Dango bê ti Ekole ti Kusala ti aChrétien

Fade a yeke sara lisoro na ndo ti ahundango tënë so ayeke na gbe ni ge na Ekole ti Kusala ti aChrétien na yenga so ato nda ni na lango 26 ti avril 2010. Surveillant ti ekole ayeke mû ande li ni na lisoro ti dango bê teti penze-ngbonga 20 so andu adevoir so a sara ti londo na yenga ti lango 1 ti mars ti si na yenga ti lango 26 ti avril 2010.

1. Naomi aye ti tene nyen tongana lo tene “L’Éternel asara tënë ti témoin ti ke mbi, na Lo Ti Ngangu Ahon Kue asara ye ti ngangu na mbi”? (Ruth 1:21) [w05 1/3 l. 27 par. 2]

2. Ye wa asara si azo ahinga Ruth tongana “wali so alingbi”? (Ruth 3:11) [w05 1/3 l. 28 par. 7]

3. Tapande wa Elkana azia na e na lege ti tënë so lo tene na wali ti lo? (1 Sam. 1:8) [w05 15/3 l. 22]

4. So azo ti Israël ahunda ti wara mbeni gbia ayeke na lege ni pëpe ngbanga ti nyen? (1 Sam. 8:5) [w05 15/9 l. 20 par. 17; it-2 l. 827 par. 1]

5. Tongana nyen Samuel so aga “mbakoro, na kuali ti [lo] avuru” ayeke lani mbeni nzoni tapande ti zo so ayeke sambela ndali ti amba ti lo? Ye so aye ti fa nyen na e? (1 Sam. 12:2, 23) [w07 1/6 l. 31 par. 14-15]

6. Ngbanga ti nyen Saül asara lani ye ti nzoni na azo ti mara ti Kéni? (1 Sam. 15:6) [w05 15/3 l. 22 par. 10]

7. Na dikongo 1 Samuel 16:17-23, ngbanga ti nyen Saül ahunda tënë na ndo ti babâ ti David? [w05 15/3 l. 23-24]

8. E lingbi ti manda nyen na ndo ti lekengo mbeni kota kpale so David aleke na Gath? (1 Sam. 21:12, 13) [w05 15/3 l. 24 par. 4]

9. Na ngoi so Jonathan abâ so a lingbi lo mû maboko na kamarade ti lo David nga lo kpengba lo, nyen la afa so lo sara ye lani na ndoye nga na tâ be-ti-molenge na mbage ti David? (1 Sam. 23:17) [lv l. 28 par. 10, kete tënë na gbe ni]

10. So Saül ague abâ wali ti gingo bendo ti Endor, e manda nyen dä? (1 Sam. 28:8-19) [w05 15/3 l. 24 par. 7]