti Hashem zo ti mara ti Guizon; Jonathan molenge ti Shagué zo ti Harar; 35 Ahiam molenge ti Sacar zo ti Harar; Éliphal molenge ti Ur; 36 Hépher zo ti mara ti Mékéra; Ahijah zo ti Palon; 37 Hezro zo ti kodro ti Carmel; Naaraï molenge ti Ezbaï; 38 Joël ita ti Nathan; Mibhar molenge ti Hagri; 39 Zélec zo ti mara ti Ammon; Naharaï, zo ti mara ti Béroth, so ayeke zo ti yongo aye ti bira ti Joab molenge ti Zéruïah; 40 Ira zo ti mara ti Jéther; Gareb zo ti mara ti Jéther; 41 Urie+ zo ti mara ti Heth; Zabad molenge ti Ahlaï; 42 Adina molenge ti Shiza, zo ti mara ti Ruben, so ayeke mokonzi ti azo ti mara ti Ruben; akoli 30 ayeke na terê ti lo; 43 Hanan molenge ti Maacah; Josaphat zo ti Méthen; 44 Uzzia zo ti mara ti Ashtaroth; Shama na Jéïel, amolenge ti Hotham zo ti kodro ti Aroër; 45 Jédiaël molenge ti Shimri; Joha ita ti lo so ayeke zo ti Thizi; 46 Éliel zo ti Mahavim; Jéribaï na Joshaviah, amolenge ti Elnaam; Ithmah zo ti Moab; 47 Éliel, Obed na Jaasiel so ayeke zo ti Zoba.

12 Ambeni koli aga na ndo ti David na Ziclag+ na ngoi so lo lingbi pëpe ti fono tongana ti so bê ti lo aye ndali ti Saül+ molenge ti Kish. Ala yeke na popo ti angangu zo ti bira so amû maboko na lo na yâ ti bira.+ 2 Ala yeke na akokora; ala lingbi ti zia tênë na yâ ti mvingi ti bi ni atâa na maboko ti ala ti koli wala ti wali+ nga ti pika akokora na maboko ti ala ti koli wala ti wali. Ala yeke aita ti Saül, azo ti mara ti Benjamin.+ 3 Mokonzi ti ala ayeke Ahiézer nga Joas ayeke na terê ti lo. Ala use kue ayeke amolenge ti Shémaah zo ti gbata ti Guibéah.+ A yeke wara nga Jéziel na Pélet amolenge ti Azmaveth,+ Béracah, Jéhu zo ti gbata ti Anathoth, 4 na Ishmaïah zo ti gbata ti Gabaon+ so ayeke mbeni ngangu zo ti bira na popo ti angangu zo ti bira 30+ nga lo yeke na ndö ti ala. A yeke wara nga Jérémie, Jahaziel, Johanan, Jozabad zo ti kodro ti Guédéra, 5 Éluzaï, Jérimoth, Béaliah, Shémariah na Shéphatiah zo ti mara ti Hariph. 6 A yeke wara nga Elcanah, Isskiah, Azarel, Joézer na Jashobéam, ahale ti Coré.+ 7 A yeke wara nga Joélah na Zébadiah, amolenge ti Jéroham zo ti kodro ti Guédor.

8 Ambeni zo ti mara ti Gad ague na peko ti David na ndo so lo bata terê ti lo dä na yâ ti benyama.+ Ala yeke angangu zo ti bira, ala hinga ti sara bira, ala yeke nduru ti mû kota vala na likongo ti sara na bira. Ala yeke na mbeto pëpe tongana bamara nga ala yapu na loro tongana agazelle na ndö ti ahoto. 9 Ézer la ayeke na li ni, use zo ni ayeke Abdias, ota ni ayeke Éliab, 10 osio ni ayeke Mishmannah, oku ni ayeke Jérémie, 11 omene ni ayeke Attaï, mbasambala ni ayeke Éliel, 12 miombe ni ayeke Johanan, gumbaya ni ayeke Elzabad, 13 bale-oko ni ayeke Jérémie na bale-oko na oko ni ayeke Macbannaï. 14 Ala yeke azo ti mara ti Gad,+ amokonzi ti aturugu. Lo so ngangu ti lo ayeke kete na popo ti ala alingbi na ti azo 100. Ngangu ti lo so ahon ala kue alingbi na ti azo 1 000.+ 15 Akoli so la afâ Ngu ti Jourdain na yâ ti kozo nze, na ngoi so ngu ni asuku amû ndo. Ala tomba azo kue so asara kodro na kpangbala ndo so ayeke na gbe ni, na mbage ti est nga na ouest.

16 Ambeni zo ti mara ti Benjamin na ti Juda ague nga na ndo ti David na ndo so lo bata terê ti lo dä.+ 17 David ague na devant ti ala na lo tene na ala: “Tongana ala ga na mbi na siriri ti mû maboko na mbi, mbi yeke yamba ala tongana akamarade. Me tongana ala ga ti kä mbi na awato ti mbi atâa so mbi sara mbeni ye ti sioni pëpe, zia Nzapa ti akotara ti e abâ ni na lo fâ ngbanga dä.”+ 18 Na pekoni yingo ti Nzapa aga na ndö ti Amasaï,+ mokonzi ti aturugu 30 so, na lo tene:

“David, e yeke azo ti mo! Molenge ti Jessé,+ e yeke na peko ti mo!

Tongaso, David ayamba ala nga lo zia ala na popo ti amokonzi ti aturugu ti lo.

19 Ambeni zo ti mara ti Manassé nga azia Saül na ala gue na peko ti David na ngoi so lo na aPhilistin ague ti sara bira na Saül. Me lo mû maboko na aPhilistin pëpe, ndali ti so tongana aseigneur ti aPhilistin+ amä terê awe, ala tomba lo. Ala tene: “Gbä lo yeke zia e ti gue na peko ti seigneur ti lo Saül, na ye so alingbi ti ga na kuâ na ndö ti e.”+ 20 Na ngoi so lo si na Ziclag,+ azo ti mara ti Manassé so amû peko ti lo ayeke: Adnah, Jozabad, Jédiaël, Michel, Jozabad, Élihu na Zilléthaï; ala yeke amokonzi ti azo saki oko saki oko ti mara ti Manassé.+ 21 Ala mû maboko na David ti tiri na azo so ayeke gbu ka aye ti azo na ngangu, ndali ti so ala kue ayeke angangu zo ti bira, azo so mbeto asara ala pëpe,+ nga ala ga amokonzi ti aturugu. 22 Lâ oko oko azo ayeke ga na terê ti David+ ti mû maboko na lo, juska aturugu ti lo aga gbani tongana aturugu ti Nzapa.+

23 Gbâ ti akpengba turugu so aleke terê ti ala ti sara bira aga na David na Hébron+ ti sara si lo ga gbia na place ti Saül alingbi na yanga so Jéhovah amû.+ 24 Wungo ti azo ti mara ti Juda so agbu akota vala nga na likongo ayeke 6 800. 25 Ti azo ti mara ti Siméon so ayeke angangu zo ti bira nga azo so mbeto asara ala pëpe, wungo ti ala ayeke 7 100.

26 Wungo ti azo ti mara ti Lévi ayeke 4 600. 27 Jéhoïada+ ayeke mokonzi ti ahale ti Aaron,+ na wungo ti aturugu so ayeke na lo ayeke 3 700. 28 A yeke wara nga Zadoc,+ ngangu zo ti bira so angbâ maseka so mbeto asara lo pëpe; na terê ti lo a yeke wara akoli 22 so ayeke amokonzi ti ahale ti kotara ti lo.

29 Wungo ti azo ti mara ti Benjamin, aita ti Saül,+ ayeke 3 000. Ândö, mingi ti ala ayeke bâ ndo na ndö ti aye ti da ti Saül. 30 Wungo ti azo ti mara ti Éphraïm ayeke 20 800. Ala yeke angangu zo ti bira, azo so mbeto asara ala pëpe nga azo so iri ti ala awu na popo ti ahale ti akotara ti ala.

31 Wungo ti ndambo ti azo ti mara ti Manassé so a fa iri ti ala ti gue ti zia David gbia ayeke 18 000. 32 Wungo ti amokonzi ti azo ti mara ti Issacar so ahinga mbilimbili ye so a yeke nzoni azo ti Israël asara na ngoi tongaso ayeke 200; aita ti ala kue ayeke na gbe ti komandema ti ala. 33 Wungo ti aturugu ti mara ti Zabulon so aleke terê ti ala ti sara bira ayeke 50 000; ala yeke na mara ti aye ti bira nde nde kue. Ala kue amû peko ti David na bê ti ala oko.* 34 Wungo ti amokonzi ti azo ti mara ti Nephtali ayeke 1 000; a yeke wara nga na terê ti ala azo 37 000 so ayeke na akota vala nga na alikongo. 35 Wungo ti azo ti mara ti Dan so aleke terê ti ala ti sara bira ayeke 28 600. 36 Wungo ti aturugu ti mara ti Aser so aleke terê ti ala ti sara bira ayeke 40 000.

37 Na mbage ti Ngu ti Jourdain,+ wungo ti aturugu ti mara ti Ruben, ti Gad nga na ti ndambo ti mara ti Manassé ayeke 120 000; ala yeke na mara ti aye ti bira nde nde kue. 38 Azo so kue ayeke akpengba zo ti bira so abungbi oko ti sara bira. Ala gue na Hébron na bê ti ala kue ti zia David gbia na ndö ti azo ti Israël kue. Bê ti tanga ti azo ti Israël kue ayeke oko ti tene a zia David gbia.+ 39 Ala ngbâ kâ na terê ti David lango ota, ala te ye na ala nyon ye, ndali ti so aita ti ala aleke kobe ndali ti ala. 40 Azo ti Israël kue so asara kodro nduru na ndo ni so, même ala so asara kodro kâ na sese ti Issacar, ti Zabulon nga na ti Nephtali aga na kobe na ndö ti akororo, achameau, avuko kororo nga na abagara. Ala ga na gbâ ti akobe: farine, ahulengo lê ti figue so a pete ni boule boule, araisin so a pete ni boule boule, vin, mafuta, abagara nga na ataba, ndali ti so azo ti Israël ayeke na ngia mingi.

13 David amä terê na amokonzi ti azo saki oko saki oko, amokonzi ti azo ngbangbo oko ngbangbo oko nga na tanga ti amokonzi kue.+ 2 Na pekoni David asara tënë na congrégation ti azo ti Israël kue, lo tene: “Tongana a yeke nzoni na lê ti ala nga tongana Jéhovah Nzapa ti e ayeda, e tokua ndo na tanga ti aita ti e na yâ ti akodro kue ti Israël, na aprêtre nga na azo ti mara ti Lévi, so ayeke na yâ ti agbata ti ala+ so ando ti tengo pere ti anyama angoro ni, ti tene ala ga awara e. 3 Nga e gue e mû Sanduku+ ti Nzapa ti e, e ga na ni.” Ngbene ye na ngoi ti komandema ti Saül la a bâ lege ni ape so.+ 4 Congrégation ni kue ayeda ti sara ni, ndali ti so ala kue abâ so a yeke na lege ni. 5 Tongaso, David abungbi azo ti Israël kue, a londo na yanga ti ngu* ti Égypte juska na Lebo-Hamath,*+ ti gue ti mû Sanduku ti tâ Nzapa na gbata ti Kiriath-Jéarim ti ga na ni.+

6 David na azo ti Israël kue ague na Baalah,+ wala Kiriath-Jéarim, so ayeke ti azo ti mara ti Juda, ti mû sanduku ti tâ Nzapa, Jéhovah, so aduti na ndö* ti achérubin+ ti kiri na ni. Azo ayeke luti na devant ti sanduku ni ti iri ndo na Nzapa na iri ti lo. 7 Sanduku ti tâ Nzapa ayeke na da ti Abinadab. Ye oko ala zia ni na ndö ti fini puse+ ti gue na ni. Uzzah na Ahio la ayeke fa lege na fini puse ni.+ 8 David na azo ti Israël kue ayeke sara matanga na gbele tâ Nzapa na nzerengo terê. Ala he bia, ala pika aharpe, ambeni ye ti pikango na mozoko so ayeke na kamba, atambourin,+ acymbale+ nga ala hûru atrompette.+ 9 Me tongana ala si na ndo ti pikango alê ti kobe ti Kidon, Uzzah ayôro maboko ti lo, lo gbu Sanduku ni, ndali ti so abagara ni asara si a ngbâ kete a tï. 10 Ngonzo agbu Jéhovah ngangu na terê ti Uzzah, na lo pika Uzzah si lo kui ndali ti so lo yôro maboko ti lo, lo gbu Sanduku ni.+ Lo kui na ndo ni so na gbele Nzapa.+ 11 Me bê ti David ason ngangu* ndali ti so Jéhovah atuku ngonzo ti lo hio na ndö ti Uzzah. Ndani la a iri ndo ni so Pérès-Uzzah* juska laso.

12 Mbeto ti tâ Nzapa asara David na lango ni so, si lo tene: “Mbi lingbi ti ga na sanduku ti tâ Nzapa na mbi ge tongana nyen?”+ 13 David ague na sanduku ni na Gbata ti David pëpe, ndo so lo yeke dä. Me lo hunda ti tene a gue na ni na da ti Obed-Édom, zo ti gbata ti Gath. 14 Sanduku ti tâ Nzapa angbâ nze ota na da ti Obed-Édom. Jéhovah angbâ lakue ti sara tufa na ndö ti Obed-Édom, azo ti da ti lo nga na aye ti lo kue.+

14 Hiram,+ gbia ti Tyr, atokua azo na David ti mä terê na lo ti tokua na lo akeke ti cèdre, azo ti dengo terê ti atênë pendere* nga na acharpentier ti leke da* ti David.+ 2 David ahinga so Jéhovah asara si komandema ti lo na ndö ti azo ti Israël+ aluti nzoni, nga lo yâa royaume ti David na nduzu ndali ti azo ti lo, azo ti Israël.+

3 David akiri amû awali+ na Jérusalem, na lo kiri lo dü amolenge ti koli na ti wali.+ 4 Iri ti amolenge so lo dü ala na Jérusalem+ ayeke Shammua, Shobab, Nathan,+ Salomon,+ 5 Ibhar, Élishua, Elpelet, 6 Nogah, Népheg, Japhia, 7 Élishama, Béeliada na Éliphélet.

8 Tongana aPhilistin amä so a tuku mafuta na li ti David ti tene lo ga gbia na ndö ti Israël,+ aPhilistin kue aga ti gi David ti gbu lo.+ Na ngoi so David amä tënë ni, lo gue ti tiri na ala. 9 A-Philistin aga na yâ ti Popo-hoto* ti Réphaïm, na lakue ala yeke sara bira na azo ti ndo ni.+ 10 David ahunda Nzapa, atene: “A yeke nzoni mbi gue mbi tiri na aPhilistin? Mo yeke zia ala na maboko ti mbi?” Jéhovah akiri tënë na David, atene: “Mo gue, mbi yeke zia ala na maboko ti mo.”+ 11 Tongaso, David alondo ague na Baal-Pérazim.*+ Kâ, lo fâ aPhilistin. Lo tene: “Tâ Nzapa asara si mbi suru lege na popo ti awato ti mbi, tongana ti so ngu asuru lege na yâ ti mur.” Ndani la lo zia iri ti ndo ni so Baal-Pérazim. 12 A-Philistin adö anzapa ti ala azia kâ, na tongana David amû yanga, a gbi ni.+

13 Mbeni lâ, aPhilistin akiri aga asara bira na azo ti yâ ti popo-hoto* ni.+ 14 David akiri ahunda tâ Nzapa, na lo kiri tënë na David, lo tene: “Mo gue, me mo gue droit pëpe. Mo ngoro na peko ti ala, na mo na ala atingbi terê na yanga ti gbako ti akeke so a iri ni baca.+ 15 Tongana mo mä bruit na li ti akeke ti gbako ni, so akpa tambela ti aturugu, londo na bira na terê ti ala, ndali ti so tâ Nzapa ayeke hon na gbele mo ti fâ aturugu ti aPhilistin.”+ 16 Tongaso, David asara gï tongana ti so tâ Nzapa atene na lo,+ lo na aturugu ti lo afâ aturugu ti aPhilistin a komanse na Gabaon juska na Guézer.+ 17 Iri ti David awu amû yâ ti akodro kue, na Jéhovah asara si mbeto ti lo ahon ndö ti azo ti sese kue.+

15 David angbâ ti sara ada ndali ti lo wani na Gbata ti David, nga lo leke mbeni place ndali ti Sanduku ti tâ Nzapa, na lo zia ni na yâ ti tente so lo leke ti zia ni dä.+ 2 A yeke na ngoi ni so la David atene: “Mbeni zo nde alingbi ti yô Sanduku ti tâ Nzapa pëpe, gï azo ti mara ti Lévi, ndali ti so Jéhovah asoro ala ti yô Sanduku ti Jéhovah na ti sara kua na lo lakue.”+ 3 Na pekoni, David abungbi azo ti Israël kue na Jérusalem ti mû sanduku ti Jéhovah ti gue na ni na place so lo leke ndali ni.+

4 David abungbi ahale ti Aaron+ nga na ambeni zo ti mara ti Lévi:+ 5 na popo ti ahale ti Kohath, Uriel so ayeke mokonzi na aita ti lo 120; 6 na popo ti ahale ti Mérari, Asaïah+ so ayeke mokonzi na aita ti lo 220; 7 na popo ti ahale ti Guershom, Joël+ so ayeke mokonzi na aita ti lo 130; 8 na popo ti ahale ti Élizaphan,+ Shémaïah so ayeke mokonzi na aita ti lo 200; 9 na popo ti ahale ti Hébron, Éliel so ayeke mokonzi na aita ti lo 80; 10 na popo ti ahale ti Uzziel,+ Aminadab so ayeke mokonzi na aita ti lo 112. 11 David airi nga prêtre Zadoc+ na prêtre Abiathar;+ lo iri nga Uriel, Asaïah, Joël, Shémaïah, Éliel na Aminadab so ayeke azo ti mara ti Lévi, 12 na lo tene na ala, lo tene: “Ala yeke amokonzi ti ahale ti akotara ti ala so ayeke azo ti mara ti Lévi. Ala na aita ti ala, ala zi sioni ye na terê ti ala, na ala gue aga na Sanduku ti Jéhovah Nzapa ti Israël ti zia ni na place so mbi leke ndali ni. 13 So ala la ayô sanduku ni pëpe na ngoi so e gi lani ti ga na ni,+ Jéhovah Nzapa ti e atuku ngonzo ti lo na ndö ti e,+ ndali ti so e sara ye pëpe tongana ti so lo fa.”+ 14 Tongaso, aprêtre na azo ti mara ti Lévi azi sioni ye na terê ti ala ti tene ala gue aga na Sanduku ti Jéhovah Nzapa ti Israël.

15 Na pekoni, azo ti mara ti Lévi amû abarre ti Sanduku ni si ala yô na ni na ndö ti go ti ala,+ tongana ti so Jéhovah amû yanga na Moïse si lo fa peko ni. 16 David atene na amokonzi ti azo ti mara ti Lévi ti soro ambeni ita ti ala so ayeke azo ti hengo bia ti he bia na ngia na bê, na ngoi so a yeke pika aye ti mozoko: aharpe, ambeni ye ti mozoko so ayeke na kamba+ nga na acymbale.+

17 Tongaso, azo ti mara ti Lévi asoro Héman+ molenge ti Joël, nga, na popo ti aita ti lo, ala soro Asaph+ molenge ti Bérékiah; na popo ti aita ti ala so ayeke ahale ti Mérari, ala soro Éthan+ molenge ti Cushaïah. 18 Aita ti ala ti use groupe ni so a zia ala na terê ti ala+ ayeke Zacharie, Ben, Jaaziel, Shémiramoth, Jéhiel, Unni, Éliab, Bénaïah, Maaséïah, Mattithiah, Éliphéléhu, Micnéïah nga na Obed-Édom na Jéïel so ayeke azo so ayeke bata ayanga ti gbagba. 19 A hunda na Héman,+ Asaph+ na Éthan so ayeke azo ti hengo bia ti pika acymbale+ so a sara ni na cuivre. 20 Zacharie, Aziel, Shémiramoth, Jéhiel, Unni, Éliab, Maaséïah na Bénaïah apika aye ti mozoko so ayeke na kamba so a leke totongo ni alingbi na Alamoth.*+ 21 A hunda na Mattithiah,+ Éliphéléhu, Micnéïah, Obed-Édom, Jéïel na Azaziah, so ayeke pika aharpe so a leke totongo ni alingbi na Shéminith,*+ ti duti amokonzi ti azo ti pikango mozoko ni. 22 Kénaniah+ mokonzi ti azo ti mara ti Lévi abâ ndo na ndö ti kua ti yongo Sanduku ni, ndali ti so lo hinga kua ni nzoni mingi. 23 Bérékiah na Elcanah ayeke azo ti batango Sanduku ni. 24 Shébaniah, Josaphat, Néthanel, Amasaï, Zacharie, Bénaïah na Éliézer so ayeke aprêtre ahûru atrompette ngangu na devant ti Sanduku ti tâ Nzapa;+ a mû nga Obed-Édom na Jéhiah ti bata Sanduku ni.

25 Na pekoni David, na a-ancien ti azo ti Israël nga na amokonzi ti azo saki oko saki oko ayeke tambela legeoko na sanduku ti mbele ti Jéhovah so a mû ni na da ti Obed-Édom+ si a yeke ga na ni. Ala yeke na kota ngia na bê ti ala.+ 26 Na ngoi so Nzapa amû maboko na azo ti mara ti Lévi so ayeke yô sanduku ti mbele ti Jéhovah ti ga na ni, a mû akoli-bagara mbasambala so akono awe nga na akoli-taba mbasambala a mû na sandaga.+ 27 David ayü mbeni pendere kota bongo, lo na azo ti mara ti Lévi kue so ayô Sanduku ni, azo ti hengo bia nga na Kénaniah so ayeke bâ ndo na ndö ti kua ti yongo Sanduku ni nga na azo ti hengo bia; David ayü nga éphod so a sara ni na lin.+ 28 Azo ti Israël kue so ayeke ga na sanduku ti mbele ti Jéhovah ayeke dekongo na ngia,+ a yeke hûru adidi, atrompette,+ a yeke pika acymbale, aharpe nga na ambeni ye ti mozoko so ayeke na kamba si atoto ngangu.+

29 Me na ngoi so sanduku ti mbele ti Jéhovah asi na Gbata ti David,+ Mical,+ molenge ti Saül, ayeke bâ ndo na lê ti fenêtre. Lo bâ Gbia David so ayeke dodo nga lo yeke huru na gbele Jéhovah. Lo zere David na yâ ti bê ti lo.+

16 Azo ni aga na Sanduku ti tâ Nzapa, ala zia ni na place so a leke ndali ni na yâ ti tente so David aleke ti zia ni dä.+ Na pekoni, ala yâa asandaga so a zö ni agbi kue nga na asandaga ti beoko na gbele tâ Nzapa.+ 2 Tongana David ahunzi ti yâa asandaga so a zö ni agbi kue+ nga na asandaga ti beoko awe,+ lo iri tufa na ndö ti azo ni na iri ti Jéhovah. 3 Nga lo kangbi kobe na azo ti Israël so kue, akoli na awali oko oko kue. Lo mû na zo oko oko mapa so ayeke ronde ronde, gâteau so a sara ni na tûmuru nga na gâteau so a sara ni na hulengo lê ti vigne. 4 Lo soro ambeni zo ti mara ti Lévi ti sara kua na gbele Sanduku ti Jéhovah,+ ti gonda* Jéhovah Nzapa ti Israël, ti kiri singila na lo nga ti sepela lo. 5 Asaph+ la ayeke na li ni, use zo ni ayeke Zacharie. Jéïel, Shémiramoth, Jéhiel,+ Mattithiah, Éliab, Bénaïah, Obed-Édom nga na Jéïel ayeke pika aharpe nga na ambeni ye ti mozoko so ayeke nga na kamba.+ Asaph ayeke pika acymbale,+ 6 prêtre Bénaïah nga na prêtre Jahaziel ayeke hûru atrompette lakue na gbele sanduku ti mbele ti tâ Nzapa.

7 A yeke na lango ni so la, ti kozo ni, David asigi na bia ti kiringo singila na Jéhovah, na lo fa ni na Asaph+ na aita ti lo ti tene ala he ni. Tënë ti yâ ti bia ni ayeke so:

10 Ala pika kate na ndö ti iri ti lo so ayeke nzoni-kue.+

Zia si bê ti azo so agi Jéhovah aduti na ngia.+

11 Ala gi Jéhovah,+ ala hunda na lo ti mû na ala ngangu ti lo.

Ala gi face ti* lo lakue.+

14 Lo yeke Jéhovah Nzapa ti e.+

Angbanga so lo fâ ayeke na ndö ti sese kue.+

23 Azo ti sese kue, ala he bia na Jéhovah.

Lâ oko oko, ala fa tënë ti salut so lo mû.+

25 Jéhovah ayeke kota nga lo lingbi ti tene a sepela lo ahon tanga ti azo kue.

Lo mû mbeto na zo ahon tanga ti anzapa kue.+

Gere ti sese* aluti nzoni; a lingbi ti bougé ni* pëpe.+

31 Zia si yayu aduti na ngia, sese nga asara ngia.+

Ala tene na popo ti amara: ‘Jéhovah aga gbia awe!’+

32 Zia si ngu-ingo nga na aye kue so ayeke na yâ ni atoto ngangu.

Zia si benyama nga na aye kue so ayeke dä aduti na ngia.

35 Ala tene: ‘Nzapa ti salut ti e, mo sö e!+

Na pekoni azo kue atene: “Amen!”* nga ala sepela Jéhovah.

37 David azia Asaph+ na aita ti lo kâ na gbele sanduku ti mbele ti Jéhovah ti sara kua na gbele Sanduku+ ni lakue, a lingbi na kapa ti akua so a yeke sara ni lâ oko oko.+ 38 Obed-Édom na aita ti lo so wungo ti ala ayeke 68, na Obed-Édom so ayeke molenge ti Jéduthun nga na Hosah ayeke azo ti batango ayanga ti gbagba. 39 Lo zia prêtre Zadoc+ na ambeni mba ti lo aprêtre na gbele tabernacle ti Jéhovah so ayeke na ndo so ayeke na nduzu na Gabaon+ 40 ti tene lakue na ndapre nga na lakui ala zö asandaga na Jéhovah na ndö ti gbalaka ti zongo na asandaga. Lo hunda nga na ala ti sara aye kue so ayeke na yâ ti Ndia so Jéhovah amû na azo ti Israël.+ 41 A yeke wara nga na terê ti ala Héman, Jéduthun+ nga na tanga ti azo so a di iri ti ala ti tene ala gonda Jéhovah,+ ndali ti so “tâ ndoye ti lo angbâ lakue lakue.”+ 42 Héman+ na Jéduthun ayeke hûru atrompette, ala yeke pika acymbale nga na ambeni ye ti mozoko so a mû ni ti sepela* na tâ Nzapa. Amolenge ti Jéduthun+ ti koli ayeke ti ala na yanga ti gbagba. 43 Na pekoni azo kue akiri na yanga-da ti ala, na David ague ti iri tënë nzoni na ndö ti azo ti da ti lo.

17 Gï so David ague na yâ ti da* ti lo awe, lo tene na prophète Nathan,+ lo tene: “Mbi yeke lango na yâ ti da so a leke na keke ti cèdre,+ me sanduku ti mbele* ti Jéhovah ayeke na yâ ti tente.”+ 2 Nathan atene na David atene: “Mo sara ye kue so mo leke na bê ti mo ti sara, ndali ti so tâ Nzapa ayeke na mo.”

3 Gï na bï ni so, Nzapa atene na Nathan: 4 “Gue mo tene na wakua ti mbi David, mo tene: ‘Jéhovah atene: “Mo la mo yeke sara da na mbi ti tene mbi lango dä pëpe.+ 5 Ngbene ye so mbi sigi na azo ti Israël na Égypte juska laso, mbi lango na yâ ti da pëpe, me na yâ ti tambela ti mbi, mbi yeke gï na yâ ti atente nga na yâ ti atabernacle.*+ 6 Na yâ ti angoi kue so mbi na azo ti Israël kue e tambela, mbi zia ajuge ti fa lege na azo ti mbi. Eskê lâ oko mbi hunda mbeni juge ni awe, mbi tene: ‘Mo leke da ti keke ti cèdre ndali ti mbi pëpe ngbanga ti nyen?’”’

7 “Tongaso mo tene na wakua ti mbi David, mo tene: ‘Jéhovah ti aturugu atene: “Kozoni mo yeke gue na anyama ti te pere; me mbi mû mo kâ mbi zia mo na ndö ti azo ti mbi, azo ti Israël.+ 8 Mbi yeke duti ande na mo na ndo kue so mo yeke gue dä,+ mbi yeke hunzi* awato ti mo kue na gbele mo.+ Mbi yeke sara si iri ti mo awu tongana ti akota zo ti sese so.+ 9 Mbi yeke soro mbeni ndo ndali ti azo ti mbi, azo ti Israël, na mbi yeke zia ala dä ti tene ala sara kodro dä. Mbeni zo ti zia mbeto na yâ ti ala ayeke duti dä pëpe. Azo ti sioni ayeke kiri ti sara pasi na ala pëpe* tongana ti so ala sara ândö+ 10 ngbene ye so mbi zia ajuge na ndö ti azo ti mbi, azo ti Israël.+ Mbi yeke zia awato ti mo kue na gbe ti mo.+ Nga, mbi tene na mo mbi tene: ‘Mbi Jéhovah, mbi yeke leke da na mo.’*

11 “‘“Tongana mo kui na mo wu terê ti mo tongana ti akotara ti mo awe, mbi yeke yâa hale* ti mo na peko ti mo, mbeni molenge ti mo ti koli,+ na mbi yeke sara si royaume ti lo aluti nzoni.+ 12 Lo la lo yeke leke ande da na mbi,+ na mbi yeke sara si trône ti lo angbâ lakue lakue.+ 13 Mbi yeke ga ande babâ ti lo na lo yeke ga molenge ti mbi.+ Mbi yeke zia pëpe ti fa tâ ndoye na mbage ti lo+ tongana ti so mbi zia lani ti fa tâ ndoye na mbage ti zo so ayeke kozo na mo.+ 14 Mbi yeke zia lo na ndö ti da ti mbi nga na ndö ti royaume ti mbi lakue,+ nga trône ti lo ayeke ngbâ lakue.”’”+

15 Nathan atene atënë so kue na David nga lo fa na lo peko ti vision ni so kue.

16 Na mango atënë so, Gbia David aga aduti na gbele Jéhovah na lo tene: “Jéhovah Nzapa, mbi yeke ti mbi zo wa? Azo ti da ti mbi ayeke azo wa si mo sara aye so kue ndali ti mbi so?+ 17 Na ndö ni, Nzapa, mo sara tënë ti aye so ayeke si ande na ahale ti wakua ti mo na yâ ti angoi so ayeke ga ande kâ.+ Jéhovah Nzapa ti mbi, mo bâ mbi tongana mbeni zo so alingbi ti tene a kiri ayâa iri ti lo mingi.* 18 So mo hinga mbi David wakua ti mo nzoni mingi awe so, tënë ti nyen la mbi lingbi ti kiri ti tene na mo?+ 19 Jéhovah, mo sara akota ye so kue ndali ti mbi wakua ti mo nga ndali ti so a nzere na bê ti mo* ti sara ni, na mo fa kota ti mo.+ 20 Jéhovah, mbeni zo tongana mo ayeke dä pëpe,+ nga mbeni Nzapa nde ayeke dä pëpe, gï mo oko.+ Atënë kue so e mä na ndö ti mo afa so tënë so ayeke tâ tënë. 21 Mbeni mara wa la na ndö ti sese ayeke tongana azo ti mo, azo ti Israël?+ Mo so mo yeke tâ Nzapa, mo gue mo zi azo ti Israël, na mo sara si ala ga azo ti mo.+ Akpengba ye so mo sara na so amû mbeto mingi na zo+ asara si iri ti mo aga kota. Mo tomba azo ti ambeni mara nde na gbele azo ti mo,+ azo ti mo so mo zi ala na Égypte. 22 Mo mû azo ti Israël ti ga azo ti mo teti lakue lakue,+ na mo Jéhovah, mo ga Nzapa ti ala.+ 23 Fadeso, Jéhovah, zendo so mo mû na mbi wakua ti mo nga na ahale ti mbi so, zia mo sara ye alingbi na ni lakue; sara tâ gï tongana ti so mo mû zendo ni so.+ 24 Zia iri ti mo angbâ lakue* nga a gonda+ ni lakue lakue si azo alingbi ti tene: ‘Jéhovah ti aturugu, Nzapa ti Israël, ayeke Nzapa ti azo ti Israël.’ Zia nga si ahale ti mbi David wakua ti mo angbâ ti luti na gbele mo lakue,+ 25 ndali ti so mo, Nzapa ti mbi, mo sara si mbi wakua ti mo mbi hinga so mo leke ti sara mbeni da na mbi.* Ndani la mbi wakua ti mo mbi yeke na mbeto pëpe ti tene sambela so na mo. 26 Jéhovah, mo la mo yeke tâ Nzapa nga mo la mo mû zendo ti sara apendere ye so na mbi wakua ti mo. 27 Tongaso, tongana a nzere na mo, sara tufa na ndö ti da ti wakua ti mo nga zia a ngbâ lakue na gbele mo, ndali ti so mo Jéhovah, mo sara tufa na ndö ni awe na tufa ni ayeke ngbâ na ndö ni lakue lakue.”

18 Mbeni ngoi na pekoni, David asö benda na ndö ti aPhilistin nga lo komande na ndö ti ala, na lo mû na maboko ti ala gbata ti Gath+ na akodro so ayeke na gbe ti Gath.*+ 2 David asö benda na ndö ti azo ti Moab,+ na azo ti Moab aga azo ti kua ti lo, nga ala futa na lo impôt so ala doit ti futa.+

3 Na ngoi so Hadadézer,+ gbia ti Zobah+ ayeke gue ti kiri ti mû akodro so ayeke na terê ti Ngu ti Euphrate,+ David asö benda na ndö ti lo nduru na kodro ti Hamath.+ 4 David agbu apuse ti mbarata 1 000, aturugu ti kpengo na mbarata 7 000 nga na ala so ayeke tambela na gere 20 000.+ Na pekoni, David afâ kamba ti gere ti ambarata kue so ayeke kpe na puse, me lo bata ambeni 100.+ 5 Tongana azo ti kodro ti Syrie aga na gbata ti Damas ti mû maboko na Hadadézer, gbia ti Zobah, David afâ aturugu ti Syrie 22 000.+ 6 David azia ambeni turugu ti lo na Damas, so ayeke na Syrie. Azo ti Syrie aga azo ti kua ti David, nga ala futa na lo impôt so ala doit ti futa. Jéhovah asara si David asö benda* na ndo kue so lo gue dä.+ 7 Na ndö ni, David amû na maboko ti awakua ti Hadadézer avala so ayeke ronde ronde so a sara na lor, na lo ga na ni na Jérusalem. 8 David ague na Tibhath nga na Kun, agbata ti Hadadézer, lo mû gbâ ti cuivre. Cuivre ni so la Salomon asara na kota tawa,+ apilier nga na akungba ti kua.+

9 Tongana Toü, gbia ti Hamath, amä so David asö benda na ndö ti aturugu ti Hadadézer kue,+ so ayeke gbia ti Zobah,+ 10 hio Toü atokua molenge ti lo Hadoram na Gbia David ti hunda lo wala lo yeke senge nga ti gonda lo, ndali ti so David asara bira na Hadadézer na lo sö benda na ndö ti lo (lakue la Hadadézer ayeke sara bira na Toü). Hadoram ague na aye nde nde kue so a sara na lor, argent nga na cuivre na David. 11 Gbia David amû aye ni so, lo zia ni nde ndali ti kua ti Jéhovah.+ Lo sara nga tongaso na argent nga na lor so lo mû lani na maboko ti amara so kue: azo ti Édom, ti Moab, ti Ammon,+ aPhilistin+ nga na azo ti Amalec.+

12 Abishaï,+ molenge ti Zéruïah,+ afâ aturugu ti Édom 18 000 na yâ ti Popo-hoto ti Ingo.+ 13 Lo zia aturugu na Édom, na azo ti Édom kue aga azo ti kua ti David.+ Jéhovah asara si David asö benda* na ndo kue so lo gue dä.+ 14 David angbâ ti komande na ndö ti Israël kue,+ na lo fâ ngbanga ti azo ti lo kue na lege ti mbilimbili.+ 15 Joab, molenge ti Zéruïah, ayeke na ndö ti aturugu.+ Josaphat,+ molenge ti Ahilud, ayeke zo so ayeke bâ lege ti ambeti. 16 Zadoc molenge ti Ahitub nga Ahimélec molenge ti Abiathar ayeke aprêtre. Shavsha ayeke wakuasu. 17 Bénaïah molenge ti Jéhoïada ayeke na ndö ti azo ti mara ti Kérét+ na ti Pélét.+ Amolenge ti David ayeke akota zo so asara kua na terê ti lo.

19 Na pekoni, Nahash gbia ti azo ti Ammon akui, na molenge ti lo aga gbia na peko ti lo.+ 2 Tongana David amä tënë ni, lo tene: “Mbi yeke fa tâ ndoye+ na mbage ti Hanun, molenge ti Nahash, ndali ti so babâ ti lo afa tâ ndoye lani na mbage ti mbi.” Tongaso, David atokua azo ti gue ti dë bê ti Hanun na peko ti kuâ ti babâ ti lo. Me na ngoi so awakua ti David asi na kodro ti azo ti Ammon+ ti dë bê ti Hanun, 3 amokonzi ti azo ti Ammon ahunda Hanun, atene: “Mo pensé so David ane babâ ti mo la lo tokua azo ti ga ti dë bê ti mo so? Lo tokua awakua ti lo na mo ti ga ti bâ yâ ti gbata ni mbilimbili, ti bembe ndo nga ti kinda gbata ni la ape?” 4 Tongaso, Hanun agbu awakua ti David, lo kio kuä ti yanga ti ala+ mbage oko kue nga lo suru bongo ti ala juska asi na ngbonda ti ala na lo tomba ala. 5 Tongana a sara tënë ti ala na David, hio lo tokua ambeni zo ti gue ti wara ala, ndali ti so kamene ahon ndö ti ala. Nga Gbia David atene na ala: “Ala ngbâ na Jéricho+ juska kuä ti yanga ti ala asigi si ala kiri.”

6 A si na mbeni ngoi, azo ti Ammon ahinga so ala ga tongana mbeni ye so afun sioni na hôn ti David. Tongaso, Hanun na azo ti Ammon atokua talent* 1 000 ti loué apuse ti mbarata nga na azo ti kpengo na mbarata ti kodro ti Mésopotamie,* ti Aram-Maacah nga na ti Zobah+ ti ga ti sara bira na terê ti ala. 7 A yeke tongaso si ala loué apuse ti mbarata 32 000 nga na gbia ti kodro ti Maacah na azo ti lo. Ala gue asara camp ti ala na gbele kodro ti Médeba.+ Azo ti Ammon alondo na yâ ti agbata ti ala, ala bungbi terê ti ala ti gue ti sara bira.

8 Tongana David amä tënë ni, lo tokua Joab+ na aturugu ti lo kue, so na popo ni a yeke wara angangu zo ti lo ti bira.+ 9 Aturugu ti azo ti Ammon ague aduti na ndo so azo ayeke hon ka dä ti lï na yâ ti gbagba ti gbata ti ala, na ala leke terê ti ala ti sara bira. Me agbia so aga ti mû maboko na ala aduti ti ala na yâ ti benyama.

10 Tongana Joab abâ so aturugu ayeke ga na devant ti ala nga na peko ti ala ti sara bira na ala, lo soro ambeni kpengba turugu ti Israël, na ala leke terê ti ala ti gue ti tiri na azo ti Syrie.+ 11 Lo zia tanga ti aturugu ni na maboko ti ita ti lo Abishaï+ ti tene ala gue ala tiri na azo ti Ammon. 12 Na pekoni lo tene: “Tongana azo ti Syrie+ ahon ndö ti mbi, mo ga mo sö mbi. Me tongana azo ti Ammon ahon ndö ti mo, mbi la mbi yeke sö mo. 13 E kpengba terê ti e nga e sara mbeto pëpe+ ndali ti nzoni ti azo ti e nga na agbata ti Nzapa ti e. Jéhovah ayeke sara ande ye so ayeke nzoni na lê ti lo.”

14 Joab na azo ti lo ague atiri na azo ti Syrie, na azo ti Syrie akpe.+ 15 Tongana azo ti Ammon abâ so azo ti Syrie akpe, ala nga kue ala kpe na devant ti Abishaï ita ti Joab, ala lï na yâ ti gbata ti ala. Na pekoni, Joab akiri na Jérusalem.

16 Tongana azo ti Syrie abâ so azo ti Israël akinda ala, ala tokua ti iri azo ti Syrie so ayeke na ando so ayeke na terê ti Ngu ti Euphrate+ ti ga. Shophak, mokonzi ti aturugu ti Hadadézer, la aga na ala.+

17 Tongana David amä tënë ni, hio lo bungbi aturugu ti Israël kue na ala fâ Ngu ti Jourdain, ala gue awara azo ti Syrie, na ala leke terê ti ala ti sara bira na azo ti Syrie ni. David aleke aturugu ti lo ti tingbi na azo ti Syrie, na ala sara bira na lo.+ 18 Me aturugu ti Syrie akpe na devant ti azo ti Israël. David afâ aturugu ti Syrie 7 000 so ayeke kpe na apuse ti mbarata nga na aturugu 40 000 so ayeke tambela na gere. Lo fâ nga Shophak, mokonzi ti aturugu ti Syrie. 19 Tongana awakua ti Hadadézer abâ so azo ti Israël+ akinda ala awe, hio ala gue ala mä terê na David ti hunda siriri. Ala yeda nga ti tene lo komande na ndö ti ala.+ Azo ti Syrie aye ti mû maboko na azo ti Ammon mbeni pëpe.

20 Na tongo nda ti ngu,* agbia ayeke gue ka ti sara bira. Tongaso, Joab+ amû aturugu lo gue lo futi kodro ti azo ti mara ti Ammon. Ala sara camp na terê ti Rabbah,+ me David angbâ na Jérusalem.+ Joab asara bira na gbata ti Rabbah na lo futi ni.+ 2 Na pekoni, David azi couronne ti Malcam na li ti lo. Nengo ti lor so a mû a sara na couronne ni alingbi talent oko.* Na terê ti couronne ni, a yeke wara nga ambeni tênë ti ngangu ngere. A zia couronne ni na li ti David. David amû nga gbâ ti aye na yâ ti gbata ni.+ 3 Lo mû azo ti gbata ni na lo sara si ala ga azo ti kua ti lo.+ Ambeni ayeke pika atênë, ambeni ayeke sara kua na agbakuru so a leke na wen so yanga ni aza nga na adö. A yeke ye so David asara na azo kue ti yâ ti agbata ti azo ti Ammon la. Na pekoni, David na aturugu ti lo kue akiri na Jérusalem.

4 A si na mbeni ngoi, bira alondo na popo ti aPhilistin na azo ti Israël na gbata ti Guézer. Na ngoi ti bira ni so, Sibbécaï,+ zo ti mara ti Hushah, afâ Sippaï, mbeni hale ti Rapha,+ na ala sö benda na ndö ti aPhilistin.

5 Bira akiri alondo na popo ti aPhilistin na azo ti Israël. Elhanan, molenge ti Jaïr, afâ Lahmi, ita ti Goliath+ zo ti gbata ti Gath, so keke ti likongo ti lo ayeke tongana keke ti azo ti kpongo bongo.+

6 Bira akiri alondo na gbata ti Gath.+ Mbeni koli ayeke dä so lo yo mingi;+ akete li ti maboko ti lo ayeke 6 nga akete li ti gere ti lo ayeke 6. Wungo ni kue ayeke 24. Lo nga kue lo yeke mbeni hale ti Rapha.+ 7 Lakue la lo yeke gi ka yanga+ ti azo ti Israël. Tongaso Jonathan, molenge ti Shiméa+ so ayeke ita ti David, afâ lo.

8 Azo so ayeke ahale ti Rapha+ so ayeke na gbata ti Gath;+ David na awakua ti lo afâ ala kue.

21 Mbeni lâ, Satan* alondo ti sara sioni na azo ti Israël; lo pusu David ti diko wungo ti azo ti Israël.+ 2 David atene na Joab+ nga na amokonzi ti azo ni, atene: “Ala gue ala diko wungo ti azo ti Israël, a londo na Béer-Shéba juska na Dan.+ Na pekoni ala ga afa na mbi wungo ti azo ni si mbi hinga ni.” 3 Me Joab atene: “Zia Jéhovah asara si azo ti lo akiri awu fani 100. Seigneur na gbia ti mbi, azo ni kue ayeke awakua ti mo awe ape? Seigneur ti mbi aye ti sara mara ti ye tongaso ngbanga ti nyen? Mo gi ti ga na tënë na li ti azo ti Israël ngbanga ti nyen?”

4 Me yanga ti gbia ahon ndö ti Joab. Tongaso, Joab asigi lo gue lo tambela na yâ ti kodro ti Israël kue, na pekoni lo kiri na Jérusalem.+ 5 Joab amû na David wungo ti azo so a sû iri ti ala na mbeti. Ti Israël, wungo ti azo ti bira kue so ayeke na épée ayeke 1 100 000. Ti Juda, wungo ti aturugu so ayeke na épée ayeke 470 000.+ 6 Me a zia wungo ti azo ti mara ti Lévi nga na ti Benjamin na lê ti mbeti ni pëpe,+ ndali ti so ye so gbia ahunda so anzere na Joab oko pëpe.+

7 Ye so David asara so anzere na tâ Nzapa oko pëpe, ni la lo punir azo ti Israël. 8 David atene na tâ Nzapa: “Ye so mbi sara so ayeke kota siokpari.+ Pardon, mo pardonné mbi wakua ti mo,+ ndali ti kota ye ti buba so mbi sara so.”+ 9 Jéhovah asara tënë na Gad,+ zo ti fango na David peko ti avision. Lo tene: 10 “Gue mo tene na David: ‘Jéhovah atene: “Mbi zia aye ota na gbele mo. Mo soro mbeni oko so mbi doit ti sara na mo.”’” 11 Tongaso, Gad aga na ndo ti David, lo tene: “Jéhovah atene: ‘Soro ye so mo ye: 12 Mo ye ti tene kota nzara+ atï na yâ ti kodro ni na yâ ti ngu ota? Wala mo ye ti tene na yâ ti nze ota awato ti mo atomba peko ti mo na azo ti mo na afâ ambeni na épée?+ Wala mo ye ti tene na yâ ti lango ota épée ti Jéhovah, so ti tene mbeni sioni kobela so ayeke fâ azo mingi, atï na yâ ti kodro ni?+ Ange ti Jéhovah la ayeke futi azo+ na yâ ti kodro ti Israël kue.’ Gbu li ti mo dä, na mo fa na mbi ye so a yeke nzoni mbi gue mbi fa na zo so atokua mbi.” 13 Tongaso, David atene na Gad: “Vundu asara mbi mingi. Pardon, a yeke nzoni mbi tï na yâ ti maboko ti Jéhovah ndali ti so nzoni bê ti lo ayeke kota mingi;+ me mbi ye ti tï na yâ ti maboko ti zo pëpe.”+

14 Jéhovah atokua mbeni sioni kobela+ na ndö ti azo ti Israël, na azo ti Israël 70 000 akui.+ 15 Na ndö ni, tâ Nzapa atokua mbeni ange na Jérusalem ti futi ni. Me na ngoi so ange ni aye ti fâ azo ni, Jéhovah abâ ni na lo regretté* ye ti ngangu so lo ga na ni.+ Ni la lo tene na ange so ayeke fâ azo ni, lo tene: “A lingbi awe!+ Kiri na maboko ti mo!” Ange ti Jéhovah ni aluti nduru na ndo ti pikango alê ti kobe ti Ornan,+ zo ti mara ti Jébus.+

16 Tongana David ayô lê ti lo na nduzu, lo bâ ange ti Jéhovah so aluti na popo ti nduzu na sese. Lo gboto épée+ ti lo na yâ ti bozo ni na lo yôro ni na mbage ti Jérusalem. Hio David na a-ancien, so ayü bongo ti vundu,+ akuku, ala kpo li ti ala na sese.+ 17 David ahunda tâ Nzapa, atene: “Mbi la mbi mû yanga ti tene a diko wungo ti azo ni ape? Mbi la mbi sara siokpari,+ mbi la mbi sara ye so ayeke na lege ni pëpe. Me ataba so, nyen la ala sara ti ala nyen? Jéhovah Nzapa ti mbi, pardon, mo sara sioni ni gï na mbi nga na azo ti da ti babâ ti mbi. Me ga na sioni kobela so na ndö ti azo ti mo pëpe.”+

18 Ange ti Jéhovah atene na Gad+ ti gue ti tene na David ti monté ti leke mbeni gbalaka na Jéhovah na ndo ti pikango alê ti kobe ti Ornan, zo ti mara ti Jébus.+ 19 Tongaso, David amonté tongana ti so Gad atene na lo, a lingbi na tënë ti yanga ti Jéhovah. 20 Ornan atourné terê ti lo lo bâ ange ni; me amolenge ti lo ti koli osio so ayeke na terê ti lo akpe ahonde terê ti ala. Andâ Ornan ayeke pika fade lê ti blé. 21 Tongana David asi nduru na Ornan, Ornan abâ ndo na lo bâ David. Hio lo sigi lo gue na devant ti lo, lo kuku na gbe ti David, na lo kpo li ti lo na sese. 22 David atene na Ornan: “Kä* na mbi ndo ti pikango alê ti kobe ti mo so si mbi leke mbeni gbalaka dä na Jéhovah. Kä ni na mbi na tâ ngere ni, tongaso si sioni kobela so atï na ndö ti azo so akaï.”+ 23 Me Ornan atene na David: “Mû ni senge. Zia seigneur na gbia ti mbi amû ni asara na ye so ayeke nzoni na lê ti lo. Bâ mbi mû na mo abagara ndali ti sandaga so a zö ni agbi kue. Mû keke so abagara agboto ni ti pika na alê ti kobe+ so mo sara na wâ. Mû nga blé ni mo mû na sandaga ti lê ti kobe. Mbi mû aye so kue na mo.”

24 Me Gbia David atene na Ornan: “Ên-ën, mbi yeke vo ni vongo na tâ ngere ni, ndali ti so mbi yeke mû pëpe ye so ayeke ti mo ti mû na Jéhovah wala ti yâa na sandaga so a zö ni agbi kue mbeni ye so mbi futa ye ndali ni pëpe.”+ 25 Tongaso, David amû na Ornan sicle* 600 ti lor ndali ti ndo ni. 26 David aleke gbalaka+ na ndo ni so na Jéhovah, lo mû asandaga so a zö ni agbi kue nga na asandaga ti beoko. Lo iri Jéhovah, na lo kiri tënë na lo na lege so wâ+ alondo na yayu atï na ndö ti gbalaka ti sandaga so a zö ni agbi kue. 27 Na pekoni, Jéhovah amû yanga na ange ni+ ti kiri na épée ti lo na yâ ti bozo ni. 28 Gï so David abâ so Jéhovah akiri tënë na lo na ndo ti pikango alê ti kobe ti Ornan, zo ti mara ti Jébus, lo ngbâ lakue ti mû asandaga na ndo ni so. 29 Me na ngoi ni so, tabernacle ti Jéhovah so Moïse aleke lani na yâ ti benyama nga na gbalaka ti zongo na asandaga ayeke na Gabaon na ndo so ayeke na nduzu.+ 30 Me David awara lege pëpe ti gue ti luti na gbele gbalaka ni ti hunda Nzapa, ndali ti so mbeto ti épée ti ange ti Jéhovah asara lo ngangu.

22 Na pekoni, David atene: “Na ndo so la a yeke leke ande da ti Jéhovah, so ayeke tâ Nzapa, nga na gbalaka ti zongo na asandaga ndali ti azo ti Israël.”+

2 David amû nga yanga ti tene a bungbi awande+ so asara kodro na Israël, na lo mû ala ti ga azo ti surungo yâ ti atênë nga ti dë terê ni pendere si a leke na da ti tâ Nzapa.+ 3 David abungbi nga gbâ ti wen ti tene a leke na apointe ti pikango na ayanga ti gbagba. Lo mû nga mbeni wen ni ti tene a leke na aye so a yeke sara kua na ni ti gbu na aye use na terê ti mba. Lo bungbi nga gbâ ti cuivre so a hinga nengo ni pëpe.+ 4 David abungbi nga gbâ ti keke ti cèdre,+ ndali ti so azo ti kodro ti Sidon+ nga na ti Tyr+ aga na gbâ ti keke ti cèdre na lo. 5 David atene: “Molenge ti mbi Salomon ade maseka nga ade lo hinga ndo mingi pëpe.*+ A lingbi a leke da ti Jéhovah na mbeni lege so ayeke tâ pendere mingi,+ tongaso si sango ni amû yâ ti akodro kue+ nga si azo kue agonda pendere ni.+ Ni la mbi yeke leke na lo aye ti sarango na da ni.” Tongaso, David abungbi gbâ ti akungba ti lekengo na da ni kozoni si lo kui.

6 Na ndö ni, David airi molenge ti lo Salomon, lo fa na lo tongana nyen ti leke da na Jéhovah Nzapa ti Israël. 7 David atene na Salomon: “Ti mbi, mbi ye mingi ti leke mbeni da ndali ti iri ti Jéhovah Nzapa ti mbi.+ 8 Me Jéhovah atene na mbi: ‘Mo tuku mênë mingi, nga mo fâ azo mingi na ngoi ti abira. Mo la mo yeke leke da ndali ti iri ti mbi pëpe,+ ndali ti gbâ ti mênë ti azo so mbi bâ mo na tukungo ni. 9 Mo yeke dü ande mbeni molenge+ so ayeke duti zo so aye siriri.* Mbi yeke sara si siriri aduti na popo ti lo na awato ti lo kue so angoro lo.+ Ndani la a yeke zia iri ti lo Salomon,*+ na mbi yeke sara si azo ti Israël aduti na siriri na ngoi ti komandema ti lo.+ 10 Lo la lo yeke leke ande da ndali ti iri ti mbi.+ Lo yeke ga ande molenge ti mbi na mbi yeke duti babâ ti lo.+ Mbi yeke sara si komandema ti lo na ndö ti azo ti Israël aluti nzoni lakue.’+

11 “Ti fadeso, molenge ti mbi, zia Jéhovah aduti na mo, nga zia mo leke da ti Jéhovah Nzapa ti mo juska ahunzi nzoni, tâ gï tongana ti so lo tene mo la mo yeke sara ni.+ 12 Zia Jéhovah asara si mo sara ye na hange nga tongana zo so ahinga ndo+ na ngoi so lo yeke mû na mo komandema na ndö ti azo ti Israël, tongaso si mo ngbâ ti bata ndia ti Jéhovah Nzapa ti mo.+ 13 Tongana mo sara kue ti bata ambela nga na andia+ ti Jéhovah so afa lege na zo, so lo mû na Moïse ti mû na azo ti Israël,+ aye kue so mo sara ayeke ga nzoni. Sara ye na mbeto pëpe, luti tongana koli. Sara mbeto pëpe nga zia si mbeto ahon ndö ti mo pëpe.+ 14 Bâ, mbi sara kua ngangu ti bungbi aye ti leke na da ti Jéhovah: talent* ti lor 100 000, talent ti argent 1 000 000 nga na gbâ ti cuivre na wen+ so a hinga nengo ni pëpe. Mbi bungbi gbâ ti keke na atênë,+ me mo yeke zia ande ambeni na ndö ni. 15 Mo yeke na gbâ ti azo ti kua: azo ti surungo yâ ti atênë, azo ti dengo terê ti tênë pendere,+ acharpentier nga na azo so ayeke na akode nde nde kue ti sara na kua.+ 16 A lingbi pëpe ti hinga nengo ti lor, argent, cuivre nga na wen so a yeke hunda ti sara na kua ni.+ Londo mo komanse kua ni, na zia Jéhovah aduti na mo.”+

17 Na pekoni, David amû yanga na amokonzi kue ti Israël ti mû maboko na molenge ti lo Salomon, lo tene: 18 “Jéhovah Nzapa ti ala ayeke na ala ape? Lo sara si siriri ayeke na popo ti ala na awato ti ala kue. Lo zia azo so asara kodro ge ândö na maboko ti mbi. Jéhovah na azo ti lo amû kodro ni. 19 Ti fadeso, ala sara kue ti gi Jéhovah Nzapa ti ala+ na bê ti ala kue nga na âme* ti ala kue. Ala komanse ti leke ndo ti duti ti Jéhovah tâ Nzapa,+ si ala ga na sanduku ti mbele ti Jéhovah nga na akungba so a zia ni nde ti sara na kua ti tâ Nzapa+ na yâ ti da so a yeke leke ni ndali ti iri ti Jéhovah.”+

23 Tongana David aga mbakoro awe na lo ga nduru ti kui,* lo zia molenge ti lo Salomon gbia na ndö ti azo ti Israël.+ 2 Lo bungbi amokonzi kue ti Israël, aprêtre+ nga na azo ti mara ti Lévi kue.+ 3 A diko wungo ti azo ti mara ti Lévi oko oko kue so ayeke na ngu 30 ti gue na ni,+ na wungo ti ala ayeke 38 000. 4 Azo 24 000 na popo ti ala ayeke bâ ndo na ndö ti akua so a yeke sara na da ti Jéhovah, nga ambeni 6 000 ayeke ajuge nga akota zo na yâ ti kua ti ala.+ 5 A yeke wara nga azo 4 000 so ayeke bata ayanga ti gbagba,+ azo 4 000 so ayeke sepela+ Jéhovah na aye ti mozoko so David asara tënë ni, atene: “Mbi leke agbakuru so ti sepela na Nzapa.”

6 David azia* azo ti mara ti Lévi na yâ ti abungbi nde nde+ alingbi na akotara ti ala so ayeke amolenge ti Lévi. Amolenge ti Lévi ni ayeke Guershon, Kohath na Mérari.+ 7 Na popo ti ahale ti Guershon, a yeke wara Ladan na Shiméï. 8 Amolenge ti Ladan ti koli ayeke ota: Jéhiel so ayeke mokonzi, Zétham na Joël.+ 9 Amolenge ti Shiméï ti koli ayeke ota: Shélomoth, Haziel na Haran. Ala yeke amokonzi ti ahale ti Ladan. 10 Amolenge ti Shiméï ti koli ayeke Jahath, Zina, Jéush na Bériah. Azo osio so ayeke amolenge ti Shiméï. 11 Jahath la ayeke mokonzi, na Zizah ayeke use zo na peko ti lo. Me teti so Jéush na Bériah adü amolenge ti koli mingi pëpe, a diko ala tongana fami oko na a zia ala ti sara kua ndo oko.

12 Amolenge ti Kohath ti koli ayeke osio: Amram, Izhar,+ Hébron na Uzziel.+ 13 Amolenge ti Amram ayeke Aaron+ na Moïse.+ Me ti Aaron na amolenge ti lo ti koli, a zia ala nde+ ti sara si Ndo so ayeke nzoni kue kue kue aga sioni pëpe, ti yâa asandaga na gbele Jéhovah, ti sara kua na lo nga ti iri tënë nzoni na ndö ti azo na iri ti lo lakue.+ 14 Âdu ti Moïse, zo ti tâ Nzapa, a zia iri ti amolenge ti lo na popo ti azo ti mara ti Lévi. 15 Amolenge ti Moïse ayeke Guershom+ na Éliézer.+ 16 Na popo ti amolenge ti Guershom ti koli, Shébuel+ la ayeke mokonzi. 17 Na popo ti ahale* ti Éliézer, Réhabiah+ la ayeke mokonzi. Éliézer adü amolenge ti koli mingi pëpe, me amolenge ti Réhabiah ti koli la ayeke gbani. 18 Na popo ti amolenge ti Izhar+ ti koli, Shélomith+ la ayeke mokonzi. 19 Amolenge ti Hébron ti koli ayeke Jériah mokonzi ni, Amariah ayeke use zo na peko ti lo, Jahaziel ayeke ota zo ni na Jécaméam+ osio zo ni. 20 Amolenge ti Uzziel+ ti koli ayeke Michée so ayeke mokonzi, na Isshiah so ayeke use zo na peko ti lo.

21 Amolenge ti Mérari ti koli ayeke Mahli na Mushi.+ Amolenge ti Mahli ti koli ayeke Éléazar na Kish. 22 Éléazar akui, me lo dü amolenge ti koli pëpe; lo dü gï awali. Tongaso, amolenge ti Kish so ayeke afami ti ala* amû ala ti ga awali ti ala. 23 Amolenge ti Mushi ti koli ayeke ota: Mahli, Éder na Jérémoth.

24 Ala so la ayeke ahale ti Lévi alingbi na akotara ti ala, nga ala yeke amokonzi ti ahale ti akotara ti ala. Ala la a diko wungo ti ala nga a sû iri ti ala na mbeti. Ala yeke sara akua so a mû na ala na da ti Jéhovah. Ngu ti ala alondo na 20 ti gue na ni. 25 David atene lani: “Jéhovah Nzapa ti Israël asara si azo ti lo awu terê ti ala awe,+ nga lo yeke sara ande kodro na Jérusalem biani biani.+ 26 Nga azo ti mara ti Lévi ayeke kiri ti yô pëpe tabernacle ni wala agbakuru ni.”+ 27 Ti gue oko na tanga ti yanga so David amû, a diko wungo ti azo ti mara ti Lévi so ngu ti ala alondo na 20 ti gue na ni. 28 Kua ti ala ayeke ti mû maboko na ahale ti Aaron+ ti sara kua na da ti Jéhovah, ti bâ ndo na ndö ti alê ti lacour+ na ada ti tengo ye, nga ti sara si aye kue so a zia ni nde ndali ti kua ti Nzapa aga sioni pëpe. Ala yeke sara nga akua kue so a hunda ti sara ni na da ti tâ Nzapa. 29 Ala mû maboko na kua ti mapa so a dö ni na ndö ti terê,*+ pendere farine so a yeke sara na ambeni ye ti mû na sandaga ti lê ti kobe, mapa so a sara ni gï na ngu na farine,+ gâteau so a yôro na yâ ti gbarabuba, mengo farine,+ nga na aye kue so a haka ni ti hinga konongo ni, nengo ni nga na yongo ni. 30 Lakue na ndapre+ nga na lakui, ala yeke luti ti kiri singila na Jéhovah nga ti sepela lo.+ 31 Ala yeke mû maboko na ngoi kue so a yeke zö asandaga na Jéhovah: na alango ti sabbat,+ ti afini nze+ nga na ngoi ti amatanga so a yeke sara na yâ ti ngu oko oko.+ Ala sara ni alingbi na aye so a sû na yâ ti mbeti ti ndia, nga ala yeke sara ni lakue na gbele Jéhovah. 32 Ala yeke bâ nga lege ti akua ti ala so andu tente ti bungbi nga na ndo so ayeke nzoni-kue; ala yeke mû nga maboko na aita ti ala ahale ti Aaron ti sara kua ti da ti Jéhovah.

24 A kangbi yâ ti ahale ti Aaron na yâ ti abungbi nde nde. Amolenge ti Aaron ti koli ayeke Nadab, Abihu,+ Éléazar na Ithamar.+ 2 Me Nadab na Abihu akui kozo ti babâ ti ala,+ nga ala dü molenge ti koli pëpe. Ye oko, Éléazar+ na Ithamar la angbâ lani na kua ti prêtre. 3 David na Zadoc,+ so ayeke hale ti Éléazar, nga na Ahimélec, so ayeke hale ti Ithamar, la akangbi yâ ti ahale ti Éléazar na ti Ithamar na yâ ti abungbi nde nde ti sara akua so a mû na ala. 4 So wungo ti ahale ti Éléazar so ayeke amokonzi ayeke mingi ahon ala ti Ithamar, a kangbi yâ ti ala alingbi na ni: A mû azo 16 na popo ti ahale ti Éléazar ti duti amokonzi ti ahale ti akotara ti ala; nga a mû azo 8 na popo ti ahale ti Ithamar ti duti amokonzi ti ahale ti akotara ti ala.

5 Na pekoni, a sara mbeni ye ti kangbi kua+ na ahale ti Éléazar na ti Ithamar, ndali ti so na popo ti ahale ti ala use kue, a soro amokonzi so ayeke bâ lege ti ndo so a yeke voro Nzapa dä nga na ala so ayeke bâ lege ti kua ti tâ Nzapa. 6 Wakuasu Shémaïah, molenge ti Néthanel so ayeke zo ti mara ti Lévi, la asû iri ti ala na mbeti na lê ti gbia, na lê ti amokonzi, na lê ti prêtre Zadoc,+ na lê ti Ahimélec+ molenge ti Abiathar+ nga na lê ti amokonzi ti ahale ti akotara ti aprêtre na ti azo ti mara ti Lévi. Tongana a sara mbeni ye si a soro mbeni groupe ti ahale ti Éléazar awe, na pekoni a yeke sara nga mbeni ti soro mbeni groupe ti ahale ti Ithamar; a sara tongaso juska a hunzi.

7 Kozo ye ni atï na ndö ti Jéhoïarib; use ni atï na ndö ti Jédaïah; 8 ota ni atï na ndö ti Harim; osio ni atï na ndö ti Séorim; 9 oku ni atï na ndö ti Malkijah; omene ni atï na ndö ti Mijamin; 10 mbasambala ni atï na ndö ti Haccoz; miombe ni atï na ndö ti Abijah;+ 11 gumbaya ni atï na ndö ti Jéshua; bale-oko ni atï na ndö ti Shécaniah; 12 ti 11 ni, a tï na ndö ti Éliashib; ti 12 ni, a tï na ndö ti Jakim; 13 ti 13 ni, a tï na ndö ti Huppah; ti 14 ni, a tï na ndö ti Jéshébéab; 14 ti 15 ni, a tï na ndö ti Bilgah; ti 16 ni, a tï na ndö ti Immer; 15 ti 17 ni, a tï na ndö ti Hézir; ti 18 ni, a tï na ndö ti Happizzez; 16 ti 19 ni, a tï na ndö ti Péthahiah; ti 20 ni, a tï na ndö ti Jéhezkel; 17 ti 21 ni, a tï na ndö ti Jakin; ti 22 ni, a tï na ndö ti Gamul; 18 ti 23 ni, a tï na ndö ti Délaïah, na ti 24 ni, a tï na ndö ti Maaziah.

19 Azo so la ayeke amokonzi na ndö ti kua ti ala.+ Ala yeke ga na yâ ti da ti Jéhovah alingbi na gere ti kua ni so kotara ti ala Aaron afa, tâ gï tongana ti so Jéhovah Nzapa ti Israël amû yanga na lo ti sara ni.

20 Na popo ti tanga ti azo ti mara ti Lévi, a yeke wara Shubaël+ mbeni hale ti Amram;+ na popo ti ahale ti Shubaël, a yeke wara Jéhdéïah. 21 Na popo ti ahale ti Réhabiah,+ a yeke wara Isshiah so ayeke mokonzi ni. 22 Na popo ti ahale ti Izhar, a yeke wara Shélomoth;+ na popo ti ahale ti Shélomoth, a yeke wara Jahath. 23 Na popo ti ahale ti Hébron, a yeke wara Jériah+ so ayeke mokonzi ni, Amariah so ayeke use zo ni, Jahaziel ota zo ni na Jécaméam osio zo ni. 24 Na popo ti ahale ti Uzziel, a yeke wara Michée; na popo ti ahale ti Michée, a yeke wara Shamir. 25 Isshiah ayeke ita ti Michée ti koli; na popo ti ahale ti Isshiah, a yeke wara Zacharie.

26 Amolenge ti Mérari+ ti koli ayeke Mahli na Mushi; na popo ti ahale ti Jaaziah, a yeke wara Béno. 27 Na popo ti ahale ti Mérari, a yeke wara ahale ti Jaaziah: Béno, Shoham, Zaccur na Ibri. 28 Na popo ti ahale ti Mahli, a yeke wara Éléazar so lo dü molenge ti koli pëpe.+ 29 Na popo ti ahale ti Kish, a yeke wara Jérahméel molenge ti Kish. 30 Amolenge ti Mushi ti koli ayeke Mahli, Éder na Jérimoth.

Azo so la ayeke ahale ti Lévi alingbi na amokonzi ti ahale ti lo. 31 A sara nga mbeni ye ti soro ala+ tongana ti so aita ti ala ahale ti Aaron asara lani na lê ti Gbia David, na lê ti Zadoc, na lê ti Ahimélec nga na amokonzi ti ahale ti aprêtre na ti azo ti mara ti Lévi. Ala so a soro ala ti duti amokonzi ti ahale ti akotara ti ala so, atâa zo ni ayeke kota zo wala maseka, ala kue ayeke legeoko.

25 Na pekoni, David na amokonzi ti abungbi ti azo so ayeke sara kua na temple asoro ambeni molenge ti Asaph, ti Héman na ti Jéduthun+ ti tene aprophétie na ngoi so ala yeke pika harpe na ambeni ye ti mozoko so ayeke na kamba+ nga na acymbale.+ Iri ti azo so a mû na ala akua ayeke so: 2 na popo ti amolenge ti Asaph, a yeke wara Zaccur, Joseph, Néthaniah na Asharélah. Babâ ti ala Asaph la ayeke na ndö ti ala, na ala yeke tene prophétie alingbi na ye so gbia afa. 3 Na popo ti amolenge ti Jéduthun,+ a yeke wara azo omene: Guédaliah, Zéri, Jéshaïah, Shiméï, Hashabiah na Mattithiah.+ Babâ ti ala Jéduthun la ayeke na ndö ti ala, na ala yeke tene aprophétie na ngoi so ala yeke pika harpe ti kiri singila na Jéhovah nga ti sepela lo.+ 4 Na popo ti amolenge ti Héman,+ a yeke wara Bukkiah, Mattaniah, Uzziel, Shébuel, Jérimoth, Hananiah, Hanani, Éliathah, Guiddalti, Romamti-Ézer, Joshbécashah, Mallothi, Hothir na Mahazioth. 5 Azo so kue ayeke amolenge ti Héman. Héman ayeke zo so ayeke fa na gbia peko ti aye so, na yâ ti vision, tâ Nzapa afa na lo ti sara ti mû gloire na lo.* Ni la tâ Nzapa amû na Héman amolenge ti koli 14 na amolenge ti wali 3. 6 Azo so kue so, babâ ti ala la ayeke na ndö ti ala, na ala yeke he bia na da ti Jéhovah, ala yeke pika acymbale nga aharpe na ambeni ye ti mozoko so ayeke nga na kamba.+ Ye so ayeke kusala ti ala na da ti tâ Nzapa la.

Gbia la ayeke na ndö ti Asaph, Jéduthun na Héman.

7 Ala so a fa na ala kode ti hengo bia na Jéhovah, si ala hinga ti he bia nzoni mingi, wungo ti ala na aita ti ala ayeke 288. 8 Tongaso, a sara mbeni ye+ ti kangbi yâ ti akua ni na ala kue legeoko; atâa akete zo wala akota zo, zo so ahinga kua ti lo nzoni mingi wala zo so amanda ni mandango.

9 Kozo ye ni atï na ndö ti Joseph+ molenge ti Asaph; use ni atï na ndö ti Guédaliah:+ lo, aita ti lo ti koli nga na amolenge ti lo ti koli, wungo ti ala ayeke 12. 10 Ota ni atï na ndö ti Zaccur:+ lo, amolenge ti lo ti koli nga na aita ti lo ti koli, wungo ti ala ayeke 12. 11 Osio ni atï na ndö ti Izri: lo, amolenge ti lo ti koli nga na aita ti lo ti koli, wungo ti ala ayeke 12. 12 Oku ni atï na ndö ti Néthaniah:+ lo, amolenge ti lo ti koli nga na aita ti lo ti koli, wungo ti ala ayeke 12. 13 Omene ni atï na ndö ti Bukkiah: lo, amolenge ti lo ti koli nga na aita ti lo ti koli, wungo ti ala ayeke 12. 14 Mbasambala ni atï na ndö ti Jésharélah: lo, amolenge ti lo ti koli nga na aita ti lo ti koli, wungo ti ala ayeke 12. 15 Miombe ni atï na ndö ti Jéshaïah: lo, amolenge ti lo ti koli nga na aita ti lo ti koli, wungo ti ala ayeke 12. 16 Gumbaya ni atï na ndö ti Mattaniah: lo, amolenge ti lo ti koli nga na aita ti lo ti koli, wungo ti ala ayeke 12. 17 Bale-oko ni atï na ndö ti Shiméï: lo, amolenge ti lo ti koli nga na aita ti lo ti koli, wungo ti ala ayeke 12. 18 Ti 11 ni, a tï na ndö ti Azarel: lo, amolenge ti lo ti koli nga na aita ti lo ti koli, wungo ti ala ayeke 12. 19 Ti 12 ni, a tï na ndö ti Hashabiah: lo, amolenge ti lo ti koli nga na aita ti lo ti koli, wungo ti ala ayeke 12. 20 Ti 13 ni, a tï na ndö ti Shubaël:+ lo, amolenge ti lo ti koli nga na aita ti lo ti koli, wungo ti ala ayeke 12. 21 Ti 14 ni, a tï na ndö ti Mattithiah: lo, amolenge ti lo ti koli nga na aita ti lo ti koli, wungo ti ala ayeke 12. 22 Ti 15 ni, a tï na ndö ti Jérémoth: lo, amolenge ti lo ti koli nga na aita ti lo ti koli, wungo ti ala ayeke 12. 23 Ti 16 ni, a tï na ndö ti Hananiah: lo, amolenge ti lo ti koli nga na aita ti lo ti koli, wungo ti ala ayeke 12. 24 Ti 17 ni, a tï na ndö ti Joshbécashah: lo, amolenge ti lo ti koli nga na aita ti lo ti koli, wungo ti ala ayeke 12. 25 Ti 18 ni, a tï na ndö ti Hanani: lo, amolenge ti lo ti koli nga na aita ti lo ti koli, wungo ti ala ayeke 12. 26 Ti 19 ni, a tï na ndö ti Mallothi: lo, amolenge ti lo ti koli nga na aita ti lo ti koli, wungo ti ala ayeke 12. 27 Ti 20 ni, a tï na ndö ti Éliathah: lo, amolenge ti lo ti koli nga na aita ti lo ti koli, wungo ti ala ayeke 12. 28 Ti 21 ni, a tï na ndö ti Hothir: lo, amolenge ti lo ti koli nga na aita ti lo ti koli, wungo ti ala ayeke 12. 29 Ti 22 ni, a tï na ndö ti Guiddalti:+ lo, amolenge ti lo ti koli nga na aita ti lo ti koli, wungo ti ala ayeke 12. 30 Ti 23 ni, a tï na ndö ti Mahazioth:+ lo, amolenge ti lo ti koli nga na aita ti lo ti koli, wungo ti ala ayeke 12. 31 Ti 24 ni, a tï na ndö ti Romamti-Ézer:+ lo, amolenge ti lo ti koli nga na aita ti lo ti koli, wungo ti ala ayeke 12.

26 Bungbi ti azo so ayeke bata ayanga ti gbagba+ ayeke tongaso: na popo ti ahale ti Coré: molenge ti lo Méshélémiah+ so ayeke hale ti Asaph. 2 Méshélémiah adü amolenge ti koli: kozo molenge ni ayeke Zacharie, use ni ayeke Jédiaël, ota ni ayeke Zébadiah, osio ni ayeke Jathniel, 3 oku ni ayeke Élam, omene ni ayeke Jéhohanan, na mbasambala ni ayeke Éliéhoénaï. 4 Obed-Édom nga adü amolenge ti koli: kozo molenge ni ayeke Shémaïah, use ni ayeke Jéhozabad, ota ni ayeke Joah, osio ni ayeke Sacar, oku ni ayeke Néthanel, 5 omene ni ayeke Ammiel, mbasambala ni ayeke Issacar, na miombe ni ayeke Péüllétaï. A yeke tongaso la Nzapa airi tënë nzoni na ndö ti Obed-Édom.

6 Molenge ti lo Shémaïah adü amolenge ti koli so ayeke amokonzi ti ahale ti akotara ti ala, ndali ti so ala yeke angangu koli so ahinga ti sara kua nzoni. 7 Shémaïah adü Othni, Réphaël, Obed na Elzabad. Élihu na Sémakiah so ayeke aita ti Elzabad ayeke nga akoli so ahinga ti sara kua nzoni. 8 Ala so kue ayeke ahale ti Obed-Édom. Ala, amolenge ti ala ti koli nga na aita ti ala ti koli ahinga ti sara kua nzoni nga ala lingbi na kua so a mû na ala. Wungo ti ahale ti Obed-Édom so a mû na ala kua ayeke 62. 9 Méshélémiah+ adü amolenge ti koli nga lo yeke na aita ti koli. Wungo ti ala ayeke 18 na ala hinga ti sara kua nzoni. 10 Hosah so ayeke hale ti Mérari adü amolenge ti koli. Shimri la ayeke mokonzi. Atâa so lo yeke kozo molenge pëpe, babâ ti lo azia lo mokonzi. 11 Hilkiah ayeke use zo na peko ti lo, ota ni ayeke Tébaliah, osio ni ayeke Zacharie. Wungo ti amolenge ti Hosah ti koli nga na aita ti lo ti koli ayeke 13.

12 Na popo ti bungbi ti azo ti batango ayanga ti gbagba so, amokonzi ni ayeke na kua tongana ti aita ti ala. Ala yeke sara kua na da ti Jéhovah. 13 A sara mbeni ye ti soro+ azo so a yeke zia ala na ayanga ti gbagba. Atâa zo ni ayeke kete zo wala kota zo, ala kue ayeke legeoko. A soro ala alingbi na akotara ti ala. 14 Ti yanga ti gbagba ti mbage ti est, ye ni atï na ndö ti Shélémiah. Ti yanga ti gbagba ti mbage ti nord, ye ni atï na ndö ti molenge ti lo Zacharie. Lo yeke zo ti mungo wango so ayeke sara ye na hange mingi. 15 Ye ni asoro Obed-Édom ti bata yanga ti gbagba ti mbage ti sud. A zia amolenge+ ti lo ti koli ti bata agogoro. 16 Ye ni asoro Shuppim na Hosah+ ti bata yanga ti gbagba ti mbage ti ouest so ayeke nduru na Porte so a iri ni Shalléketh. A yeke na terê ti kota lege so ague na mbage ti nduzu. A zia agroupe ti azo ti batango ayanga ti gbagba ni mbage na mbage. 17 A zia azo ti mara ti Lévi omene na mbage ti est. Lâ oko oko, azo osio ayeke duti na mbage ti nord nga azo osio ayeke duti na mbage ti sud. Ti agogoro,+ azo ni ayeke use use. 18 Ti bata véranda so ayeke na mbage ti ouest, a zia azo osio na terê ti kota lege+ nga azo use na terê ti véranda ni. 19 So ayeke abungbi ti azo ti batango ayanga ti gbagba so a soro ala na popo ti ahale ti Coré na ti Mérari.

20 Na popo ti azo ti mara ti Lévi, a soro Ahijah ti bâ lege ti ando so a yeke bata amosoro ti da ti tâ Nzapa dä nga na ando so a yeke bata aye so a zia ni nde+ ndali ti kua ti Nzapa* dä. 21 Amolenge ti Ladan, so ayeke mbeni hale ti Guershon, ayeke amokonzi ti ahale ti babâ ti ala Ladan. Na popo ti ala, a soro Jéhiéli,+ 22 amolenge ti lo ti koli, Zétham nga na ita ti lo Joël. Ala la ayeke bâ lege ti ando so a yeke bata amosoro ti da ti Jéhovah dä.+ 23 Na popo ti ahale ti Amram, ti Izhar, ti Hébron nga na ti Uzziel,+ 24 a soro Shébuel, hale ti Guershom so ayeke molenge ti Moïse, ti duti mokonzi so ayeke bâ lege ti agogoro. 25 Na popo ti afami ti Shébuel, so ayeke ahale ti Éliézer,+ a soro Réhabiah,+ Jéshaïah, Joram, Zicri nga na Shélomoth. 26 Shélomoth na aita ti lo ti koli la ayeke bâ lege ti ando kue so a yeke bata amosoro so a zia ni nde+ ndali ti kua ti Nzapa dä. Gbia David,+ azo so ayeke amokonzi ti ahale ti akotara ti ala,+ amokonzi ti azo saki oko saki oko na amokonzi ti azo ngbangbo oko ngbangbo oko nga na amokonzi ti aturugu la azia amosoro ni so nde ndali ti Nzapa. 27 Ala mû ambeni ye so ala gbu+ na ngoi ti abira,+ ala zia ni nde ti sara na akua na terê ti da ti Jéhovah si angbâ lakue nzoni. 28 Ala zia nga na terê ni aye kue so Samuel zo ti bango ye,+ Saül molenge ti Kish, Abner+ molenge ti Ner nga na Joab+ molenge ti Zéruïah+ azia ni nde ndali ti kua ti Nzapa. Ye kue so azo azia ni nde ndali ti kua ti Nzapa, a yeke mû ni na Shélomith* na aita ti lo ti koli ti bâ lege ni.

29 Na popo ti ahale ti Izhar,+ a soro Kénaniah na amolenge ti lo ti koli na a mû na ala akua so ayeke ti da ti Nzapa pëpe, me a zia ala akota zo ti kodro nga ajuge+ na ndö ti azo ti Israël.

30 Na popo ti ahale ti Hébron,+ a zia Hashabiah na afami ti lo ti bâ lege ti nzoni tambela ti aye na popo ti azo ti Israël so asara kodro na mbage ti ouest ti Ngu ti Jourdain. Ala yeke sara akua kue ti Jéhovah na ti gbia. Wungo ti ala ayeke 1 700, na ala yeke akoli so ahinga ti sara kua nzoni. 31 Na popo ti ahale ti Hébron, a zia Jérijah+ mokonzi ti ahale ti Hébron alingbi na molongo ti akotara ti ala. Na ngu 40 ni ti komandema ti David,+ a gi angangu koli so ayeke ahale ti Hébron na so ahinga ti sara kua nzoni, na a wara ala na popo ti azo ti gbata ti Jazer+ na sese ti Galaad. 32 Wungo ti afami ti Jérijah ayeke 2 700, na ala yeke akoli so ahinga ti sara kua nzoni. Ala yeke nga amokonzi ti ahale ti akotara ti ala. Tongaso, Gbia David azia ala na ndö ti azo ti mara ti Ruben, ti Gad nga na ti ndambo ti mara ti Manassé. Ala yeke bâ lege ti atënë nde nde kue so andu aye ti tâ Nzapa nga na aye ti gbia.

27 A diko wungo ti azo ti Israël so asara kua na gbia. Ambeni ayeke amokonzi ti ahale ti akotara ti ala, nga ambeni ayeke amokonzi ti azo saki oko saki oko na amokonzi ti azo ngbangbo oko ngbangbo oko.+ Ambeni ayeke amokonzi so ayeke bâ lege ti akua so gbia+ azia na sese ndali ti abungbi nde nde so ayeke ga tour na tour, nze oko oko na yâ ti ngu ni kue. Na yâ ti bungbi oko oko, a yeke wara azo 24 000.

2 Jashobéam,+ molenge ti Zabdiel, la ayeke na ndö ti kozo bungbi ti azo so asara kua na kozo nze. Azo 24 000 la ayeke na yâ ti bungbi ti lo. 3 Na popo ti ahale ti Pérès,+ Jashobéam la a zia lo na ndö ti amokonzi kue ti abungbi so ayeke sara kua na kozo nze ni. 4 Dodaï,+ zo ti mara ti Ahohi,+ la ayeke na ndö ti bungbi ti azo so ayeke sara kua na use nze ni. Micloth la ayeke mokonzi ti ala. Azo 24 000 la ayeke na yâ ti bungbi ti lo. 5 Bénaïah,+ molenge ti kota prêtre Jéhoïada,+ la ayeke mokonzi ti ota bungbi ti azo so ayeke sara kua na ota nze ni. Azo 24 000 la ayeke na yâ ti bungbi ti lo. 6 Bénaïah ayeke mbeni ngangu turugu na popo ti angangu turugu 30 ti gbia, nga lo yeke na ndö ti aturugu 30 so. Molenge ti lo Ammizabad la ayeke na ndö ti azo ti bungbi ti lo. 7 Asahel,+ ita ti Joab,+ la ayeke na ndö ti osio bungbi ti azo so ayeke sara kua na osio nze ni. Molenge ti lo Zébadiah la aga na peko ti lo. Azo 24 000 la ayeke na yâ ti bungbi ti lo. 8 Shamhuth, so ayeke zo ti mara ti Jizra, la ayeke mokonzi ti oku bungbi ti azo so ayeke sara kua na oku nze ni. Azo 24 000 la ayeke na yâ ti bungbi ti lo. 9 Ira,+ molenge ti Ikkesh so ayeke zo ti kodro ti Técoa,+ la ayeke mokonzi ti omene bungbi ti azo so ayeke sara kua na nze omene ni. Azo 24 000 la ayeke na yâ ti bungbi ti lo. 10 Hélez,+ mbeni zo ti Palon nga zo ti mara ti Éphraïm, la ayeke mokonzi ti mbasambala bungbi ti azo so ayeke sara kua na nze mbasambala ni. Azo 24 000 la ayeke na yâ ti bungbi ti lo. 11 Sibbécaï,+ zo ti mara ti Husha nga hale ti Zérah,+ la ayeke mokonzi ti miombe bungbi ti azo so ayeke sara kua na miombe nze ni. Azo 24 000 la ayeke na yâ ti bungbi ti lo. 12 Abiézer,+ zo ti kodro ti Anathoth+ nga zo ti mara ti Benjamin, la ayeke mokonzi ti gumbaya bungbi ti azo so ayeke sara kua na gumbaya nze ni. Azo 24 000 la ayeke na yâ ti bungbi ti lo. 13 Maharaï,+ zo ti kodro ti Nétopha nga hale ti Zérah,+ la ayeke mokonzi ti bungbi bale-oko ni ti azo so ayeke sara kua na nze bale-oko ni. Azo 24 000 la ayeke na yâ ti bungbi ti lo. 14 Bénaïah,+ zo ti kodro ti Pirathon nga zo ti mara ti Éphraïm, la ayeke mokonzi ti bungbi 11 ni ti azo so ayeke sara kua na nze 11 ni. Azo 24 000 la ayeke na yâ ti bungbi ti lo. 15 Heldaï, zo ti kodro ti Nétopha nga hale ti Othniel, la ayeke mokonzi ti bungbi 12 ni ti azo so ayeke sara kua na nze 12 ni. Azo 24 000 la ayeke na yâ ti bungbi ti lo.

16 Amokonzi so ayeke na ndö ti amara ti Israël ayeke so: Ti mara ti Ruben, a yeke Éliézer molenge ti Zicri; ti mara ti Siméon, a yeke Shéphatiah molenge ti Maacah; 17 ti mara ti Lévi, a yeke Hashabiah molenge ti Kémuel; ti ahale ti Aaron, a yeke Zadoc; 18 ti mara ti Juda, a yeke Élihu,+ mbeni ita ti David; ti mara ti Issacar, a yeke Omri molenge ti Michel; 19 ti mara ti Zabulon, a yeke Ishmaïah molenge ti Abdias; ti mara ti Nephtali, a yeke Jérimoth molenge ti Azriel; 20 ti mara ti Éphraïm, a yeke Osée molenge ti Azaziah; ti ndambo ti mara ti Manassé, a yeke Joël molenge ti Pédaïah; 21 ti ndambo ti mara ti Manassé so ayeke na sese ti Galaad, a yeke Iddo molenge ti Zacharie; ti mara ti Benjamin, a yeke Jaasiel molenge ti Abner;+ 22 ti mara ti Dan, a yeke Azarel molenge ti Jéroham. Azo so kue ayeke amokonzi so ayeke na ndö ti amara ti Israël.

23 Azo so ayeke na ngu 20 nga na ala so ngu ti ala ayeke na gbe ti ngu 20, David adiko ala pëpe, ndali ti so Jéhovah amû zendo ti sara si azo ti Israël aga gbani gbani tongana atongoro na lê ti nduzu.+ 24 Joab molenge ti Zéruïah akomanse ti diko wungo ti azo, me lo hunzi ni pëpe. Dikongo azo ni+ asara si Nzapa asara ngonzo na terê ti azo ti Israël, na a zia pëpe wungo ti azo ni na yâ ti mbeti ti mbaï ti Gbia David na ngoi so lo yeke komande.

25 Azmaveth molenge ti Adiel ayeke na ndö ti ando so a bata amosoro ti gbia+ dä. Jonathan molenge ti Ozias ayeke na ndö ti agogoro* so ayeke na yaka, na yâ ti agbata, na yâ ti akete kodro nga na yâ ti atour. 26 Ezri molenge ti Kélub ayeke na ndö ti azo so ayeke dë sese ti yaka. 27 Shiméï zo ti kodro ti Rama ayeke na ndö ti ayaka ti vigne. Zabdi zo ti Shiphmoth ayeke na ndö ti ndo so a yeke bata vin dä. 28 Baal-Hanan zo ti kodro ti Guéder ayeke na ndö ti yaka ti akeke ti olive na ti akeke ti sycomore+ so ayeke na Séphélah.+ Joas ayeke na ndö ti ndo so a yeke bata mafuta dä. 29 Shitraï zo ti sese ti Saron+ ayeke bâ ndo na ndö ti abagara so ate pere na sese ti Saron. Shaphat molenge ti Adlaï ayeke bâ ndo na ndö ti abagara so a bata ala na yâ ti apopo-hoto.* 30 Obil hale ti Ismaël ayeke bâ ndo na ndö ti achameau, na Jehdéïah zo ti kodro ti Méronoth ayeke bâ ndo na ndö ti akororo.* 31 Jaziz zo ti Hagar ayeke bâ ndo na ndö ti ataba na angasa. Azo so kue ayeke amokonzi so ayeke bâ ndo na ndö ti aye ti Gbia David.

32 Jonathan+ molenge ti ita ti David ayeke zo ti mungo wango, zo so ahinga ndo nga wakuasu. Jéhiel molenge ti Hacmoni ayeke bâ ndo na ndö ti amolenge ti gbia ti koli.+ 33 Ahithophel+ ayeke zo ti mungo wango na gbia, nga Hushaï+ zo ti mara ti Arki ayeke kamarade ti gbia.* 34 Na peko ti Ahithophel, azo ti mungo wango na gbia ayeke Jéhoïada molenge ti Bénaïah+ nga na Abiathar.+ Joab+ ayeke mokonzi ti aturugu ti gbia.

28 David abungbi amokonzi ti Israël kue na Jérusalem: amokonzi ti amara ti Israël, amokonzi ti abungbi nde nde+ so gbia azia na sese ti sara akua so lo fa, amokonzi ti azo saki oko saki oko na amokonzi ti azo ngbangbo oko ngbangbo oko,+ amokonzi so a zia ala ti bâ ndo na ndö ti aye nga na anyama ti gbia+ kue nga na ti amolenge ti lo ti koli.+ Lo bungbi nga akota zo ti yangbo ti lo nga na angangu koli+ kue so ahinga ti sara kua nzoni. 2 Na pekoni, Gbia David alondo aluti na lo tene:

“Aita ti mbi na azo ti mbi, ala mä mbi. Ti mbi, mbi ye mingi ti leke mbeni da si aga ndo so sanduku ti mbele ti Jéhovah aduti dä biani biani nga si aga tongana mbata so Nzapa ti e+ ayeke zia gere ti lo na ndö ni. Ni la mbi bungbi aye ti sarango na da ni awe.+ 3 Me tâ Nzapa atene na mbi: ‘Mo la mo yeke leke da ndali ti iri ti mbi pëpe,+ ndali ti so mo sara bira mingi nga mo tuku mênë ti azo mingi.’+ 4 Ye oko, na popo ti azo ti da ti babâ ti mbi kue, mbi la Jéhovah Nzapa ti Israël asoro mbi ti ga gbia na ndö ti Israël lakue lakue.+ Ândö lo soro Juda ti duti zo so akomande.+ Na popo ti ahale ti Juda, lo soro sewa ti babâ ti mbi.+ Na popo ti amolenge ti babâ ti mbi ti koli, mbi la lo soro mbi na lo zia mbi gbia na ndö ti Israël kue.+ 5 Na popo ti gbâ ti amolenge ti koli+ so Jéhovah amû ala na mbi, Jéhovah asoro molenge ti mbi Salomon+ ti duti na ndö ti trône ti komande Israël na iri ti lo.+

6 “Lo tene na mbi, lo tene: ‘Molenge ti mo Salomon la ayeke sara ande da ti mbi nga na alê ti lacour ti mbi, ndali ti so mbi soro lo ti ga molenge ti mbi na mbi yeke ga babâ ti lo.+ 7 Tongana lo sara kue ti bata acommandement nga na ambela ti mbi,+ tongana ti so lo yeke sara na ndembe so, mbi yeke sara si komandema ti lo aluti nzoni biani biani.’+ 8 Ni la mbi tene na lê ti ala azo ti Israël kue, so ala yeke congrégation ti Jéhovah, nga na lê ti Nzapa ti e, mbi tene: Ala gi ti hinga acommandement kue ti Jéhovah Nzapa ti ala nga ala sara ye alingbi tâ na ni, tongaso si nzoni sese+ so aga ti ala nga ala mû ni na ahale ti ala ti ga ye ti ala biani biani.

9 “Ti mo, molenge ti mbi Salomon, hinga Nzapa ti babâ ti mo na mo sara na lo na bê ti mo kue*+ nga na âme* so ayeke na ngia,* ndali ti so Jéhovah ayeke bâ yâ ti bê ti azo kue+ na lo hinga aye kue so bê ti zo aye ti sara.+ Tongana mo gi lo, lo yeke sara si mo wara lo,+ me tongana mo zia lo, lo yeke ke mo biani biani.+ 10 Hinga so Jéhovah la asoro mo ti leke da ti duti mbeni ndo so ayeke nzoni-kue. Sara mbeto pëpe, komanse kua ni!”

11 Na pekoni, David amû na molenge ti lo Salomon plan+ ti véranda ni+ nga na ti ada ti temple ni, ti ando ti batango aye, ti achambre so ayeke na li ti temple ni, ti achambre so ayeke na yâ ni kâ nga na ti da so a zia ye ti kangango na yanga ti sanduku ti mbele dä si a yeke pardonné siokpari na gbele ni.*+ 12 Lo mû na lo plan ti aye kue so yingo ti Nzapa afa na lo: plan ti alacour+ ti da ti Jéhovah, ti ando kue ti tengo kobe so angoro ni, ti ando so a yeke bata amosoro ti da ti tâ Nzapa dä nga na ti ando so a yeke bata aye so a zia ni nde ndali ti kua ti Nzapa*+ dä. 13 Lo fa nga na lo tongana nyen ti kangbi aprêtre+ nga na azo ti mara ti Lévi na yâ ti abungbi nde nde ti sara akua ti ala, tongana nyen ti kangbi yâ ti akua kue so a yeke sara na da ti Jéhovah nga tongana nyen ti leke akungba kue ti kua ti da ti Jéhovah. 14 Lo fa nga na lo nengo ti lor nga na ti argent so a hunda ti leke na akungba kue ti akua nde nde. 15 Lo fa nga na lo nengo ti lor so a hunda ti leke na aye ti yongo alampe+ nga na alampe ni, a lingbi na nengo ti mara ti aye ti yongo alampe nde nde nga na alampe ni. Lo fa nga nengo ti argent so a hunda ti leke na aye ti yongo alampe, lo fa ni alingbi na nengo ti ye ti yongo lampe oko oko nga na alampe ni, a lingbi na kua so a yeke sara na ni. 16 David afa nga nengo ti lor so a hunda ti leke na atable ti mapa so a dö ni na ndö ti terê,*+ lo fa ni alingbi na table oko oko; lo fa nga nengo ti argent so a hunda ti zia na terê ti atable ti argent. 17 Lo fa nga nengo ti lor ti nzoni ni so a hunda ti leke na afourchette, adû ti sembe nga na ayongoro kopo; lo fa nga nengo ti lor so a hunda ti leke na akete dû ti sembe,+ a lingbi na nengo ti akete dû ti sembe oko oko. Lo fa nga nengo ti argent so a hunda ti leke na akete dû ti sembe, a lingbi na nengo ti kete dû ti sembe oko oko. 18 David afa nga nengo ti lor ti nzoni ni so a hunda ti zia na terê ti gbalaka+ ti zongo dukane nga na terê ti achérubin so azi yâ ti kpangbi ti ala na ndö ti sanduku ti mbele ti Jéhovah; a bâ akpangbi ti achérubin+ so tongana mbeni puse+ so Nzapa amû ni ti huru na ni. 19 David atene: “Maboko ti Jéhovah ayeke na ndö ti mbi, na lo mû na mbi ndara ti sû na mbeti+ anzene nzene ye kue so andu plan+ ti da so.”

20 Na pekoni, David atene na molenge ti lo Salomon: “Sara mbeto pëpe, luti tongana koli; komanse kua ni! Sara mbeto pëpe nga zia si mbeto ahon ndö ti mo pëpe, ndali ti so Jéhovah Nzapa ti mbi ayeke na mo.+ Lo yeke zia mo lâ oko pëpe,+ lo yeke ngbâ na mo juska mo sara akua ti da ti Jéhovah kue ahunzi. 21 Bâ mbi sû na mbeti abungbi ti aprêtre+ nga na azo ti mara ti Lévi+ so ayeke sara akua nde nde kue na da ti tâ Nzapa. Mo yeke na azo so ayeke na nzara ti sara kua ni nga na akode ti sarango akua nde nde kue.+ Mo yeke nga na amokonzi+ na azo kue so ayeke nduru ti sara aye kue so mo fa na ala.”

29 Na pekoni, Gbia David atene na congrégation ni kue: “Molenge ti mbi Salomon, so Nzapa asoro lo,+ ade maseka nga ade lo hinga ndo mingi pëpe.*+ Me kua ni ayeke kota mingi, ndali ti so a yeke leke temple* ni ndali ti zo pëpe me ndali ti Jéhovah Nzapa.+ 2 Mbi mû ngangu ti mbi kue ti leke aye ndali ti da ti Nzapa ti mbi. Mbi bungbi lor ndali ti aye so a yeke sara na lor, argent ndali ti aye so a yeke sara na argent, cuivre ndali ti aye so a yeke sara na cuivre, wen ndali ti aye so a yeke sara na wen+ nga keke+ ndali ti aye so a yeke sara na keke. Mbi bungbi nga onyx so ayeke tênë ti ngangu ngere, atênë ti ziango na terê ti mur, akete kete tênë so ayeke sara pendere ti ye, mara ti atênë nde nde kue ti ngangu ngere nga gbâ ti atênë so a iri ni albâtre. 3 Nga, so tënë ti lekengo da ti Nzapa ti mbi+ anzere na mbi mingi, mbi yeke mû nga lor na argent ti mbi wani+ mbi zia na ndö ti aye kue so mbi bungbi ndali ti kua ti da ti Nzapa ti mbi, da so ayeke nzoni-kue. 4 Na popo ti aye ni so, a yeke wara talent* ti lor 3 000 so alondo na Ophir+ nga na talent 7 000 ti argent ti nzoni ni ti tene a zia na terê ti mur ti da ni. 5 A yeke wara nga lor ndali ti aye so a yeke sara na lor, argent ndali ti aye so a yeke sara na argent nga ndali ti aye nde nde kue so azo kue so ahinga ti sara kua ti maboko nzoni ayeke sara. Tongaso azo wa la aye ti ga na matabisi na Jéhovah laso?”+

6 Tongaso, amokonzi ti ahale ti akotara, amokonzi ti amara ti Israël, amokonzi ti azo saki oko saki oko na amokonzi ti azo ngbangbo oko ngbangbo oko+ nga na amokonzi so ayeke bâ ndo na ndö ti aye ti gbia+ amû ye na bê ti ala wani. 7 Aye so ala mû ndali ti kua ti da ti tâ Nzapa ayeke talent ti lor 5 000, daric* 10 000, talent ti argent 10 000, talent ti cuivre 18 000 nga na talent ti wen 100 000. 8 Azo kue so ayeke na atênë ti ngangu ngere azia ni na ando so a yeke bata mosoro ti da ti Jéhovah dä; Jéhiel+ so ayeke hale ti Guershon+ la ayeke bâ ndo na ndö ni. 9 Terê ti azo ni anzere mingi ti mû amatabisi so na bê ti ala wani, ndali ti so ala mû ni na Jéhovah na bê ti ala kue;+ terê ti Gbia David nga kue anzere mingi.

10 Na pekoni, David asepela Jéhovah na gbele congrégation ni kue. David atene: “Jéhovah Nzapa ti babâ ti e Israël, zia si a sepela mo lakue lakue nga kpu na kpu.* 11 Jéhovah, mo yeke kota mingi,+ mo yeke ngangu mingi,+ kota ti mo apika bê mingi, mo yeke na gloire nga kota ti mo+ ayeke na ndö ti aye kue,* ndali ti so aye kue so ayeke na yayu nga na sese ayeke ti mo.+ Jéhovah,+ royaume ayeke ti mo. Mo la mo yeke kota na ndö ti aye kue. 12 Mosoro nga na gloire alondo na mo,+ na mo la mo komande na ndö ti aye kue.+ Mo yeke ngangu mingi,+ mo lingbi ti sara si azo aga kota+ nga mo mû ngangu na azo kue.+ 13 Ti fadeso, Nzapa ti e, e kiri singila na mo nga e sepela pendere iri ti mo.

14 “Ye oko, mbi na azo ti mbi, e yeke azo wa? si e wara lege ti mû ye na bê ti e wani tongaso? Ye kue alondo na mo; ye so e mû na mo ayeke gï ye so alondo na mo. 15 Na lê ti mo, e yeke awande so asara kodro ge, tongana ti akotara ti e kue.+ Gigi ti e na ndö ti sese ayeke tongana gbe ti dê,+ a yeke hon hongo. 16 Jéhovah Nzapa ti e, mosoro kue so e bungbi ti leke na da ndali ti iri ti mo so ayeke nzoni-kue so alondo gï na mo; aye so kue ayeke ti mo. 17 Nzapa ti mbi, mbi hinga nzoni mingi so mo la mo yeke bâ yâ ti bê ti zo+ nga so mo ye mingi zo so ayeke sara ye lakue mbilimbili.*+ Vuru bê ti mbi* la apusu mbi ti mû aye so kue so, nga mbi yeke na ngia mingi ti bâ azo ti mo so ayeke ge amû aye na mo na bê ti ala kue. 18 Jéhovah, Nzapa ti akotara ti e Abraham, Isaac na Israël, sara si azo ti mo angbâ lakue ti duti na nzara ti mû ye nga ti sara na mo na bê ti ala kue.+ 19 Sara si molenge ti mbi Salomon aduti na bê so ayeke use use pëpe,*+ tongaso si lo bata acommandement ti mo,+ awango ti mo nga na andia ti mo so ayeke fa lege na zo. Sara nga si lo bata aye so kue nga lo leke temple* so mbi bungbi aye ti lekengo na ni.”+

20 Na pekoni, David atene na congrégation ni kue: “Fadeso ala sepela Jéhovah Nzapa ti ala!” Congrégation ni kue asepela Jéhovah Nzapa ti akotara ti ala nga ala kuku, ala kpo li ti ala na sese na gbele Jéhovah nga na gbele gbia. 21 Juska na ndade ni, ala ngbâ ti yâa asandaga na Jéhovah nga ti yâa na Jéhovah asandaga so a zö ni agbi kue.+ Ala zö akoli-bagara 1 000 so akono awe, akoli-taba 1 000, akete koli-taba 1 000 nga na asandaga ti sämba+ so a zia na terê ti anyama ni so. A yâa gbâ ti asandaga ndali ti azo ti Israël kue.+ 22 Ala ngbâ ti te ye nga ti nyon ye na gbele Jéhovah na lango ni so nga terê ti ala anzere mingi.+ Ti fani use ni, ala zia Salomon, molenge ti David, gbia nga ala tuku mafuta na li ti lo na gbele Jéhovah ti ga mokonzi ti ala,+ nga ala zia Zadoc prêtre.+ 23 Salomon aduti na ndö ti trône+ ti Jéhovah na place ti babâ ti lo David. Aye kue so lo sara aga nzoni nga azo ti Israël kue amä yanga ti lo. 24 Amokonzi kue,+ angangu turugu kue,+ nga amolenge ti Gbia David kue+ awoko terê ti ala na gbe ti Gbia Salomon. 25 Jéhovah asara si Salomon aga tâ kota mingi na lê ti azo ti Israël kue. Lo sara nga si Salomon aga kota ahon agbia kue so akomande Israël kozo na lo.+

26 David molenge ti Jessé akomande na ndö ti Israël kue. 27 Angu* kue so David akomande na ndö ti Israël ayeke ngu 40. Na Hébron lo komande ngu 7+ nga na Jérusalem lo komande ngu 33.+ 28 Lo ga mbakoro mingi si lo kui. Lo te gigi* alingbi na lo.+ Lo wara mosoro na gloire alingbi na lo. Molenge ti lo Salomon aga gbia na peko ti lo.+ 29 Âdu ti mbaï ti Gbia David, ti londo na tongo nda ni juska na kongo nda ni, a sû ni na popo ti atënë ti Samuel zo ti bango ye, ti prophète Nathan+ nga na ti Gad,+ zo ti fango na gbia peko ti avision. 30 A sû nga tënë ti aye kue so asi na ngoi ti komandema ti lo, akpengba ye kue so lo sara nga na aye kue so asi so andu lo, azo ti Israël nga na akodro ti agbia kue so angoro Israël.