Aye bale-oko na use so asara si e yeke fa tënë

Ngbanga ti nyen e yeke fa tënë da na da nga e yeke manda Bible na azo? Kozoni kue a yeke ti mû maboko na azo ti nzoni bê ti mû lege ti fini, a yeke ni la ape? (Mat. 7:14). A yeke kozo raison so a fa ni na popo ti ambeni so ayeke na gbe ni ge, me ti e a yeke kozo raison ni la pëpe. Na popo ti aye bale-oko na use so e yeke fa tënë ngbanga ni, so wa si ayeke kota mingi na lê ti mo?

1. Fango tënë amû maboko na azo ti sö fini ti ala.​—Jean 17:3.

2. A yeke mbeni gbotongo mê teti azo ti sioni.​—Ézéch. 3:18, 19.

3. A sara si prophétie ti Bible aga tâ tënë.​—Mat. 24:14.

4. A fa so Nzapa ayeke sara ye na lege ni. Zo oko alingbi pëpe ti bi tënë na li ti Jéhovah na tenengo so lo futi azo sân ti mû lege na ala ti changé bê ti ala.​—Kus. 17:30, 31; 1 Tim. 2:3, 4.

5. So e yeke mû maboko na azo na lege ti yingo, andâ e yeke zi kuda na li ti e teti so ala nga kue a vo ala na lege ti mênë ti Jésus.​—aRom. 1:14, 15.

6. A mû lege na e ti zi ngbanga ti mênë ti azo na li ti e.​—Kus. 20:26, 27.

7. A yeke ye so a hunda na e ti sara tongaso si e sö fini ti e wani.​—Ézéch. 3:19; aRom. 10:9, 10.

8. A fa so e ndoye amba ti e.​—Mat. 22:39.

9. A fa so e mä yanga ti Jéhovah na Molenge ti lo.​—Mat. 28:19, 20.

10. A yeke mbeni mbage ti vorongo so e yeke voro na Nzapa.​—aHéb. 13:15.

11. A fa so e ndoye Nzapa. ​—1 Jean 5:3.

12. A yeke sara si iri ti Jéhovah aga nzoni-kue.​—És. 43:10-12; Mat. 6:9.

Ti tâ tënë ni, a yeke pëpe gi aye so la asara si e yeke fa tënë. Na tapande fango tënë asara si mabe ti e akpengba nga amû na e pasa ti sara kua maboko na maboko na Nzapa (1 aCor. 3:9). Me, kota raison so asara si e yeke fa tënë ayeke raison bale-oko na use ni. Atâa azo amä e wala ala mä e pëpe, fango tënë ayeke sara si iri ti Nzapa aga nzoni-kue nga amû lege na Jéhovah ti kiri tënë na zo so ayeke zonga lo (aProv. 27:11). Biani, e yeke na araison mingi ti “zia pëpe ti fa ye na ti fa nzoni tënë”.​—Kus. 5:42.