MBAGE 10
Azo so amä yanga ti Nzapa ayeke wara ande anzoni ye wa?
Fade a yeke zingo mingi ti akuâ ti wara fini na ndö ti sese. Kusala 24:15
Bâ aye ti nzoni so mo yeke wara ande tongana mo mä yanga ti Jéhovah! Mo yeke duti na nzoni seni; zo oko ayeke tï kobela mbeni pëpe nga mbeni mbage ti terê ti zo ayeke buba pëpe. Azo ti sioni ayeke duti ande dä pëpe. Mo yeke zia bê ti mo na ndö ti azo kue.
Pasi, vundu wala toto ayeke ande dä mbeni pëpe. Zo ayeke ga mbakoro pëpe nga lo yeke kui pëpe.
Azo so mo yeke duti ande na popo ti ala ayeke akamarade ti mo na sewa ti mo. Na yâ ti paradis, gigi ni ayeke duti ande pendere mingi.
Zo oko ti duti na mbeto ayeke dä pëpe. Fade azo aduti na tâ ngia.