Ye ti tene na ndo ti apériodique

Tour ti Ba Ndo 1 février

“Ambeni eglize atene so a lingbi zo anyon sämba pëpe, me ambeni atene so a yeke nzoni ti nyon ni. Ti mo, tongana mbeni zo anyon sämba, Nzapa ayeke bâ lo tongana nyen? [Zia zo ni akiri tënë.] Atâa so Bible atene so Jésus asara si ngu aga vin, a tene nga tënë so ge. [Diko aProverbe 23:20a.] Mbeti so afa nzoni bango ndo so Bible ayeke na ni na ndo ti nyongo sämba.”

Réveillez-vous! février

“Ambeni zo atene Nzapa la asara ye kue, me ambeni atene mbeni ye ti fa so Nzapa la asara ye kue ayeke ti lo dä pëpe na a yeke na lege ni pëpe ti yeda na mara ti tënë tongaso. Mo tene ti mo nyen? [Zia zo ni akiri tënë.] Ti Bible, tâ mabe aluti na ndo ti ye so ayeke dä biani. [Diko aHébreu 11:1.] Mbeti so afa ambeni ye so afa biani so Nzapa la asara ye kue.” Fa article so ato nda ni na lembeti 22.

Tour ti Ba Ndo 1 mars

“Azo mingi ayeke na beku ti gue na yayu na peko ti kuâ ti ala. Ti mo nga kue ayeke tongaso? [Zia zo ni akiri tënë.] Bâ tënë so Bible atene na ndo ti beku so mingi ti azo ti vuru bê ayeke na ni. [Diko Psaume 37:29.] Mbeti so afa ye so Bible atene na ndo ti azo so ayeke gue na yayu nga na kusala so ala yeke gue ti sara kâ.”

Réveillez-vous! mars

“Ti azo mingi, tongana ala bâ akeke, anyama na ambeni ye tongaso, bê ti ala adö. Peut-être mo nga kue a yeke tongaso. Ti mo, kode so a sara na aye ni so afa ndara dä? [Zia zo ni akiri tënë. Na pekoni, diko Psaume 104:24.] Mbeti so afa tapande ti ambeni ye so a sara ni tâ pendere mingi na afa nga ye so e lingbi ti manda dä.”