Mo Lingbi ti Tene Nyen na Mbeni Répondeur Téléphonique?
Singa ayeke mbeni nzoni lege ti fa tene na azo so a lingbi ti wara ala pepe na yanga-da wala ala so alango na yâ ti aterritoire so a yeke ngangu ti si dä. Ye oko, azo mingi fadeso ayeke kiri tene pepe na mbeni singa so apika; mbeni répondeur téléphonique asala ni na place ti ala. Tongana ye asi tongaso, mo lingbi ti sala nyen? Kanga singa ni pepe. Nde na so, duti na mbeni nzoni kiringo tene so mo sû na mbeti na so mo lingbi ti diko na yâ ti singa-me ni. Manda peko ti tene ni lakue ti sala ni na go so anzere. Mo lingbi ti tene nyen?
Mo lingbi ti tisa zo ni na wâ ti ga na Kota Diskur ti peko na Da ti Royaume. Mo lingbi ti tene: “Mbi yeke na vundu so mbi wara mo pepe na da ti mo. Tongana mo ye ti mä mbeni lisoro so aluti na ndo ti Bible so andu tene ti [li ti tene ti kota diskur], ga na Da ti Royaume ti aTémoin ti Jéhovah. A tisa azo kue. A hunda ti bi dîme pepe.” Na pekoni fa polele lango nga ngbonga ti bungbi ni, na fa adresse ti balabala ni wala fa ndo so Da ti Royaume ni ayeke dä.
Duti ndulu ti hinga hio afini zo kue so alingbi ti ga na abungbi, fa tele ti mo na ala, na sala si ala ba so a yamba ala nzoni. Glisa pepe ti hunda wala ala ye mbeni mandango Bible senge senge na da!