Ye ti tene na ndo ti apériodique

Tour ti Ba Ndo 1 mai

“Tongana a hunda na azo, Ti ala zo wa la ayeke kota ahon tanga ti azo kue? mingi ti ala atene a yeke Jésus. Mo kue mo bâ ni tongaso? [Zia zo ni akiri tënë.] E yeke mä ka atënë ndenge na ndenge na ndo ti lo, me a yeke nzoni e gi ti hinga so wa la ayeke tâ tënë. [Diko Jean 17:3.] Tour ti Ba Ndo so asara tënë mingi gi na ndo ti Jésus na ayeke fa na e ye so Bible afa biani na ndo ti lo nga na ndo ti afango ye ti lo.”

Réveillez-vous! mai

“Mo pensé so na yâ ti ngoi kete kpale ti konomi so ayeke na yâ ti dunia so ayeke hunzi ande? [Zia zo ni akiri tënë.] Mingi ti azo ahinga pëpe tongana nyen si Bible alingbi ti mû maboko na e na yâ ti angangu ngoi so. [Diko mbeni versê ti yâ ti article ni.] Mbeti so afa wango so Bible amû ti tene e gbu ngangu na gbe ti akpale ti konomi.” Fa article so ato nda ni na lembeti 18.

Tour ti Ba Ndo 1 juin

“Lâ oko mo hunda tere ti mo awe ngbanga ti nyen Nzapa azia si azo ayeke bâ pasi? [Zia zo ni akiri tënë.] Bâ tënë so mbeni wasungo Psaume ahunda na tere ti lo na so mingi ti azo ahunda nga na tere ti ala. [Diko Psaume 10:1.] Mbeti so afa bibe ti Bible na ndo ti tënë so Nzapa azia si azo ayeke bâ pasi na afa nga ye so Nzapa ayeke sara ti zi ni.”

Réveillez-vous! juin

“Gigi ti laso akpengba mingi na asara si li ti azo ayeke kpô pëpe. Mo bâ ni tongaso ape? [Zia zo ni akiri tënë. Na pekoni, diko 2 Timothée 3:1.] Ti mingi ti azo, atënë so afa ndani so aye ni ayeke tongaso. Mbeti so asara tënë na ndo ti ye so gingo bê alingbi ti sara na ndo ti e. A fa nga ambeni ye so e lingbi ti sara ti hon ndo ni.”