Ye ti tene na ndo ti apériodique

Tour ti Ba Ndo 1 janv.

“Na ndembe so e yeke dä, azo mingi ayeke bi bê na Jésus. Mo lingbi ti fa na e lege so Jésus asara ngangu na ndo ti fini ti mo? [Zia zo ni akiri tënë.] Bible awa e kue ti mû tapande ti Jésus. [Diko 1 Pierre 2:21.] Sarango ye alingbi na tënë so alingbi ti sara si e duti nzoni ahon ti kozo, e duti na ngia mingi. Mbeti so afa nda ni.”

Réveillez-vous! janv.

“Tongana azo mingi atingbi na akpale, ala yeke tene so Nzapa la ase ala. Mo pensé lâ oko tongaso pëpe? [Zia zo ni akiri tënë. Na pekoni diko Jacques 1:13.] Article so afa tâ ye so ayeke na gunda ti akpale na afa ndani so e lingbi ti duti na mabe so apasi ti e aga nduru ti hunzi awe.” Fâ article so ato nda ni na lembeti 28.

Tour ti Ba Ndo 1 fév.

“Na ndo ti sese kue, azo ayeke na abango ndo nde nde na ndo ti Marie, mama ti Jésus. Bibe ti mo ayeke ti lo tongana nyen? [Zia so ni akiri tënë.] Bible afa so Marie asara mbeni kota ye na yâ ti mbaï ti azo. [Diko Luc 1:30-32.] Mbeti so afa ye so e lingbi ti manda na ndo ti Marie.”

Réveillez-vous! fév.

“Aye kue so ayeke na ndo ti sese afa so a sara sese ni ti tene fini aduti na ndo ni. Mo bâ so aye so kue abâ gigi gi tongaso wala mbeni Zo la asara ni? [Zia zo ni akiri tënë.] Azo mingi ayeda na versê ti Bible so. [Diko Psaume 104:24.] Mbeti so azi yâ ti tënë ti awandara nga na ti Mbeti ti Nzapa ti fa so mbeni Wasarango ye ayeke dä.”