Adango Bê Teti Mémorial

A yeke sala ande Mémorial ti ngu so na dimanche 8 avril. A lingbi a-ancien abi bê na atene so ge:

◼ Na sorongo ngbonga ti bungbi ni, i leke ti tene mapa na vin ahon pepe kozoni si lâ alinda.

◼ A lingbi azo kue, nga na wamungo diskur ni, ahinga mbilimbili ngbonga nga na ndo ti matanga ni.

◼ Fade agi mapa na vin so alingbi na fade a sala si aleke ni kozo.​—Ba La Tour de Garde ti 15 février 1985, l. 17.

◼ Fade a ga na salle na asembe, a-verre, table na bongo ti ndo ti table so alingbi, na a leke ni kue kozo.

◼ Fade a leke nzoni yâ ti Da ti Royaume, wala ndo so ayeke sala bungbi ni dä.

◼ A yeke soro azo ti yambango zo na ala so ayeke hon na mapa nga na vin, na a yeke fa na ala kozoni atene na ndo kusala ti ala nga na lege ti sala ni.

◼ A lingbi a leke aye ti tene a mu mapa na vin ni na ala kue so a sa yingo na ndo ti ala, so azin na alingbi pepe ti gue na bungbi ni.

◼ Tongana a leke ti sala abungbi mingi na yâ ti Da ti Royaume oko, nzoni mango tele na popo ti akongrégation ayeke duti kota ye si azo ahon ndo ni pepe na yanga ti da, na tele ti lege, nga na ndo so ayeke bata akutukutu dä.