ZACHARIE

1 Na yâ ti use ngu ti komandema ti Darius,+ na nze miombe ni, Jéhovah asara tënë na prophète Zacharie,*+ molenge ti Bérékiah so ayeke molenge ti Iddo, atene: 2 “Bê ti Jéhovah ason lani ngangu na terê ti akotara ti ala.+

3 “Gue mo tene na ala mo tene: ‘Jéhovah ti aturugu atene: “‘Mbi yeke Jéhovah ti aturugu. Ala kiri na mbage ti mbi, na mbi yeke kiri na mbage ti ala,’+ tënë ti yanga ti Jéhovah ti aturugu la.”’

4 “‘Ala sara ye tongana ti akotara ti ala pëpe, ala so aprophète ti giriri atene na ala, atene: “Jéhovah ti aturugu atene: ‘Pardon, ala tourné peko na* asioni lege ti ala nga na asioni kusala ti ala.’”’+

“‘Me ala mä mbi pëpe nga ala sara sanka ti mbi,’+ tënë ti yanga ti Jéhovah la.

5 “‘Akotara ti ala ni ayeke na ndo wa fadeso? Aprophète ni angbâ na fini lakue lakue? 6 Ye oko, mbi tokua lani awakua ti mbi aprophète ti fa na akotara ti ala atënë ti mbi nga na ambela ti mbi. Aprophète ni agboto mê ti ala na ndö ti aye so ayeke si tongana ala sara ye pëpe alingbi na ni. Aye ni so kue asi na ala ape?’+ Ni la ala kiri lani na mbage ti mbi, ala tene: ‘Jéhovah ti aturugu asara ye na e alingbi na lege so e mû nga na akusala ti e, tâ gï tongana ti so lo tene.’”+

7 Na use ngu ti komandema ti Darius,+ na lango 24 ti nze 11 ni, so ti tene nze ti Shébat,* Jéhovah asara si mbi prophète Zacharie, molenge ti Bérékiah so ayeke molenge ti Iddo, 8 mbi bâ mbeni vision na bï. Mbi bâ mbeni koli na ndö ti bengba mbarata, lo luti na popo ti akeke ti myrte so ayeke na yâ ti popo-hoto. Na peko ti lo, mbi bâ abengba mbarata, ala so abe kete nga na avuru ni.

9 Tongaso mbi hunda lo, mbi tene: “Seigneur ti mbi, azo ti kpengo na mbarata so ayeke azo wa la?”

Ange so ayeke sara tënë na mbi so atene: “Mbi yeke sara tënë ti ala na mo.”

10 Na pekoni, koli so aluti na popo ti akeke ti myrte so atene: “Azo ni so ayeke ala so Jéhovah atokua ala ti tambela na ando nde nde na ndö ti sese.” 11 Ala tene na ange ti Jéhovah so ayeke luti na popo ti akeke ti myrte ni so, ala tene: “E tambela na ambage nde nde ti sese nga e bâ so sese ni kue ayeke kpô nga mbeni ye ayengi ni pëpe.”+

12 Tongaso ange ti Jéhovah atene: “Jéhovah ti aturugu, juska lawa la mo yeke ke ti sara nzoni bê na Jérusalem nga na agbata ti Juda,+ so bê ti mo ason ngangu na terê ti ala na yâ ti angu 70 so?”+

13 Jéhovah akiri tënë na nzoni bê nga na atënë ti dengo bê na ange so ayeke sara tënë na mbi so. 14 Na pekoni, ange so ayeke sara tënë na mbi so atene: “Dekongo, mo tene: ‘Jéhovah ti aturugu atene: “Tënë ti Jérusalem na ti Sion agbu bê ti mbi mingi.+ 15 Bê ti mbi ason mingi na terê ti amara so aduti na siriri.+ Bê ti mbi ason lani gï kete na terê ti azo ti mbi.+ Me amara so asara sioni na ala ahon ti so mbi ye fade ti sara na ala.”’+

16 “Ni la Jéhovah atene: ‘“Na nzoni bê, mbi yeke kiri na mbage ti Jérusalem,+ na azo ayeke leke da ti mbi na yâ ni.+ A yeke mû nga kamba ti mû na mesure ti Jérusalem.”’+ Tënë ti yanga ti Jéhovah ti aturugu la.

17 “Kiri mo dekongo, mo tene: ‘Jéhovah ti aturugu atene: “Agbata ti mbi ayeke kiri ti si singo na aye ti nzoni. Mbi Jéhovah mbi yeke kiri ti dë bê ti Sion+ nga mbi yeke kiri ti soro Jérusalem.”’”+

18 Na pekoni, mbi yô lê ti mbi na nduzu mbi bâ adidi osio.+ 19 Mbi hunda ange so asara tënë na mbi so, mbi tene: “Adidi ni so ayeke ti sarango na nyen?” Lo tene: “Adidi ni so aye ti sara tënë ti azo so akangbi lani yâ ti Juda,+ ti Israël+ nga na ti Jérusalem.”+

20 Jéhovah afa na mbi azo osio so ahinga ti sara kua ti maboko nzoni. 21 Mbi hunda lo, mbi tene: “Ala ga ti sara nyen?”

Lo tene: “Adidi ni ayeke adidi so akangbi lani yâ ti Juda ngangu, a sara si mbeni zo ti yô li ti lo na nduzu ayeke dä pëpe. Azo so ahinga ti sara kua ti maboko so ayeke ga ti sara si mbeto ahon ndö ti adidi ni, ti bi na sese adidi ti amara so alondo na terê ti sese ti Juda ti tene ala kangbi yâ ti azo ni.”

2 Mbi yô lê ti mbi na nduzu mbi bâ mbeni koli so ayeke na kamba ti mungo na mesure ti ye+ na maboko ti lo. 2 Mbi hunda lo, mbi tene: “Mo yeke gue na ndo wa?”

Lo tene: “Mbi yeke gue ti mû mesure ti Jérusalem, ti hinga largeur ni nga na yongo ni.”+

3 Mbi bâ so ange so ayeke sara tënë na mbi so ayeke sigi, na mbeni ange aga awara lo. 4 Lo tene na lo: “Kpe mo gue kâ, mo tene na maseka-koli so, mo tene: ‘“Azo ayeke sara ande kodro na yâ ti Jérusalem+ mo bâ mo tene a yeke akete kodro so gbagba ayeke na terê ni pëpe, ndali ti so gbâ ti azo na anyama ayeke duti ande na yâ ni.+ 5 Mbi yeke ga tongana mbeni wâ so angoro ni kue tongana gbagba,+ nga gloire ti mbi ayeke si singo na yâ ni,”’”+ tënë ti yanga ti Jéhovah la.

6 Jéhovah atene: “Ala ga! Ala ga! Ala kpe na yâ ti kodro so ayeke na nord so.”+

Jéhovah akiri atene: “Mbi kangbi yâ ti ala na apupu osio ti yayu.+

7 “Ala azo ti Sion, ala ga! Ala so ayeke sara kodro na yâ ti gbata ti Babylone,+ ala kpe! 8 Na peko ti so Jéhovah ti aturugu awara gloire,* lo tokua mbi na amara so agbu aye ti ala na ngangu.+ Lo tene: ‘Zo so andu ala andu vuko lê ti mbi.*+ 9 Ti fadeso, mbi yeke yôro maboko ti mbi na lê ti ala, na ala yeke ga angbâa ti angbâa ti ala.’+ Ala yeke hinga biani so Jéhovah ti aturugu la atokua mbi.

10 Jéhovah atene: “Molenge-wali ti Sion,+ dekongo na ngia, ndali ti so mbi yeke ga,+ na mbi yeke duti na popo ti ala.+ 11 Na ngoi ni so, amara mingi ayeke ga ti voro Jéhovah.+ Ala yeke ga azo ti mbi, na mbi yeke duti na popo ti ala.” Ala yeke hinga ande so Jéhovah ti aturugu la atokua mbi na ala. 12 Jéhovah ayeke mû Juda ti ga ye ti lo na ndö ti sese so ayeke nzoni-kue, na lo yeke kiri ti soro Jérusalem.+ 13 Ala azo kue,* ala duti kpô na gbele Jéhovah, ndali ti so lo yeke londo kâ na ndo ti lo so ayeke nzoni-kue ti ga ti sara ye.

3 Lo fa na mbi Kota prêtre Josué+ so aluti na devant ti ange ti Jéhovah, me Satan+ aluti na mbage ti maboko ti Josué ti koli ti kanga lege na lo. 2 Ange ti Jéhovah atene na Satan: “Satan, zia Jéhovah asuku na mo!+ Zia Jéhovah so asoro Jérusalem asuku na mo!+ Koli so ayeke tongana keke so ayeke gbi si a zi ni na yâ ti wâ.”

3 Josué ayü bongo so ayeke saleté, na lo ngbâ ti luti na devant ti ange ni. 4 Ange ni atene na ala so aluti na devant ti lo, atene: “Ala zi asaleté bongo ti lo ni.” Na pekoni, lo tene na Josué: “Bâ, mbi zi faute ti mo* awe, na a yeke yü na mo apendere bongo.”*+

5 Mbi tene: “Zia a kanga na li ti lo mbeni turban so saleté ayeke dä pëpe.”+ A kanga turban ni na li ti lo nga a yü bongo na lo. Ange ti Jéhovah aluti nduru na ala. 6 Na pekoni ange ti Jéhovah atene na Josué: 7 “Jéhovah ti aturugu atene: ‘Tongana mo tambela na ndö ti alege ti mbi nga mo sara akua so mbi mû na mo ti sara, mo yeke duti juge na ndö ti azo ti mbi+ nga mo yeke bâ lege ti* alacour ti mbi. Mbi yeke mû nga lege na mo ti lï na popo ti ala so aluti ge so.’

8 “‘Pardon, Kota prêtre Josué, mo na amba ti mo so aduti na devant ti mo, ala mä mbi. Ala akoli mbasambala so ayeke fä ti aye so ayeke si ande. Bâ, mbi yeke sara si wakua ti mbi+ aga, lo so iri ti lo ayeke Kete keke so asigi.+ 9 Ala bâ tênë so mbi zia na devant ti Josué. Alê mbasambala ayeke na terê ni. Mbi yeke dë mbeni tënë na terê ni nga mbi yeke zi tënë so ayeke na li ti sese ni na yâ ti lango oko,’+ tënë ti yanga ti Jéhovah ti aturugu la.

10 Jéhovah ti aturugu atene: “Na lango ni so, ala oko oko kue ayeke tisa avoizin ti ala ti ga na gbe ti keke ti vigne nga na keke ti figue ti ala.”+

4 Ange so asara tënë na mbi so akiri aga azingo mbi, tongana ti so a yeke zingo mbeni zo so alango. 2 Lo tene na mbi: “Nyen la mo bâ?”

Mbi tene: “Mbi bâ ndo na mbi bâ ye ti yongo na lampe so a sara ni kue na lor,+ na mbeni dû ti sembe ayeke na ndö ni. Lampe mbasambala ayeke na ndö ti ye ti yongo na lampe ni.+ Ambeni ye mbasambala tongana atuyau aga na terê ti alampe mbasambala ni. 3 Akeke ti olive use+ ayeke na terê ti ye ti yongo na lampe ni, oko na mbage ti koli, oko na mbage ti wali.”

4 Na pekoni, mbi hunda ange so ayeke sara tënë na mbi so, mbi tene: “Seigneur ti mbi, nda ti aye ni so kue ayeke nyen?” 5 Ange ni ahunda mbi, atene: “Mo hinga nda ti aye ni so ape?”

Mbi tene: “Ên-ën, mbi hinga ni pëpe, seigneur ti mbi.”

6 Lo tene na mbi: “Jéhovah atene na mo Zorobabel, atene: ‘“Aye so kue ayeke si ande na lege ti aturugu pëpe, wala na lege ti ngangu pëpe,+ me na lege ti yingo ti mbi,”+ tënë ti yanga ti Jéhovah ti aturugu la. 7 Même tongana Zorobabel+ atingbi na mbeni kpale so ayeke tongana kota hoto, a yeke ga ande tongana kpangbala ndo.+ Na gbele azo, lo yeke yô na nduzu tênë so ayeke duti ande na li ti temple ni, na ala yeke dekongo, atene: “So pendere ye! So pendere ye!”’”

8 Jéhovah akiri atene na mbi: 9 “Maboko ti mo Zorobabel la azia gere ti da ni,+ na mo la mo yeke hunzi ande ni.”+ Ala yeke hinga ande so Jéhovah ti aturugu la atokua mbi na ala. 10 Lo kiri lo tene: “Mbeni zo azere lani akete kua*+ so a komanse ti sara ti leke na temple ni? Azo ayeke duti ande na ngia ti bâ fil à plomb* na maboko ti Zorobabel. Alê mbasambala ni so ayeke lê ti Jéhovah so ayeke bâ ndo na ndö ti sese kue.”+

11 Na pekoni mbi hunda lo, mbi tene: “Akeke ti olive use so ayeke na terê ti ye ti yongo na lampe na mbage ti koli nga na ti wali so, ndani ayeke nyen?”+ 12 Mbi kiri mbi hunda lo ti fani use ni, mbi tene: “Akete maboko ti akeke ti olive use,* so lor so aga ngu ayeke londo dä ti hon na yâ ti atuyau use ti lor ti si na yâ ti dû ti sembe so, ndani ayeke nyen?”

13 Lo hunda mbi, lo tene: “Mo hinga nda ti aye ni so ape?”

Mbi tene: “Ên-ën, mbi hinga ni pëpe, seigneur ti mbi.”

14 Lo tene: “A yeke azo use so a soro ala, ala so ayeke luti na terê ti Seigneur ti sese kue.”+

5 Mbi kiri mbi yô lê ti mbi na nduzu, mbi bâ mbeni mbeti so ayeke huru. 2 Lo hunda mbi, lo tene: “Mo bâ nyen?”

Mbi tene: “Mbi bâ mbeni mbeti so ayeke huru, yongo ni ayeke coudée* 20 nga largeur ni ayeke coudée 10.”

3 Na pekoni lo tene na mbi, lo tene: “Mbeti ni so ayeke deba so ayeke hon na ndö ti sese kue, ndali ti so a yeke punir pëpe azo ti nzi,+ atâa so a fa na lê ti mbeti ni so deba ayeke na ndö ti ala. Nga a yeke punir pëpe azo so adeba na ndö ti mvene,+ atâa so a fa na mbeni mbage ti lê ti mbeti ni so deba ayeke na ndö ti ala. 4 Jéhovah ti aturugu atene: ‘Mbi tokua deba ni ti tene ague, na a yeke lï ande na yâ ti da ti azo ti nzi nga na ti azo so adeba na tënë ti mvene na iri ti mbi. A yeke ngbâ na yâ ti da ni na a yeke futi ni, akeke ni nga na atênë ni.’”

5 Na pekoni, ange so ayeke sara tënë na mbi so aga na mbage ti mbi, na lo tene na mbi: “Pardon, yô lê ti mo na nduzu, na bâ ye so ayeke hon so.”

6 Mbi hunda lo, mbi tene: “So nyen la?”

Lo tene: “Kungba ti hakango na ye* la ayeke hon so.” Lo kiri lo tene: “A yeke ye so azo ti sioni na ndö ti sese kue akpa ni la.” 7 Mbi bâ so a zi yanga ti kungba ni so a sara na plomb si ayeke ronde ronde so, na mbeni wali ayeke na yâ ni. 8 Ange ni atene: “So ayeke wali so a iri lo Ye ti sioni.” Na pekoni, lo pusu wali ni ti tene lo kiri na yâ ti kungba ni, nga lo mû nengo yanga ti kungba ni so a sara na plomb so lo kanga na yanga ni.

9 Na pekoni, mbi yô lê ti mbi na nduzu na mbi bâ awali use so ayeke ga, ala yeke huru na ndö ti pupu. Ala yeke na akpangbi tongana ti ndeke so a iri lo cigogne. Ala yô kungba ni na nduzu. 10 Mbi hunda ange so ayeke sara tënë na mbi so, mbi tene: “Ala yeke gue na kungba ni so na ndo wa?”

11 Lo tene: “Ala yeke gue na ni na sese ti Shinéar*+ ti leke da na wali ni. Tongana a leke da ni awe, a yeke zia lo kâ na mbilimbili ndo ti lo.”

6 Mbi kiri mbi yô lê ti mbi na nduzu na mbi bâ apuse ti mbarata osio so alondo na popo ti ahoto use ti cuivre ayeke ga. 2 Abengba mbarata la ayeke gboto kozo puse ni nga avuko mbarata la ayeke gboto use puse ni.+ 3 Avuru mbarata la ayeke gboto ota puse ni nga ambarata so ayeke top top nga nzoroko nzoroko la ayeke gboto osio puse ni.+

4 Mbi hunda ange so ayeke sara tënë na mbi so, mbi tene: “Seigneur ti mbi, apuse wa la?”

5 Ange ni atene: “Ala yeke ayingo osio+ ti yayu so ayeke hon na peko ti so ala luti na gbele Seigneur ti sese kue.+ 6 Puse so avuko mbarata agboto ni so ayeke gue na sese ti nord;+ puse so avuru mbarata agboto ni so ayeke gue na peko ti ngu-ingo; ti so ambarata so ayeke top top nga nzoroko nzoroko la agboto ni so ayeke gue na sese ti sud. 7 Ambarata so ayeke top top nga nzoroko nzoroko aye mingi ti gue ti tambela na ndö ti sese kue.” Lo kiri lo tene: “Ala gue, ala tambela na ndö ti sese kue.” Tongaso, ala komanse ti tambela na ndö ti sese kue.

8 Na pekoni, lo tene na mbi na kota go, lo tene: “Bâ, ala so ayeke gue na sese ti nord asara si ngonzo ti Jéhovah adë na terê ti sese ti nord.”

9 Jéhovah akiri atene na mbi, atene: 10 “Mû na maboko ti Heldaï, Tobijah nga na Jédaïah aye so ala mû na maboko ti azo so a gue na ala na kodro-wande. Na lango so a fa, a lingbi mo na azo so alondo na Babylone aga, ala gue na da ti Josias molenge ti Sophonie. 11 A yeke nzoni mo mû argent na lor mo leke na couronne,* na mo zia ni na li ti Kota prêtre Josué+ molenge ti Jéhozadac. 12 Tene na lo, mo tene:

“‘Jéhovah ti aturugu atene: “Bâ koli so iri ti lo ayeke Kete keke so asigi.+ Lo yeke sigi ande na place ti lo wani lo kono, na lo yeke leke temple ti Jéhovah.+ 13 Lo la lo yeke leke ande temple ti Jéhovah nga lo la lo yeke wara gloire mingi. Lo yeke duti na ndö ti trône ti lo na lo yeke komande. Lo yeke sara nga kua ti prêtre na ndö ti trône ti lo,+ na akua use so* ayeke tambela nzoni. 14 A yeke zia ande couronne* ni na yâ ti temple ti Jéhovah ti tene azo adabe ti ala* na Hélem, Tobijah,+ Jédaïah nga na Hen molenge ti Sophonie. 15 Azo so ayeke na yongoro ndo ayeke ga ande na ala yeke mû maboko na kua ti lekengo temple ti Jéhovah.” Ala yeke hinga so Jéhovah ti aturugu la atokua mbi na ala. Ye ni so ayeke si ande tongana ala mä yanga ti Jéhovah Nzapa ti ala.’”

7 Na yâ ti osio ngu ti komandema ti Gbia Darius, na lango osio ti nze gumbaya ni, so ti tene nze ti Kislev,* Jéhovah asara tënë na Zacharie.+ 2 Azo ti gbata ti Béthel atokua Sharézer, Réguem-Mélek nga na azo ti lo ti tene ala gue avoro yanga na Jéhovah ti sara nzoni bê na ala,* 3 nga ti hunda aprêtre ti da* ti Jéhovah ti aturugu na aprophète, ala tene: “A yeke nzoni e* toto nga e ke kobe na oku nze,+ tongana ti so e sara na yâ ti angu mingi so?”

4 Jéhovah ti aturugu akiri asara tënë na mbi, atene: 5 “Tene na azo kue ti kodro ni nga na aprêtre, mo tene: ‘Na ngoi so ala mû lani jeûne nga ala toto na oku nze nga na mbasambala nze+ na yâ ti ngu 70,+ eskê a yeke biani ndali ti mbi la ala mû jeûne ni so? 6 Ala te ye nga ala nyon ye gï ndali ti nzoni ti ala wani ape? 7 Azo asara lani kodro na Jérusalem nga na agbata so angoro ni na ala yeke na siriri, nga azo asara kodro na Négueb nga na Séphélah. Na ngoi ni so, Jéhovah asara tënë na azo ni na lege ti aprophète ti giriri.+ A yeke nzoni ala sara ye alingbi na atënë ni so ape?’”

8 Jéhovah akiri asara tënë na Zacharie, atene: 9 “Jéhovah ti aturugu atene: ‘Ala fâ ngbanga tâ na lege ni,+ nga ala sara ye na tâ ndoye+ nga na nzoni bê na popo ti ala. 10 Ala sara ye ti likisi pëpe na awali-mua, na amolenge so babâ ti ala ayeke dä pëpe,*+ na awande+ nga na awayere.+ Ala leke pëpe na bê ti ala ti sara ye ti sioni na amba ti ala.’+ 11 Me ala ngbâ ti sara sanka,+ ala sara ngangu-li, ala tourné peko ala hon+ nga ala kanga mê ti ala si ala mä tënë pëpe.+ 12 Ala sara si bê ti ala akpengba tongana diamant,*+ ala ke ti sara ye alingbi na ndia* nga na atënë ti Jéhovah ti aturugu so yingo ti lo afa ni na aprophète ti giriri+ ti ga ti fa peko ni na ala. Ni la bê ti Jéhovah ti aturugu ason ngangu.”+

13 Jéhovah ti aturugu atene: “‘Legeoko tongana ti so ala mä mbi* pëpe na ngoi so mbi iri ala lani,+ mbi nga kue mbi mä ala pëpe na ngoi so ala iri mbi.+ 14 Mbi sara si kota pupu ti ngu akangbi yâ ti ala na popo ti amara kue so ala hinga ala pëpe,+ na kodro ni angbâ na bubango ni tongaso na peko ti ala. Zo oko ahon dä pëpe nga zo oko akiri kâ pëpe,+ ndali ti so a sara si ndo so ayeke pendere aga mbeni ye so amû mbeto na zo.’”

8 Jéhovah ti aturugu akiri asara tënë na mbi, atene: 2 “Mbi Jéhovah ti aturugu, mbi tene: ‘Tënë ti Sion ayeke gbu bê ti mbi ande mingi,+ nga, na yâ ti kota ngonzo ti mbi, mbi yeke gbu koko ti lo.’”

3 “Jéhovah atene: ‘Mbi yeke kiri na mbage ti Sion+ na mbi yeke duti na Jérusalem.+ A yeke iri ande Jérusalem gbata ti tâ tënë*+ nga a yeke iri hoto ti Jéhovah ti aturugu hoto so ayeke nzoni-kue.’”+

4 “Jéhovah ti aturugu atene: ‘Ambakoro-koli na ambakoro-wali ayeke kiri ti duti na ando ti yâ ti Jérusalem so azo ayeke gue ka dä mingi, zo oko oko ayeke na keke ti lo so lo yeke gbu ti tambela na ni, ndali ti so ngu ti lo ague na li ni mingi.*+ 5 Ando ti yâ ti gbata ni so azo ayeke gue ka dä mingi ayeke si singo na amolenge-koli nga na amolenge-wali so ayeke sara ngia kâ.’”+

6 “Jéhovah ti aturugu atene: ‘Atâa so, na yâ ti ngoi ni so, a lingbi ti duti mbeni ye so ayeke ngangu mingi na lê ti tanga ti azo so angbâ, a yeke mbeni ye so a yeke ngangu na mbi ti sara?’ Tënë ti yanga ti mbi Jéhovah ti aturugu la.”

7 “Jéhovah ti aturugu atene: ‘Mbi yeke sigi na azo ti mbi na ando so ayeke na est nga na ouest.*+ 8 Mbi yeke ga na ala na Jérusalem,+ na ala yeke sara kodro dä; ala yeke ga azo ti mbi, na mbi yeke ga Nzapa ti ala,+ Nzapa ti tâ tënë* nga Nzapa so ayeke mbilimbili.’”

9 “Jéhovah ti aturugu atene: ‘Zia maboko ti ala awara ngangu,*+ ala so ayeke mä fadeso atënë so asigi lani na yanga ti aprophète,+ a-oko tënë so a tene na ngoi so a zia na sese gere ti da ti Jéhovah ti aturugu ti tene a leke temple dä. 10 Kozo na ngoi ni so, a yeke futa ye pëpe na zo wala na nyama ndali ti kua so lo sara.+ Nga zo alingbi pëpe ti hon wala ti kiri na siriri ndali ti awato, ngbanga ti so mbi sara si azo kue ake terê na popo ti ala.’

11 “Jéhovah ti aturugu atene: ‘Me ti fadeso, mbi yeke sara ye pëpe na tanga ti azo so angbâ tongana ti so mbi sara giriri.+ 12 A yeke lu ngongoa ti siriri; keke ti vigne ayeke lë lengo ni nga alê ti kobe ayeke sigi na yâ ti sese.+ Ngu ti pere ayeke tuku na ndö ti sese. Mbi yeke sara si aye so kue aga ti tanga ti azo so angbâ.+ 13 Ahale ti Juda nga na ti Israël, legeoko tongana ti so ala ga lani mbeni ye so a deba ni awe na lê ti amara,+ legeoko nga mbi yeke sö ala, na ala yeke ga ye so aga na aye ti nzoni na azo.+ Ala sara mbeto pëpe!+ Zia maboko ti ala awara ngangu.’*+

14 “Jéhovah ti aturugu atene: ‘“Mbi mû lani desizion ti ga na ye ti ngangu na ndö ti ala ndali ti so akotara ti ala ason bê ti mbi, na mbi regretté ni pëpe.” Tënë ti yanga ti Jéhovah ti aturugu la.+ 15 “Legeoko nga, fadeso, mbi mû desizion ti sara nzoni na Jérusalem nga na ahale ti Juda.+ Ala sara mbeto pëpe!”’+

16 “‘A yeke nzoni ala sara aye so: Ala tene tâ tënë na mba,+ nga ala zia si angbanga so a fâ na ayanga ti gbagba ti agbata ti ala asara si tâ tënë na siriri amaï.+ 17 Ala leke pëpe na bê ti ala ti sara sioni na amba ti ala,+ nga ala ndoye pëpe dengo bä ti mvene,+ ndali ti so mbi ke aye so kue.’+ Tënë ti yanga ti mbi Jéhovah la.”

18 Jéhovah ti aturugu akiri asara tënë na mbi, atene: 19 “Jéhovah ti aturugu atene: ‘Jeûne so ala mû na osio nze ni,+ na oku nze ni,+ na mbasambala nze ni+ nga na nze bale-oko ni+ ayeke ga ande angoi ti nzerengo terê nga na ti ngia ndali ti ahale ti Juda, so ti tene angoi ti matanga so anzere na zo mingi.+ Tongaso, ala ndoye tâ tënë nga na siriri.’

20 “Jéhovah ti aturugu atene: ‘A yeke si ande so azo nde nde nga na azo ti agbata mingi ayeke ga; 21 azo ti mbeni gbata ayeke gue na ndo ti azo ti mbeni gbata nde na ala tene: “E gue e voro yanga na Jéhovah ti sara nzoni bê na e* nga e gi Jéhovah ti aturugu. E nga kue e yeke gue.”+ 22 Gbâ ti azo ti ando nde nde nga na amara so ayeke ngangu mingi ayeke ga na Jérusalem ti gi Jéhovah ti aturugu+ nga ti voro yanga na Jéhovah ti sara nzoni bê na ala.’

23 “Jéhovah ti aturugu atene: ‘Na ngoi ni so, azo bale-oko so ayeke ti ayanga ti kodro nde nde kue+ ayeke gbu yongoro bongo* ti mbeni Juif* nzoni, na ala tene: “E ye ti tene e na mo e gue,+ ndali ti so e mä a tene Nzapa ayeke na ala.”’”+

9 Tënë ti ngbanga so Nzapa atene ayeke so:

 3 Tyr wani amonté sese aga koto angoro gbata ni.*

 5 Gbata ti Askélon ayeke bâ ande ni, na mbeto ayeke sara lo.

 9 Molenge-wali ti Sion, duti na ngia mingi.

Molenge-wali ti Jérusalem, dekongo na ngia.

Bâ, gbia ti mo ayeke ga ti bâ mo.+

A yeke zi akokora ti bira.

Lo yeke fa tënë ti siriri na amara.+

12 Ala azo ti kanga so ayeke na beku, ala kiri na yâ ti ngangu gbagba.+

Laso, mbi tene na mo, mbi tene:

‘Wali, mbi yeke futa mo na apart use.+

13 Mbi yeke gboto yâ ti* Juda tongana kokora ti mbi.

Éphraïm ayeke ga ande lê ti kokora ni.

Sion, mbi yeke sara si mo ga tongana épée ti zo ti bira.’

15 Jéhovah ti aturugu ayeke gbu koko ti azo ti lo.

Awato ti ala ayeke mû akamba ti bingo na tênë ti ga ti sara bira na ala, me ala yeke sö benda na ndö ti awato ni.+

Ala yeke nyon ye na ala yeke sara bruit mingi, mo bâ mo tene ala nyon vin.

Ala yeke duti ande na ndö ti sese ti lo tongana atênë ti nginza mingi so aza zango, so ayeke na terê ti couronne.*+

10 “Ala hunda Jéhovah ti sara si ngu apika na ngoi ti tanga ti ngu-nzapa.

Ndani la ala yeke fono kirikiri tongana ataba.

Ala yeke bâ pasi, ndali ti so berger ayeke dä pëpe.

Ala yeke sara bira, ndali ti so Jéhovah ayeke na ala.+

Kamene ayeke gbu awato ti ala so ayeke kpe na ambarata.+

Ala na amolenge ti ala ayeke kiri ti wara ngangu nga ala yeke kiri.

Mbi yeke sara si Ngu ti Nil so alï ahule.

4 “Jéhovah Nzapa ti mbi atene: ‘Fa lege na ataba so a gue na ala ti fâ ala,+ 5 so azo so avo ala afâ ala,+ me a fâ ngbanga na ndö ti azo ni pëpe. Nga azo so akä ala+ atene: “Zia a sepela Jéhovah, ndali ti so mbi yeke ga zo ti mosoro.” Aberger ti ala abâ mawa ti ala kete pëpe.’+

6 “Jéhovah atene: ‘Mbi yeke kiri ti bâ mawa ti azo ti kodro ni encore ape. Mbi yeke sara si zo oko oko atï na yâ ti maboko ti mba ti lo nga na gbia ti lo. Ala yeke futi kodro ni, na mbi yeke zi ala na yâ ti maboko ti amba ti ala pëpe.’”

7 Mbi komanse ti fa lege na ataba so a ye fade ti gue ti fâ ala,+ na mbi sara ni ndali ti ataba so a sara pasi na ala. Tongaso mbi mû akeke use, mbi zia iri ti mbeni Nzerengo ye, nga ti mbeni ayeke Sarango beoko,+ na mbi komanse ti fa lege na ala. 8 Na yâ ti nze oko, mbi tomba aberger ota na kua ti ala, ndali ti so mbi kanga* bê gbä na ala; ala* nga kue ake mbi bê oko. 9 Mbi tene: “Mbi yeke ngbâ ti fa lege na ala pëpe. Zia lo so ague ti kui akui, nga zia lo so ye aye ti fâ lo afâ lo. Ti ala so angbâ, zia ala te nyama ti terê ti amba ti ala na popo ti ala.” 10 Tongaso, mbi gbu keke ti mbi so iri ni ayeke Nzerengo ye+ mbi fâ yâ ni kete kete; na sarango tongaso, mbi fâ yâ ti mbele so mbi te lani na azo ti mbi. 11 Yâ ti keke ni afâ na yâ ti lango ni so, nga ataba so a sara pasi na ala si abâ mbi ahinga so tënë ti yanga ti Jéhovah la.

12 Na pekoni, mbi tene na ala: “Tongana ala ye, ala mû na mbi futa ti mbi; tongana ala ye pëpe, ala gbanzi ni.” Tongaso ala futa mbi na* alê ti nginza ti argent 30.+

13 Jéhovah atene na mbi: “Tuku ni na ndo ti batango nginza; ti ala, ngere so mbi lingbi na ni la.”+ Tongaso mbi mû alê ti nginza ti argent 30 ni, mbi tuku ni na ndo ti batango nginza na yâ ti da ti Jéhovah.+

14 Na pekoni, mbi fâ yâ ti use keke ni kete kete, so iri ni ayeke Sarango beoko;+ na sarango tongaso, mbi fâ yâ ti songo ti ita so ayeke na popo ti Juda na Israël.+

15 Jéhovah atene na mbi: “Ti fadeso, mû agbakuru ti mbeni berger so ahinga kua ti lo ti berger pëpe,+ 16 ndali ti so mbi yeke sara si mbeni berger abâ gigi na yâ ti kodro ni. Lo yeke bâ pëpe lege ti ataba so ague ti kui.+ Lo yeke gi nga pëpe peko ti akete ni, lo yeke kanga pëpe kä ti ala so awara kä+ nga lo yeke mû pëpe kobe na ala so gere ti ala akpengba. Me lo yeke te nyama ti ala so akono pendere+ nga lo yeke gboto sabot ti ataba ni.+

17 Mawa na berger ti mbi so ahinga kua ti lo ti berger pëpe,+ lo so adö ataba ni azia!+

Épée ayeke fâ maboko ti lo nga ayeke kôro lê ti lo ti mbage ti koli.

12 Tënë so Jéhovah atene na ndö ti Israël.

2 “Mbi yeke sara si Jérusalem aga kopo* so asara si azo kue so angoro lo anyon ni na atambela tongana zo so asoulé. Azo ayeke sara camp na terê ti Juda nga na Jérusalem.+ 3 Na ngoi ni so, mbi yeke sara si Jérusalem aga mbeni nengo tênë* ndali ti azo nde nde kue. Azo kue so ayô ni ayeke wara kä ngangu.+ Amara ti sese kue ayeke bungbi ti ke lo.”+ 4 Jéhovah atene: “Na ngoi ni so, mbi yeke sara si li ti ambarata oko oko kue aga kirikiri nga fou asara azo so ayeke kpe na ambarata ni. Lê ti mbi ayeke ngbâ na ndö ti ahale ti Juda, me mbi yeke sara si lê ti ambarata kue ti azo ni avuko. 5 Amokonzi* ti Juda ayeke tene na yâ ti bê ti ala, atene: ‘Azo ti Jérusalem asara si e wara ngangu so alondo na Jéhovah ti aturugu.’+ 6 Na ngoi ni so, mbi yeke sara si amokonzi ti Juda aga tongana wâ na popo ti akeke nga tongana keke so wâ ayeke za na yanga ni na popo ti alê ti kobe so a fâ ni.+ Ala yeke gbi azo ti akodro nde nde kue so angoro ala na mbage ti koli nga na mbage ti wali.+ Azo ti Jérusalem ayeke kiri ti sara kodro na ndo ti ala,* na Jérusalem.+

7 “Jéhovah ayeke sö ande atente ti Juda kozoni, tongaso si pendere* ti ahale ti David nga na pendere* ti azo ti Jérusalem ahon ti Juda pëpe. 8 Na ngoi ni so, Jéhovah ayeke ngoro Jérusalem kue ti bata azo ni.+ Na ngoi ni so, zo so ayeke pika gere ti lo* na popo ti ala ayeke ga ngangu tongana David, nga ahale ti David ayeke ga tongana Nzapa, tongana ange ti Jéhovah so ayeke tambela na devant ti ala.+ 9 Na ngoi ni so, nyen na nyen mbi yeke futi amara kue so aga na bira na terê ti Jérusalem.+

10 “Mbi yeke tuku yingo ti nzoni bê na ndö ti ahale ti David nga na ndö ti azo ti Jérusalem, na ala yeke voro terê na mbi. Ala yeke bâ ndo ande na mbage ti lo so ala kpo lo,+ nga ala yeke toto lo tongana ti so ala yeke toto kuâ ti mbeni molenge so a dü lo gï lo oko. Ala yeke sara vundu ngangu na ndö ti lo tongana ti so ala yeke sara vundu ndali ti kuâ ti kozo molenge ti ala. 11 Na ngoi ni so, azo ayeke toto ngangu na Jérusalem, tongana ti so azo atoto lani na Hadadrimmon, na kpangbala ndo so ayeke na Méguiddo.+ 12 Kodro ni ayeke sara vundu, fami oko oko ayeke bungbi ti sara vundu; ahale ti David ayeke bungbi ti sara vundu, nga awali ti ala ayeke bungbi ti sara vundu. Ahale ti Nathan+ ayeke bungbi ti sara vundu, nga awali ti ala ayeke bungbi ti sara vundu. 13 Ahale ti Lévi+ ayeke bungbi ti sara vundu, nga awali ti ala ayeke bungbi ti sara vundu. Ahale ti Shiméï+ ayeke bungbi ti sara vundu, nga awali ti ala ayeke bungbi ti sara vundu. 14 Ti tanga ti afami nde nde kue so angbâ, fami oko oko ayeke bungbi ti sara vundu, nga awali ti ala ayeke bungbi ti sara vundu.

13 “Na ngoi ni so, a yeke zi mbeni dû ti ngu na ahale ti David nga na azo ti Jérusalem ti tene ala zi na siokpari na terê ti ala nga ala zi sioni ye na terê ti ala.”+

2 Jéhovah ti aturugu atene: “Na ngoi ni so, mbi yeke futi ayanda na yâ ti kodro ni,+ nga azo ayeke dabe ti ala na ni encore ape. Mbi yeke zi nga na yâ ti kodro ni aprophète+ nga na ngangu ti asioni yingo. 3 Tongana mbeni zo akiri atene prophétie, babâ na mama ti lo so adü lo ayeke tene na lo, atene: ‘Mo yeke ngbâ ande pëpe ndali ti so mo tene amvene na iri ti Jéhovah.’ Babâ na mama ti lo so adü lo ayeke kpo lo afâ lo ndali ti so lo tene prophétie.+

4 “Na ngoi ni so, kamene ayeke gbu prophète oko oko kue ndali ti vision so lo bâ na ngoi so lo tene prophétie. Ala yeke yü pëpe bongo ti prophète so a sara na kuä ti terê ti nyama+ ti handa na azo. 5 Mbeni ayeke tene ande: ‘Mbi yeke prophète pëpe. Mbi yeke zo ti fango yaka, ndali ti so mbeni zo avo mbi ngbene ye so mbi de maseka.’ 6 Tongana mbeni zo ahunda lo, atene: ‘Akä ti nyen la na terê ti mo so?’* Lo yeke tene: ‘Mbi wara akä ni so na da ti akamarade ti mbi.’”*

14 “Mbeni lango ayeke ga so ayeke lâ ti Jéhovah; na ngoi ni so, aye ti mo* so a gbu ni na ngangu, a yeke kangbi yâ ni na lê ti mo. 2 Mbi yeke sara si amara kue abungbi oko ti sara bira na mo Jérusalem. A yeke mû gbata ni, a yeke mû aye na yâ ti ada nga a yeke lango na awali na ngangu. A yeke mû ndambo ti azo ti gbata ni ti gue na ala na kodro-wande, me tanga ti azo so angbâ na yâ ni, a yeke hon na ala pëpe.

3 “Jéhovah ayeke gue ti sara bira na amara ni so,+ tongana ti so lo yeke sara ka na ngoi ti bira.+ 4 Na ngoi ni so, gere ti lo ayeke luti na ndö ti Hoto ti akeke ti olive,+ so abâ ndo lê na lê na Jérusalem na mbage ti est. Yâ ti Hoto ti akeke ti olive ni ayeke kangbi use, ti londo na est* ti gue na ouest.* A yeke sara si kota popo-hoto abâ gigi. Ndambo ti hoto ni ayeke gue na mbage ti nord, na tanga ti ndambo ni ayeke gue na mbage ti sud. 5 Ala yeke kpe ti gue na yâ ti popo-hoto so ayeke na milieu ti ahoto ti mbi, ndali ti so popo-hoto ni ayeke gue juska na kodro ti Azel. A lingbi ala kpe, tongana ti so ala kpe lani na ngoi so sese ayengi na ngoi ti Ozias gbia ti Juda.+ Jéhovah Nzapa ti mbi ayeke ga, lo na ala kue so ayeke abe-vulu.+

6 “Na lango ni so, pendere lumière ayeke duti dä pëpe,+ aye kue ayeke kpengba.* 7 Azo ayeke hinga so lango ni so ayeke ti Jéhovah.+ Zo ayeke hinga pëpe wala a yeke kota lâ wala bï; même na lakui, lumière ayeke duti dä. 8 Na lango ni so, angu,+ so aye so ayeke na fini ayeke na yâ ni, ayeke sigi na Jérusalem ti sua.+ Ndambo ni ayeke sua ti gue na mbage ti ngu-ingo so ayeke na est,*+ tanga ti ndambo ni ayeke sua ti gue na ngu-ingo so ayeke na ouest.*+ Ye so ayeke si na ngoi ti ndowa nga na ngoi ti dê. 9 Jéhovah ayeke duti ande Gbia na ndö ti sese kue.+ Na lango ni so, Jéhovah ayeke duti gï oko,+ nga iri ti lo ayeke duti gï oko.+

10 “Kodro ni kue ayeke ga tongana ndo so a iri ni Arabah,+ ti londo na Guéba+ ti gue na Rimmon+ so ayeke na sud ti Jérusalem. Jérusalem ayeke londo, na azo ayeke sara kodro dä,+ ti londo na yanga ti gbagba so a iri ni Yanga-ti-gbagba-ti-Benjamin+ ti gue na ndo so Kozo yanga ti gbagba ayeke dä; a gue nga juska na yanga ti gbagba so a iri ni Yanga-ti-gbagba-ti-Coin. A londo nga na ndo so a iri ni Tour ti Hananel+ a gue juska na adû ti sarango na vin* ti gbia. 11 Azo ayeke sara kodro dä; a yeke kiri ti dë ngbanga ti kuâ na ndö ti gbata ni pëpe,+ na azo so asara kodro na Jérusalem ayeke duti na siriri.+

12 “Akobela so Jéhovah ayeke ga na ni na ndö ti azo kue so alondo na bira na terê ti Jérusalem ayeke so:+ Nyama ti terê ti ala ayeke fun na ngoi so ala yeke luti na nduzu, lê ti ala ayeke fun na yâ ti dû ni nga langue ti ala ayeke fun na yâ ti yanga ti ala.

13 “Na lango ni so, Jéhovah ayeke sara si li ti azo ni aga kirikiri. Zo oko oko ayeke gbu maboko ti mba ti lo, na ala yeke sara sioni na mba.*+ 14 Juda nga kue ayeke bi terê ti lo na yâ ti bira so a yeke sara na terê ti Jérusalem. Ala yeke bungbi amosoro ti amara kue so angoro ala: gbâ ti lor, argent nga na bongo.+

15 “Amara ti akobela so ayeke ga nga na ndö ti ambarata, avuko kororo, achameau, akororo nga na anyama kue so ayeke na yâ ti acamp.

16 “Zo kue so angbâ na popo ti amara kue so aga na bira na terê ti Jérusalem, ngu na ngu+ lo yeke gue ti kuku na gbe ti* Gbia, Jéhovah ti aturugu,+ na lo yeke sara Matanga ti Akpangba.*+ 17 Me tongana mbeni mara ague pëpe na Jérusalem ti kuku na gbe ti Gbia, Jéhovah ti aturugu, ngu ayeke pika na ndö ti ala pëpe.+ 18 Tongana azo ti Égypte aga pëpe na yâ ti gbata ni, ngu ayeke pika na ndö ti ala pëpe. Jéhovah ayeke ga na a-oko kobela so na ndö ti amara so aga pëpe ti sara Matanga ti Akpangba. 19 A yeke tongaso la a yeke punir azo ti Égypte ndali ti siokpari ti ala nga na amara kue so aga pëpe ti sara Matanga ti Akpangba.

20 “Na lango ni so, a yeke sara mbeti so na terê ti acloche so a kanga na terê ti ambarata: “Jéhovah ayeke Lo so ayeke nzoni-kue.”+ Atawa ti tongo na ye*+ so ayeke na yâ ti da ti Jéhovah ayeke duti tongana adû ti sembe+ so ayeke na devant ti gbalaka. 21 Tawa* oko oko kue ti tongo na ye so ayeke na Jérusalem nga na Juda ayeke ga ye so a zia ni nde ndali ti kua ti Jéhovah ti aturugu. Azo kue so ayeke ga ti mû sandaga ayeke mû ambeni tawa ni ti kporo ye dä. Na lango ni so, a yeke wara mbeni zo ti Canaan* na yâ ti da ti Jéhovah ti aturugu pëpe.”+