Eskê Bible amû lege na zo ti sara divorce?

Kiringo tënë ti Bible

Bible amû lege na azo ti sara divorce. Me, Jésus afa gï mbeni raison oko so amû lege na azo ti sara divorce, lo tene: “Tongana a yeke ndali ti lango-sioni [wala, gingo mbeni koli wala wali nde] pëpe, si mbeni zo asara divorce na wali ti lo na lo sara mariage na mbeni wali nde, andâ lo gi mbeni wali nde la.”​—Matthieu 19:9.

Nzapa ake azo so asara ye na handa ti tene ala sara divorce. Lo yeke fâ ngbanga na ndö ti azo so ake koli wala wali ti ala gï senge senge, mbilimbili ala so asara ni ndali ti so ala ye ti mû mbeni koli wala wali nde.​—Malachie 2:13-16; Marc 10:9.