Akode ti fango na tënë

Ti to nda ti a-étude na kozo samedi ti nze ti septembre

“Azo mingi amä na bê na a-ange. Ala tene ti ala nyen? [Zia zo ni akiri tënë.] Teti so a-ange ayeke acréature ti yingo, ala yeke na ngangu mingi, me ala pensé so a-ange alingbi ti mû maboko na e? Bible afa na e tongana nyen la ala yeke mû maboko na azo laso.” Fa na lo article so ayeke na ndangba lembeti ti Tour ti Ba Ndo ti lango 1 ti nze ti septembre, na bâ legeoko na lo tënë so ayeke na gbe ti kozo hundango tënë ni nga diko mbeni oko ti aversê so afa tënë ti yâ ni pëpe. Mû na lo apériodique ni, na mä tere na lo ti kiri ti sara lisoro na ndo ti mbeni hundango tënë ni nde.

Tour ti Ba Ndo 1 septembre

“Ala pensé so azo ayeke buba sese so biaku biaku la? [Zia zo ni akiri tënë.] Atâa so azo alingbi pëpe ti leke aye so ala buba ni na ndo ti sese, Bible atene so Nzapa alingbi ti sara ni nga lo ye ti sara ni. E wara tënë ti dengo bê so na Psaume 65:10. [Diko ni.] Tour ti Ba Ndo so afa tongana nyen Nzapa ayeke leke ande aye na ndo ti sese nga tongana nyen la e lingbi ti wara aye ti nzoni so ayeke ga ande. Mbi ye ti zia na ala mbeti so.”

Réveillez-vous! septembre

“Azo mingi abâ so patron ti ala amû na ala kua ahon ndo ni nga ala hinga pëpe tongana nyen la ala lingbi ti hon ndo ti kpale so. Awandara atene so sarango kua ahon ndo ni alingbi ti sara si zo afatigué kue, na ye so alingbi ti sara sioni na zo nga na bibe ti lo. Nyen la ala pensé alingbi ti mû maboko na mbeni zo ti ngbâ ti duti na nzoni bango ndo na yâ ti fini ti lo? [Zia zo ni akiri tënë.] Bâ pendere versê so. [Diko Zo-ti-fa-tene 4:6.] Mbeti so afa ambeni ye osio so e lingbi ti zia na kozo ndo nga ti zia si kua ti nginza ti e afatigué e ahon ndo ni pëpe.”