Sigigi lakue na fango tënë
1 E yeke leke aye nzoni ti mû mbage lakue na kusala ti fango tënë? E yeke sala kue ti bi rapport ti kusala ti e hio na Da ti Royaume nze oko oko? A lingbi e kue e sala ngangu ti sala ni, e zia pëpe mbeni nze oko ahon senge sân ti tene e fa mabe ti e na gigi na alege nde nde.—aRom. 10:9, 10.
2 Nde na fango tënë lakue, e ye nga ti duti ndulu ti mû maboko na ambeni zo ti sigigi lakue na fango tënë (aPhil. 2:4). E lingbi ti sala ni tongana nyen? E lingbi ti hunda na ambeni wafango tënë so ade ti mû batême pëpe, na so akomanse ti fa tënë ade ti ninga pëpe, ti sigigi legeoko na e. Mbeni nzoni programme ti fango tënë lakue ayeke mû ande maboko ti tene tâ tënë alï ngangu na yâ bê ti ala.
3 Sigigi lakue na fango tënë. Ngbâ lakue ti bi rapport ti kusala ti mo nze oko oko. Mû maboko na ambeni zo ti fa tënë lakue. Fa na gigi ‘ndoye teti sewa ti aita kue’.—1 Pi. 2:17.