Kapa ti bungbi ti kusala

Yenga ti lango 10 ti mars

Bia 5

pn 10: Akete tënë. Fa atokua ti yâ ti Kusala ti Royaume so alingbi na kongregation. Na salango kusala na awango ti lembeti 10 wala na mbeni ngbele Kusala ti Royaume so alingbi, sala adémonstration use ti fa kode ti fango afini Tour ti Ba Ndo na Réveillez-vous! Na yâ démonstration oko oko, a yeke nzoni a bungbi apériodique use kue ti fa ni, atâa so a yeke sala tënë gi na ndo périodique oko.

pn 15: “Lettre ti Wabatango Bungbi.” Diskur so mbeni ancien so alingbi asala ni na lege ti lisoro na azo so aga.

pn 20 “Duti na nzara ti sala ye ti nzoni!”a (Aparagraphe 1-12). Na peko ti lisoro na ndo paragraphe 6, sala ndulu démonstration so afa tongana nyen mbeni wafango tënë atisa mbeni songo, mbeni voizin, mbeni kamarade ti ekole wala ti place ti kua na matanga ti Dango Bê. Lo yeke sala kusala na mbeti ti tisango zo na Mémorial. Tongana ade a kangbi pëpe ambeti ti tisango zo na matanga so, a yeke nzoni a sala ti tene a wara ambeti ni na peko ti bungbi.

Bia 19 na sambela ti nda ni.

Yenga ti lango 17 ti mars

Bia 34

pn 10: Akete tënë. Tënë ti compte.

pn 15: Duti na ndara na sorongo akamarade ti mo. Diskur so mbeni ancien asala, so aluti na ndo Réveillez-vous! ti lango 22 ti février 1997, lembeti 13, nga na ndo atënë ti buku Comment raisonner, lembeti 192, na gbe ti li ti tënë “Les mauvaises compagnies”. Fa tongana nyen akpengba-ndia ni andu amaseka nga na akota zo. Gboto lê na ndo aye ti nzoni ti sorongo akamarade so andoye Jéhovah na so afa na gigi so ala yeke sala kue ti bata akpengba-ndia ti lo.

pn 20: “Duti na nzara ti sala ye ti nzoni!”b (Aparagraphe 13-26). Surveillant-président ayeke sala ni. Na ngoi so a yeke sala tënë na ndo paragraphe 14, sala ndulu démonstration so afa lege so mbeni ancien ayeke sala vizite ti mungo maboko na mbeni ita so mbakoro awoko lo, so na yâ ni, lo yeke fa, na lege ti nzobe, tongana nyen ita so alingbi ti mû mbage na kota kusala na yâ kongregation na ngoi ti Mémorial.

Bia 53 na sambela ti nda ni.

Yenga ti lango 24 ti mars

Bia 72

pn 10: Akete tënë. Na salango kusala na awango ti lembeti 10 wala na mbeni ngbele Kusala ti Royaume so alingbi, sala adémonstration use ti fa kode ti fango afini Tour ti Ba Ndo na Réveillez-vous!

pn 15: Bezoin ti kongregation.

pn 20: A-Témoin ti Jéhovah ayeke sala aye ti nzoni na ndo so ala yeke dä. Diskur na lisoro na azo so aga. Ngoi na ngoi, e yeke wara lege ti fa tongana nyen kusala ti e ti fango tënë na tapande ti e ayeke ga na aye ti nzoni na ndo so e yeke dä. Hunda na azo so aga ti sala tënë na ndo ti atënë so: (1) E yeke fa na azo ti duti na fini alingbi na andia ti Bible so andu nzoni tambela. (2) E yeke fa salango ye na lege ni nga yekiango akota zo ti kodoro. (3) E yeke fa dutingo beoko na popo ti amara, akodoro nde nde, nga na abungbi ti azo. (4) E yeke mû maboko na ambeni zo ti sala si sewa ti ala aga nzoni na mungo maboko na ala ti sala kusala na akpengba-ndia ti Bible. (5) E fa na azo saki mingi awe lege ti diko na ti sû mbeti. (6) E yeke sala kue ti mû maboko na azo na ngoi ti aye ti ngangu. (7) E mû kota mbage na yâ warango liberté ti vorongo so azo kue ayeke na ni.​—Bâ buku Prédicateurs, lembeti 699.

Bia 121 na sambela ti nda ni.

Yenga ti lango 31 ti mars

Bia 130

pn 12: Akete tënë. Dabe ti awafango tënë ti bi rapport ti ala ti mars. Sala tënë ti ambeti so ayeke fa na avril. Fa akota tënë ti article “Sala kua na buku Voro oko tâ Nzapa ti manda Bible na azo”. Sala lisoro na ndo tënë “Adango bê teti Mémorial”

pn 13: Aye so asi na aita na yâ kongregation. Tisa kongregation ti sala tënë ti aye so ala wara na ngoi ti kota kusala so asala ni na mars. Gonda ala teti ngangu so ala sala, na wa awafango tënë kue ti mû mbage mingi na kusala ti fango tënë, tongana lege azi na ala, na nze ti avril.

pn 20: “Jéhovah alingbi biani na sepela”c Gboto lê na ndo nene ti matanga ti Dango Bê. Fa tongana nyen zo kue alingbi ti mû maboko na ambeni zo ti gue na matanga ni. Fa ye so alingbi ti sala ti mû maboko na aita so azia ti fa tënë ti kiri ti zingo nzara ti ala. Hunda na azo so aga ti sala tënë ti ambeni ye so asi, so alingbi ti mû ngangu na zo, so ala wara ni na ngoi ti Mémorial ti ngu so ahon.

Bia 173 na sambela ti nda ni.

Yenga ti lango 7 ti avril

Bia 191

pn 5: Akete tënë.

pn 10: Kode ti fa nda ti tënë na lege ti Bible. Lisoro na azo so aga. Tongana nyen e lingbi ti maï kode ti fa nda ti tënë so alë lengo na azo na fango tënë? (1) Duti na nzoni hingango nda ti Bible so mo wara na lege ti mandango ye mo mveni, nga na guengo na bungbi. (2) Gbu li na ndo ye so mo manda, na mandango ambage nde nde ti atâ tënë. (3) Gi pëpe gi afango nda ti aversê ti Bible, me nga gunda ni na yâ Bible. (4) Bâ lege so mo lingbi ande ti fa nda ti aversê ni na amara ti azo nde nde. (5) Fa tongana nyen mo lingbi ti mû atapande na ndo ambeni tënë.

pn 30: “Warango nzoni mingi na lege ti Kota Bungbi ti District ‘Awakua ti Royaume so ayeke na wâ.’ ”d Wamungo li ni na Mandango Tour ti Ba Ndo ayeke sala ni. Na peko ti penze-ngbonga oko ti tënë ti tongo nda ni, sala lisoro na azo so aga na ndo kapa ti kota bungbi ti district, na salango kusala na ahundango tënë so amû na yâ article ni. Kangbi yâ ti ngoi ti mo ni nzoni. Andulu tënë alingbi peut-être ti dabe azo so aga na atënë so ayeke na nene ni mingi. Tongana lege ayeke dä, hunda na azo so aga ti fa tongana nyen ala sala kusala awe na aye so ala manda lani nga ti fa aye ti nzoni so ala wara na salango tongaso.

Bia 217 na sambela ti nda ni.

[Akete tënë na gbe ni]