‘Bata Mbeni Ye Nde’

Na yâ kongregation ti akozo Chrétien, aye ti mitele atia azo, ye so a hunda ti tene abi bê dä. Tongana zo oko oko kue ayeke maï, a wa lo ti ‘bata mbeni ye nde’ tongana mbeni matabisi so lo mû na bê ti lo kue ti kaï abezoin so. (1 aCor. 16:1-3) Nzoni bê ti ala asala si azo kue ayeke na kota ngia na mungo “merci mingi na Nzapa.”​—2 aCor. 9:11, 12.

Laso, teti so kusala ti awakua ti Jéhovah ague na li ni na loro na amû ndo sese kue, a hunda nginza mingi. A yeke na lege ni ti tene e nga e ‘bata mbeni ye nde’ lakue ti mû maboko ti kaï ye so atia. (2 aCor. 8:3, 4) A lingbi ti mû aye ti mitele na alege nde nde. (Bâ Tour ti Ba Ndo ti lango 1 ti nze ti novembre 2001, alembeti 28-29.) E yeke bâ ni nzoni tongana mbeni matabisi so ayeke ga na tâ ngia.​—Kus. 20:35.