YENGA TI 29 JUILLET–4 AOÛT
PSAUME 69
Bia 13 na sambela | Atënë ti tongo nda ni (pn. 1)
1. Fason so a sara lani kozo awe tënë ti aye so asi na yâ ti fini ti Jésus na Psaume 69
(pn. 10)
A ke lani Jésus senge senge (Ps 69:4; Jn 15:24, 25; w11 1/8 l. 13 par. 17)
Jésus ayapu ndali ti tâ vorongo Nzapa (Ps 69:9; Jn 2:13-17; w10 1/12 l. 16 par. 7-8)
Vundu asara Jésus mingi nga a mû na lo vin so a zia sengo ye dä (Ps 69:20, 21; Mt 27:34; Lc 22:44; Jn 19:34; g95-F 22/10 l. 31 par. 4; it-2-F l. 599 par. 11–l. 600 par. 1)
TI GBU LI DÄ: Ngbanga ti nyen la Jéhovah azia lani aprophétie na ndö ti Messie na yâ ti mbage ti Mbeti ti Nzapa so a sû ândö na Hébreu?
2. Gi anzoni ye so ayeke na yâ ti Bible
(pn. 10)
Ps 69:30, 31—Tongana nyen la aversê so ayeke aidé e ti sara si asambela ti e aga nzoni mingi ahon ti kozo? (w99 1/2 l. 16 par. 11)
Anzoni ye wa la mo wara na yâ ti dikongo Bible ti yenga so, so mo ye ti fa ni?
3. Dikongo Bible
(pn. 4) Ps 69:1-25 (th point 2)
4. Kanga bê: Ye so Jésus asara lani
(pn. 7) Lisoro. Zia VIDÉO ni, na pekoni sara lisoro na ndö ti lmd ye ti manda 8 point 1-2.
5. Kanga bê: Sara ye tongana Jésus
(pn. 8) Lisoro so aluti na ndö ti lmd ye ti manda 8 point 3-5 nga na “Bâ nga.”
Bia 134
6. Bezoin ti congrégation
(pn. 5)
7. Aye so a hunda ti sara ndali ti vorongo Nzapa na yâ ti sewa
(pn. 10) Lisoro.
Na janvier 2009, a bungbi bungbi ti Mandango Buku ti Congrégation na bungbi ti Ekole ti Kusala ti aChrétien nga na Bungbi ti Kusala aga bungbi oko ti milieu ti yenga. Ye so amû lege na asewa ti leke mbeni kapa ti ala wani ti voro Nzapa na yâ ti sewa yenga oko oko. Asewa mingi afa singila ti ala ndali ti ye so a leke lani ti mû lege na ala ti ga nduru mingi na Jéhovah nga na mba so.—De 6:6, 7.
Ambeni ye wa la apeut ti aidé ababâ ti sewa ti sara si vorongo Nzapa na yâ ti sewa ti ala atambela nzoni?
Sara ni lakue. Tongana lege ayeke dä, soro mbeni ngoi ti voro Nzapa na yâ ti sewa yenga oko oko. Soro nga mbeni lango nde ti sara na ni tongana mbeni ye akanga lege na ala ti sara ni na lango so ala yeke sara ka na ni
Leke terê. Sara lisoro na wali ti mo, nga na ambeni ngoi hunda amolenge ti mo ti fa ambeni ye so ala ye ti tene a sara. A hunda ngoi ahon ndö ni ape ti leke terê, mbilimbili tongana a nzere na azo ti sewa ni ti sara ambeni même ye yenga oko oko
Sara ni alingbi na bezoin ti sewa ti mo. Na ngoi so amolenge ayeke kono, abezoin ti ala nga na akode ti ala ayeke changé. Aye so mo soro ti sara adoit ti aidé azo ti sewa ti mo ti ga nduru mingi na Jéhovah
Sara ye na ndoye nga sara si azo kue asentir terê ti ala nzoni. Na ambeni ngoi, mo peut ti leke ti tene ala manda ye na gigi tongana ndo ayeke senge. Ala peut ti wu terê kete na ngoi ti mandango ye ni tongana bezoin ni ayeke dä. Tongana mo bâ so a yeke nzoni ti sara tënë na ndö ti ambilimbili kpale so amolenge ti mo atingbi na ni, mû pëpe ngoi ti vorongo Nzapa na yâ ti sewa ti diko tënë na terê ti ala wala ti suku na ala
Soro atënë nde nde. Na tapande, ala peut ti mû ngoi ti vorongo Nzapa na yâ ti sewa ti leke mbeni mbage ti bungbi ti peko, ti bâ mbeni vidéo so ayeke na ndö ti jw.org na ti sara lisoro na ndö ni, nga ti tara peko ti atënë so ala yeke gue ti tënë na fango tënë. Atâa so kota mbage ti vorongo Nzapa na yâ ti sewa aluti na ndö ti lisoro, a peut ti zia nga mbeni ngoi ni ti tene zo oko oko ti sewa ni amanda ye lo wani
Sara lisoro na ndö ti hunda so:
Tongana nyen la mo tara awe ti sara ye alingbi na aye so a fa ge so na ngoi ti vorongo Nzapa na yâ ti sewa ti mo?
8. Mandango Bible ti Congrégation
(pn. 30) bt chap. 13 par. 8-16, encadré na l. 105